سلام عليكم بنات ،
ما هي الصنفرة او السنفرة ؟
الصنفرة .. هي يا اما تكون حبيبات او ليفة او اله او حجر بغرض تقشر الجسم
في كريمات صنفرة تباع بالصيدليات تكون فيها حبيبات من رمل البحر او ملح في بعضها مع الاستحمام والبشرة مبلولة والبعض لا ..برضو تختلف فيها نسبة الترطيب
فيه الليفات تعرفي اشكالها مغربية واللي تكون مصنوعة من خيش او خوص تكون حارة على الجلد
في الات للاقدام وللجسم وللمناطق الحساسة تختلف بشفراتها تشابه المبشرة 🙂 او سكاكين محدبه ماتقطع لا تحك في لها اعلان لو شفتيها قبل على شكل مثلث
فيه الحجر البركاني يكون لونه اسود محفر يستخدم برضو لصنفرة
والاشياء تتعدد هو الغرض التقشير
ممكن تستخدم خلطات خلطة السكر وزيت الزيتون ك صنفرة
بعض الزيوت والحمامات تساعد على صنفرة الجسم تستخدميها وبعدها تفركي جسمك بصنفرة ماياخذ منك مجهود كثير
بالتوفيق
حبيبي كتبت لك انو تقشر الجسم .. تشيل خلايا الجلد الميت .. تعطيك خلايا جلد جديدة و انعم و اكثر نضارة
تشيل لك الطباقات المتراكمة على الجلد من مكياج او كريمات او اوساخ والخلايا الميتة وتطلع لك البشرة الجديدة اللي تحتها
واستخدامها فرك وحك بسيط مو تقشير بطاطس عشان كمان الجلد حساس ممكن يتسبب بحروق او جروح لا سمح الله العنف في حاجة زي كذا .. برضو الحلاوة حقت الشعر لما تشيلي شعر يدك تبين انعم وانظف لانك قشرتي الطبقة الميتة وازلتي الشعر عرفتي هي زي كذا بس باعمق
بارك الله فيها