وييييييييييييييييييييينكم ياجزائريات
لبنات ربي يخليكم عندي بعض الاستفسارات نتمنى تجاوبوني املي فيكم وفي ربي نبدا
1حبيت فكرة على دوزان الحمام واش راهم يديوعرايسنا +الاوان الدارجة
2حبيت فكرة على الوان الصالون المغربي والوانه
3وعلى الشورة تع السرير ادا مزالو يديروها المخدومة باليد
4واش راح تفرشو نهار الاول
5حبيت افكار جديدة للتصديرة
ربي يجازيكم جاوبوني
ماعندي خبره بعادات اخوانا بالجزائر بس حبيت اباركلك الف الف مبررووووووك
السلام عليكم
اولا 1000 الف مبروك _2الوان الصالون راه الموف يعني البنفسجي هو لمود هذا العام
3_ الحمام راهو صوالحه على الالوان ديري واش تحبي هذا زواج لعمر …..
4_طبعا لي تقدر ادير صنعت يديها ولى تدفعو عند كاش وحده تفريشت السرير مهمة انهار الاول فرشي الابيض ونهار تتهناى فرشي الوردي
5_وتصديرة راهي الشده هي الاولى ومن بعد يجي لحاف ولى كيما يقولو الردى ومن بعد الكاراكو ومن بعد بلايزك وتختميها بمنصورية الله الله عليك وعليها
اولا 1000 الف مبروك _2الوان الصالون راه الموف يعني البنفسجي هو لمود هذا العام
3_ الحمام راهو صوالحه على الالوان ديري واش تحبي هذا زواج لعمر …..
4_طبعا لي تقدر ادير صنعت يديها ولى تدفعو عند كاش وحده تفريشت السرير مهمة انهار الاول فرشي الابيض ونهار تتهناى فرشي الوردي
5_وتصديرة راهي الشده هي الاولى ومن بعد يجي لحاف ولى كيما يقولو الردى ومن بعد الكاراكو ومن بعد بلايزك وتختميها بمنصورية الله الله عليك وعليها
ربي يكملك على خير وهاااي احلى زغروده لعيووونك
يو يو يو يو لا لا لا يو يو يو لو لو لو لو يو يو
اختي ربي يتمملك بالخير …..المهم بالنسبة لصوالح الحمام اختي دارتهم في القرونا يعني احمر غامق …هذا العام اللي فات …وانا اشتريتهم في الباج …..المهم شوفي تني اللي يعجبك على خاطر كاين كل الالوان ….وبالنسبة للتفريشت السرير تبالي تقدري تشريها ولا تدفعيها عند وحدة تخييطها لك ……المهم اختي ماتتعبيش روحك بزاف …….وديري اللي تقدري عليه في صوالح الكرسي اللي هي التصديرة ….اختي العام اللي فات دارت 7تاع الصوالح بين الكاراكو والقسنطينية والبلايز 2 و المنصوريات 2 تاني و زيدي الشدة اشترتها وما كملتهاش بصح تبرزت بيها وكرينالها الشدة باش طلعت في الاول ….المهم فضيحة على خاطرش غي راها حاطتهم في الخزنة باطل ….وانا من التجربة نتاعها كرهت …انا هدا الصيف عرسي ان شاء الله تعرفي يا اختي درت 2 بلايز و روب دي سواري مكان الكاراكو ….وراني دايرة ان شاء الله نطلع بالشدة التلمسانية ثم نلبس بلايزي ثم نختمها بالروب نتاعي ……وفي الاخير نلبس الفستان الابيض …….انا ما كلفتش على روحي على خاطرش زوجي مغترب …وماحبيتش ندير حوايج بلا فايدة …..ام الفراش انا ما نحتاجهش على هدا مادرتهش ……سامحيني طولت عليك …..المهم ربي يوفقك ويتمملك بالخير ……
ربي يخليكم على المرور والافادة وربي يهنيكم شكرا