اخباركم بنات عساكم بخير
بصراحه انا ماادري اذا كانت هي مشكله مني انا او من الناس اللي حولي
صديقة عمري اعرفها من المتوسط والثنوي انا قررت اكمل جامعه
وهي طبعا المجموع اللي جابته بالثانوي ماكان يأهلها انها تدخل الجامعه
فتره انقطعت اخبارها عني وضيعت رقمي وجابت رقم اختي وطلبت من اختي رقمي وعطتها
ورب الكعبه يابنات لمن كلمتني وش كثر انبسطت باءتصالها من معزتها وعرفت انها تزوجت
وفرحت لها من كل قلبي وتعذرت لي انها ماقدرت توصلي بوقت عرسها ومن هالامور
وقت لها عادي ومني زعلانه والاهم من هذاانك مبسوطه بحياتك و خلينا نلتقي انا وانتي ووحده كنا نعرفها فبيت اهلك اوحتي فبيتي انتم اختاروا اليوم وتعالوا قالت خلاص وقفلت انا من هناوثاني من بعد الجامعه قلت لامي بروح السوق ابي اجيب هديه وعطيها لفلانه بمناسبه زواجها قالت طيب وشريت لها طقم ذهب وادري ان قدرها اكثر من كذا ولمن اراسلها صارت ماترد علي شكيت في الموضوع واتصلت علي البنت الثانيه قالت كلمتني
وماتبي تجي عندك ولاشي قلت لها ليش قالت ماعليك منها متخلفه وناقصه عقل
وانا ماارضي احد يهينها وقسم بالله حاسبتها وحدها من خواتي واصريت عليها لحد ماعرفت السبب وياليت ماعرفت قالت لمن درت انك ماتزوجتي قالت ماتبي تروح عند وحده عانس قلت لها طيب وهديتها قالت البسيها وشيليها من قاموسك كيف اهون عليها
وتتكلم علي وماعمرها شافت مني شي ولاانا شفت منها شي حز الموضوع بخاطري
كثير وبحكم عشرة الايام اللي كانت بينا طلبت من هالبنت تودي لها الهديه وتهنيها بدالي ولاحتي اتصلت علي وشكرتني حتي لو بالكذب وصديقتنا الثلاثه قالت تستاهلين ولاحتي كلمت شكرا اخذتيها منها الحين وش استفدتي قلت لها كل واحد يسوي علي اللي يملي عليه ضميرهوطنشت ….!
و بحكم ان احنا خمسه يعني ثلاث اولاد وبنتين اكبر وحده فينا متزوجه ومخلفه
بالفتره الاخيره اختي صارت تناديني يالعانس روحي يالعانس تعالي معنا وقسم بالله مو ناقصني شي وهي تدري ان طلعاتي من البيت قليله جدا يعني بتوتيه انا وكل من شافني
قال معقوله انتي بنت فلانه يعني شكلي طفولي لدرجه اني اصنف من عالم السنافر من طولي والبعض يحسب اني لسه باولي ثنوي مو بالجامعه و سيرت العرس والزواج ماكانت في بالي بس الحين صارالموضوع يشغلني واختي ماابي اقولها او ارد عليها واجرحها مهما كان هي اكبر مني واحترامها واجب علي …
طالبتكم طلبه من بعد الله يابنات ابيكم تدعولي بالزوج الصالح عاجلا غير اجلا
وماابي منكم شي ثاني غير الدعاء
يعني لو تدعولي بصلواتكم مثل اخت لكم
وعلي فكره تري عمري 24 سنه
الله يرزقك الزوج الصالح عن قرريب العااجل يارب والجميع
اكثري من الاستغفار ورردي ربي اني لما انزلت الي من غير فقير
استغفر الله العظيم واتوب اليه
ومعايرتكِ بشيء لاعلاقةَ لكِ بهِ سوء أدبِ مع اللهِ ..
ولَعل نصيبكِ يكُون أفضل ممِا بعثهُ اللهُ لأختكِ ..
أو لصديقتكِ ، التَي أخَالُ مافعلتهُ لاَ يَمت للصداقةِ بصلةِ ..
الإيجابيِ بهَا أنهَا أحرجت مِن قَول ذلكَ أمامكِ ، لَكي لا تسببَ لك الحَرج ..
ولايَجوزُ لصديقتكِ الثالثةِ نقلُ الكلامِ ..
لَما فيِه من تفرقةِ بَينك وبيَن صديقتكِ ، وإفشاءُُ للعداوةِ والبغَضاء ..
وهَذا ما قَال عَليه الصلاةُ والسَلام ..
" عَذَابَ الْقَبْرِ ثَلاثَةُ أَثْلاثٍ : ثُلُثٌ مِنَ الْغِيبَةِ , وَثُلُثٌ مِنَ الْبَوْلِ , وَثُلُثٌ مِنَ النَّمِيمَةِ " .
فأوصيكِ بمقابلةِ الإساءةِ بالإحسانِ ..
ولاتندمَي عَلى هديتكِ ، فهَذا إنمَا هو من مكَارم الأخلاقِ ..
ولا تلومينَ صديقتكِ بخوفهَا ووسوستهـاَ ..
فكَما ذكرتِ أنها لَم توفق في دراستَها ، فلعَلها أعتبرت زوَجها هديهََ من الله تَعالى وتخشَى فقدهُ ..
وماقالتهُ فِي النهايةِ ليس سَوى كلَام تناقلتهُ المَجالس فإلتقطتهُ هِي وزَان لها الشيطانُ ذلكَ فصدقتهُ وإقتعنتِ به ..
و لا تحكمُي عَلى المشكلةِ وأنتِ لَم تستمعيِ لتبرير صديقتكِ ..
فالإستماعُ إلى طَرف واحِد أو عَدم التأكدُ ممَا قيِل مكروه ..
أَما الآنَ ..
فإغتنمي تأخرُ نصيبكِ ، فِي جَبر كُل عيب ونقصِ فيكِ ..
وحَاوليِ أن تتصفِي بكَامل الصفاتِ التَي تتمنينهَا في زوجكِ ..
لَكي يفي الله بوعدهِ في كلامهِ الكَريم حَيث قَال
( الخبيثاتُ للخبيثين والخبيثون للخبيثات والطّيِّباتُ للطّيِّبين والطَّيِّبون للطَّيِّبات أولئك مُبرَّئون ممّا يقولون لهم مَّغفرةٌ ورزقٌ كريمٌ )
ويجزيكِ بمن هُو مثلك ، وأستعيذي باللهِ أن تكونِي من الخبيثات ..
وتأكدِي أن اللهَ لم يؤخِر نصيبكِ إلى لحكمِة هُو أعلمُ بِها ..
وسيجازيكِ جَراء صبركِ بمَا تقُر بهِ عينكِ بإذنِ الله
.
.
.
تومـا ~
وطنشي آي أحد يقولك عآنس لأنك أبد مو عآنس وصديقتك بكيفهآ هذآ أختيآرهآ لكن مردهآ ترجع تعتذر لأنه غلطآنه ، موفقه ..
اكيد في شي غلط
الله العالم بس يمكن هذه البنت الثانية تكون مكلمتها او ماوصلتلها الهدية
برأيي حاولي تعرفي بيتها وتروحي تزوريها وتتاكدي مابتخسرين شي