.. انا مدرسه لغه عربيه بمدرسه بنات ثانويه
بدايه مشواري ما كنت اعاني وياهم لاني درست بنات اول ثانوي
والحين انا ادرس بنات ثالث ثنوي ومطلعين لي قرون و حتى عيوني حمرا منهم
حركاتهم مو طبيعيه و استغفر الله فيهم قله ذوق و ادب
يعني مثلا يوم الخميس دخلت عليهم الصف وكلهم قاعدين بدائرة ووسطهم اكل وفسفسه و بيبسي ومكرونات وواضح انهم توهم فارشين الاكل
قلت لهم يا بنات قوموا راح اشرح الدرس وبعدها لو كفى الوقت راح اخليكم تاكلون مع ان هالموضوع ممنوع اني اخليهم ياكلون بالفصل
قامو يضحكون ويواصلون اكل
عدا كم وحده من البنات الشطار رجعوا اماكنهم
والباقي واصلوا اكل ولا عليهم مني
انا عصبت عليهم وصارخت و ظلوا ساكتين و بعد دقيقه انفجر الصف ضحك
ماقدرت اتحمل ناديت لهم المشرفه و اعتذروا منها و بعد ما طلعت اخذوا الاكل معاهم على الطاولات و قامو ياكلون
وقت الشرح الاقيهم يسولفون و حتى لما يجاوبوا يعطوني اجابات وققحه عشان الباقي يضحكوا
درست قبلهم مدرسه اعداديه ( متوسطه ) و البنات مثل اخواتي يحبوني و حتى بعيد ميلادي شروا لي هدايا وكيك و لما اشرح لهم يسكتوا و بالفسحه يجوا عندي و نسولف عادي
بس بنات الثانوي مو قادره اتحمل الوضع وياهم
و اقوى حركه سووها قعدت على الكرسي وكنت لابسه تنوره اوف وآيت ولما قعدت الكرسي كان فيه صمغ و عصير توت
وقامو يضحكون
و الله ارجع البيت متضايقه وزوجي قالي انه راح يشتكي عليهم وينفصلوا من المدرسه بعد نهائي
لكن ماحبيت يخسروا دراستهم و اهلهم يتحسفوا عليهم
شنو اسوي لهم شلون اتصرف وياهم
انت معلمة و لك كامل الصلاحيات في معاقبة الخارجات عن قانون المدرسة !
اكتبي تقرير باسامي التلميذات و الادارة رح تستدعيهم للتحقيق معهم و تأديبهم .
ما تنرفزي حالك ابد و خليك ريلاكس و اثبتي وجودك بقوة شخصيتك و اذا وحدة او جماعة خالفو القوانين ارفعيهم الى الادارة مباشرة و هيك رح يخافو و ما يعاودو هالحماقات !
و بعدين لا تقولي اخاف اشتكي عليهم يروح مستقبلهم لأن هذا استعباط !
مفروض عليك تاديبهم و تربيتهم و اصلاحهم فما تتركي الحبل على الغارب ! المدرسة مؤسسة للتنشئة الاجتماعية و اعداد افراد صالحين فخليكي قد المسئولية و اقطعي جذور الفساد في مدارسنا حتى يصلح حال المجتمع ككل !
مافي احترام الله يررحم احنا لماتجي معلمة نخاف موهل جيل اعوذبالله لسان طويل ومافي اي احترام
المهم انتي اكتبي اسماء البنات وديها للاداره خلليها تتصرف معهم تفصلهم كم يوم يتأدبوا ويخافوا |
المشاركة الأصلية كتبت بواسطة ~ خالدْة زماَنها ~
 انا برائي قولي للمديرة
|
وخليج كووووووووول وياهم لانه هم يستانسو يوم يشوفون المعلمة تعصب وتضايج
روحي عندهم وانتي جدية وفرقيهم عن بعض لا تخلي الشلل تيلس يمب بعض
ولا تخلي يومج وياهم كله صراخ وهواش
و اممممم واذا لاحظتي اي تغير لاي بنت فيهم للاحسن امدحيها لانه هم في مرحلة مراهقة ويحبو اللي يمدحهم
الله يعينج عليهم
موفقة
استغفر الله العظيم الذي لا إله إلا هو الحي القيوم و أتوب إليه 