زخرفي كل الطعون بغيهـب الظلمـى ونجمـات الخطايـا
ما بقى عندي من أمجادي سـوى رمحـي وكفينـي رهينـه
علمتها (مدرستنا الطين ) كيف تخـط لـك بيـض النوايـا
في رسالة حـب تنسـج للغـرق والريـح بحـار وسفينـه
شلتها فـي داخـل كتابـي مخفّيهـا عـن عيـون البرايـا
للصباح المستغيث اللي على ثوبـك سجـد واشـرق جبينـه
لين نامت خمس وردات وصحت ورده على همـس الحنايـا
والمدى ينحت على وجه السمـا المفتـوح معزوفـة حنينـه
كنت انادي في طريقي هيـه ياليلـى ويـا عبلـه ويـا يـا
شمسي اللي دنقـت للغـرب تحكـي للشفـق حلـم المدينـه
اشهد اني مت … لا والله حييت بكـل مابـك مـن مزايـا
يـوم ناديتـي وانـا غافـل وكلماتـك معانيـهـا دفيـنـه
ادخل الحصه وانا ارسم في فراغ الشـارع الممطـر مرايـا
يبتسم فيهـا الغصـن للطيـر واوراقـه ملامحهـا حزينـه
كنها من طيشهـا جاتـك تـزف لحضنـك البـارد هدايـا
شمعتين ونظرتين وبيت شعـر(ن) يستـوي عسـره ولينـه
اكتب اسمك في جدار الصف عند الباب فـي كـل الزوايـا
فوق سطح الطاوله في دفتـر التاريـخ وحروفـي سجينـه
ضعف مدري جهل مدري خوف مدري ذنب مدري هي رزايا
غلطتي ليه اسقي البستان مـن عينـي وهـو يبخـل بتينـه
ما سألت امي عن الخاتـم واصابعهـا نحيـلات(ن) عرايـا
ليه راحت ترهنـه لجـل اشتـري فستانـك اللـي تلبسينـه
والليالي ليه يـا ( بيشـان ) تسـأل كـل محمـودة سجايـا
عن هواي ويوم ميـلادي وتاريخـه وعـن معنـى الغبينـه
عن طفل لعيون حورية بحـر هـام وتـرك كـل الصبايـا
صوروها في الورق تضحك على الشاطي وهي تمسك يمينـه
ليتها يوم اعتزوا ربعي وانـا اولهـم علـى دهـم السبايـا
رددت مـن برجهـا لـي كلمتيـن وقالـت الله لا يهيـنـه
نقل رائع بروعة حظورك …
بإنتظار جديدك
مودتي