السلام عليكم ورحمة الله وبركاته …
كيفكم ؟ ان شاء الله امناح ..
انا بخش بالموضوع بدون مقدمات …
ياصبايا انا شريت لزوجي هديه جوال ايفون ما تعرفوا قد ايش تعيت عشان اجيب الفلوس يشهد علي ربي اني بعت ذهبي عشان اشتري له وانبسط كثير منه
في مره من المرات شفته مو طبيعي وطول الوقت مطالع في الجهاز حتى واحنا فوق السرير واسترقت النظر 
وشفته شغال في ايميل غير الايميل اللي انا اعرفه واشتغلت شياطيني 
وابشركم حفظته وشفته يكتب كلمة المرور وكمان حفظتها 
وخليته اللين يروح وافتح الايميل واشوف انه فاتح صفحة فيس بوك شفتها في العناصر المحذوفه مرحبا بك في الفيس بوك و …….. اسمه طيب انا وش سويت رحت فتحت لي ايميل جديد وفتحت لي صفحة جديدة و بحثت باسمه واضافني عنده
مع اني حاطه صوره بنت والجنس بنت
الموهم الصدممممه اني لقيت مقاطع تستحي الشياطين تتطالع فيها والله والله تعبت لمن شفتها والمصيبه الكبيره كاتب وينكم يابنات …..
طيب
وانا صرت اتكلم معاه على اساس اني وحده تعرف عليها آآآآآآآآآآآه صدممممه والله كلام ما قاله لي وانا زوجته 
تعبت ولمن اقابله اصلح نفسي ما اعرف شي اللي قهرني يقول في الفيس بوك اني راح اطلق زوجتي اللي هي انا ……
ياجماعه انا تحمللللت فوق طاقتي بس في الايام الاخيره ما قدرت اتحمل وكل شوي ابكي وبدون سبب واضح له والله كرهت اطالع فيه الخاين واللي متعبني زياده يقول في الفيس بوك ان زوجتي تشاركني فراشيييي بس وانا والله ما امدح نفسي اني ماعمري قصرت في حقه ولاشي حتى حالتي حاله عشان ارضيه آآآآآآآه
اللحين انا ماعندي اخوات اشتشيرهم وابي مشورتكم
والله يحفظك ويهدي زوجك ويلين قلبه لك
لان جريمه اللي سواه انتي تهدينه وهو يروح يخون
الله يسعدك يارب
الله يعينك ويستر عليكم اجمعين
أنا ماعرف كم عمرك بس
حبيبتي نسمة اعذريني عاللي بقولو لك
لازم احنا نصارحك قبل انتي تفكري تصارحيه
انتي ماقصرتي في حقو هو < قصرتي في حق نفسك انتي
تقولي بعتي دهبك علشان تجيبيلو اي فون؟وتعبتي علشان تجيبيه؟
هو مش في ضائقة مالية وبعتيه كمساعدة له ولا انتو بحاجة المال علشان مصاريف البيت
المرأة ماتتودد للرجل بالمال وتصرف عليه < دا طبع الرجل لما يبغى يتقرب لك علشان تحبيه أكتر
فيقوم يهديكي أحسن الهدايا
ايش خليتي للرجال من دور في حياتكم؟
فطرة الرجل اللي ربي خلقو عليها هو اللي يشقى ويتعب علشان يهديكي هدية قيمة ويصرف عليكي
انتي ماخليتيه يمارس دورو الطبيعي كرجل يصرف على زوجته وبيته كيف تبغيه يقولك مجرد كلام عالفيس بوك؟
يانسوان بطلو هبل
نهديهم ورد ،سبحة،عطر، ملابس…الخ
اما شي غالي الثمن؟لدرجة ابيع دهبي اللي ممكن احتاجو في هم أكبر من جوال؟ أكيد لا
مو مسألة هو مايستاهل
بس ادا شافك انتي تقدري توفريلو كل شي حتى تبيعي دهبك على لا شيء حيشوفو هبل منك وسذاجة
كدا وفرتي راتبو علشان يصرفو على بنات الناس وشوفي قهرك وقتها حيكون أكبر
وانتي قلتي كاتب (وينكم بنات) < يعني هو يدور على بنوتة وانتي بإمكانك تكوني البنوتة اللي محتاجها
نصيحة مني كقارئة في العلاقات الزوجية ولست خبيرة لاتواجهيه وغيري نفسك قبل تغيريه.
وفكرتي لك علشان تنهي الموضوع بحسابك عالفيس بوك انصحيه واديه كلام يفوقو لاتقعدي تجريه أكتر بالكلام
هو حاليا غافل ومو داري عنك وانتي جنبو، ترى كلنا لما نغلط ماندري اننا غلطانين الا لما حد يفوقنا
قوليله :(ادا انت رجل متزوج وتحادثني عالموقع وزوجتك جنبك
وتقبلها عليها، أنا كمرأة لاأقبلها على نفسي أرفض إني اكلمك وانت رجل متزوج، أنا اخاف الله يردها عليا
في يوم من الأيام، واتقي الله في زوجتك،الله يهديك ويستر عليك)
وبس احدفيه من عندك بعدها وهو يمكن يتراجع ويقرا الكلام كم مرة ويفوق .
الله يلين قلبو عليكي ويسخرو لك ويهديه ويهديكي.