السلام عليكم ورحمة الله وبركاته
اخباركن خواتي عساكن الا بخير وسعه وسعاده
موضوعي يوم < ها بخصوص انك تنزلين كل يوم موضوع 
< هع ب يكون عن اسنان ومشاكل الاسنان وهموم الاسنان وافراح الاسنان ههه
مهم خل نبداء 
طبعاً
أهم شي النظافه للفم والاسنان بنتظام
–
الافضل تستخدمين سواك 5مرات باليوم او معجون جيد مثل جل سنسوداين .. 3مرات
وبخصوص سواك عشان تحافظين عليه فتره اطول ّاحفظيه بالفريزه وقبل تنظفين اسنانك به اربطيه بكيس نايلون وانقعيه بماء دافيء لين يلين.
الشمس# فيتمين دال مهم للمحافظه على الاسنان وقوتها وافضل مصدر له الشمس وبعد سمعت السمن بس موب حق البقايل لا الطبيعي اللي تطلعه جدتك من حليب البقره
عاد اذ جدتك ماعندها بقره من وين بتلقينه 
والتعرض للشمس ماهو بالامر الصعب فاخر دراسات يقال ان الجسم يحتفظ ب فتمين دال لعدات اسابيع بعد التعرض للشمس و ان فترة 15دقيقه كافيه مرتين بالاسبوع واذ مرا ماعندك وقت مرا واي وقت مو لازم وقت محدد ومجرد ماتعرضين يدك وشوي من رجلك الله يكرمكم كافيه
تحذير : لاتكثرين من اكل الحلويات المصنعه والمشروبات الغازيه وانتبهي تاكلين شي بار مثل ايسكريم عقب شي حار قهوه او .. لان ها يسبب شطوب ويصير بسرعه تسوس اسنانك.
في حال لاحظتي ظهور تسوس بسنانك سطحي لاتخافين مع الاهتمام والعنايه المنتظمه بيروح وسمعت ان ناس استعملو مسواك لمدة شهر كامل بنتظام شال التسوس عنهم وبعد يقال في تنظيف بالفلورايد للتسوس السطحي يعني لاتتسرعين وتخلين دكتور يحفرها لك لان اذ انحفرت بسرعه الله يخلف عليك واصلن بترد تسوس لان السن لما ينكسر سهل تدخل فيه البكتريا مدري وش الحكمه من حفرهم ماقتنعة<علاج فاشل والمشكله ان ماشي غيره عندهم و حفر السوس اهون من بعض حفر الدكاتره عاد السوس بياخذ له 5سنين واكثر اما دكتور مايقصر يقصف نصها
الا اذ لاحظتي ان السوس بداء يحفر او الم عاد وش تسوين قال وش اللي حدك على المر قال اللي امر منه < ها مجرد راي شخصي لاحد يتفلسف علي اوكشين
من افضل الاشياء اللي تعالج مشاكل اللثه والالتهابات #المر
-شرب ومضمضه-
وها خلطه لعلاج مشاكل الاسنان واللثه والخرجات الله يحميكم منها ويشفي المبتلين
استعمليها 3مرات او 2مرا باليوم اوحتى مرا
: جبي مر ربع ملعقه وحبة بركه قصيميه وطحنيها او دقيها بالهاون عقب جبي عسل اصلي واخلطيها وذ بعض وحطي ربع ملعقه او 7قطرات ماء زمزم مقرىء فيه سورة البقره كامله والمعوذات وايات الرقيه همن جبي قطنه بعد تنظيف اسنانك ادهنيها وخليها 10دقايق الى ساعه براحتك ..
^ونفس هالخلطه سويها بس زيدي بمقادير العسل من ربع لملعقه وماء زمزم ربع كاس :ها تعتبر مضاد حيوي طبيعي : استعمليها 7 ايام الى اسبوعين : وتقدرين تستمرين على شربها بس بدون مر خلي المر وقت يكون فيه التهاب ..
الشي الثاني النظافه بعد الاكل تمضمضي 3مرات جيداً
واذ كان عندك التهابات او اي مشاكل بفمك او اسنانك الله يبعد عناوعنكم الشر
الافضل تتمضمضين بماء زمزم مخلوط مع شوي منقوع مر
والمرطبعا تنقعينه بكاسه صغيره ماء وتحفظينه بالثلاجه وكل يومين 3 تغيرينه
ولاتنامين الا نظفتي اسنانك ها اهم شي بالليل
وانتبه مو كل مااكلتي تستخدمين معجون وفرشه لا ها غلط لان اكتشفو انه يضعف الاسنان والمينا
لذالك المضمضه تكفي والتنظيف 3مرات كفايه بعد الاكل بنص ساعه او ساعه
وبعد للوقايه من التسوس 3مرات او مرتين باليوم
حطي ربع ملعقه حبة بركه مع 7 حبات زبيب وامضغيها لوقت كافي جيدا ها وقايه من تسوس
نجي لدكاترة الاسنان انتبهي مو يقولك دكتور تسلمين نفسك له ترى بعض دكاترة الاسنان يخربون مايصلحون بالاخير انتي الخسرانه
لاتزورين طبيب اسنان الا لضروره وبحدود وعقل شي معين وتكونين قبل ساله وعارفه بالضبط وش اللي بيسير وقبل لايحط يده اعرفي وش بيسوي وش بتكون النتيجه مو عقب تقولين ياليت وياليت اذ راضيه من داخلك وتحسينان هالدكتور فاهمك وطيب بتعامله وشغله زين اوكي اذ جاك شك اقعدي ببيتك ابرك لك لما تلقين دكتور زين ولا احد مدحه لك ولاتقولين اني ابالغ مابتعرفين قدر اسنانك الا اذ فقدتي واحد منها ذاك الساع بتعرفين قدرها وانها ماتعوض بعد لاتقولين الله يخلي التركيبات والزراعه ماشي شي احسن من خلقت الله التركيب او الجسر لازم يخربون لك اثنين جنبها عشان يحطوه ها من غير الالم وكل شوي تحتاج تغير وتنظيف والله يستر لاتلتهب .. والزراع تكاليف وماتدرين تناسب او لا
عشان كذا اقولك حافظي عليها وادعي الله يفكك شر دكاترة الاسنان وادعي ان يحفظها لك
ولاتنسين حديث الرسول :لولا أن أشق على أمتي لأمرتهم بالسواك مع كل وضوء
يعني لاتستهينين بها خاصه ان الاسنان بالوجه اذ تاثرة بيتاثر وجهك معها والوجه اهم شي عند الانسان يعني تخيلي قطع العصب بس ها ممكن يخلي ملامحك تعجز بدري من عند فكك وفمك ..الخ من الاثار
ها شوي معلومات انشاء الله تفيدكم لو بالقليل ونصيحهابدن لاتتكاسلين عن الاهتمام بسنانك لان لو تاثرة عقبها بتندمين
–
وها بعض معلومات منقوله من موقع :
– عند سقوط السن كليا من الفك بسبب صدمة او ضربة، يجب مسك السن من التاج ووضعها في كأس من الحليب او الماء، والذهاب مباشرة الى طبيب اسنان حيث من الممكن غرسها
مرة اخرى في الفك. < سبحان الله
أهمية ضروس العقل :
أن خلع أسنان العقل السليمة يعتبر أمرا لا طائل من ورائه، وأنه قد يعرض المرضى لأضرار في الأعصاب أو التلوث، والنزيف، وربما الموت في بعض الأحيان. ويطلق تعبير أسنان العقل عادة على الجيل الثالث من الأسنان التي تبدأ في الظهور خلال عمر المراهقة.
– نوع البكتيريا Streptococu Mntans التي تسبب تسوساً في الاسنان، هو نفس النوع الذي يؤدي الى بعض امراض القلب، لذلك يجب على مرضى القلب اخبار طبيب الاسنان
بمرضهم لكي يأخذ الاحتياطات اللازمة لسلامة صحتهم.
-زراعة الاسنان هي عبارة عن غرس وتد -بطريقة جراحية- في الفك مكون من عنصر التاتينيوم ويربط فوقه التاج المكون من البورسيلين، والسن المزروعة لايوجد بها
عصب ولاتسوس.
*الموز والشاي الخالي من السكر مفيدان لصحة الاسنان، وذلك لاحتوائهما على عنصر الفلورايد.
خلع الأسنان يترك فراغاً نفسياً :
أشارت أبحاث حديثة إلى أن معظم الأشخاص الذين يضطرون لخلع بعض أسنانهم يجدون صعوبة في التكيف للعيش بدونها لفترة طويلة. إن الكثيرين من هؤلاء الأشخاص يفقدون الثقة بالنفس ولا يتمكنون من أداء نشاطاتهم اليومية بشكل صحيح .ويعترف الباحثون أن أطباء الأسنان ربما يقدمون بعض النصائح لمرضاهم لكن المرضى يشعرون بالقلق الشديد
–
قضيناأ 
واي وحده عندها اضافه تبي تضيفها تضيفها عشان الكل يستفيد
والسلام عليكم ورحمة الله وبركاته ^^