مشكلة اختي الصغيره 2024.

أنا سيده عمري 46 سنه عندي أبناء وأحفاد
من سنه رحلت أمي و وصتني بأختي الصغيره عمرها 20 الوحيده الي ماتزوجت من أخواتي وهي صغيره جداً بالنسبه لنا
أنا تكفلت فيها وهي اكبر من أبنتي بـ5 شهور وانا أرضعتها مع بنتي لأن يوم ولادتها والدي توفى وكانت والدتي متعبه جداً فهي ابنتي والآن تعيش عندي
والمشكله ماني عارفه أتصرف معها ولاني قادره أفهمها
البنت ماتنزل ويانا كثير تحب تجلس لحالها وكلمة مالي حظ دايم على لسانها وكل حزينه وتفكر وحتى دراستها مو مهتمه فيها بس انا ماسكتها ما ابي اختي يضيع مستقبلها
مره حظنت بنتي فرحاً لها لأنها بتتزوج قريب قامت تبكي رحت لها اشوف وش فيها قالت انا اغير من بنتك هي عندها ام تحبها وانا ماعندي قطعت قلبي هالبنت موتت امي اثرت فيها كثير امي الله يرحمها كانت تدللها واختي كانت متعلقه فيها كثير لدرجه لما كانت تنام عندي او مع وحده من خواتي مع البنات كانت امي لازم تتصل وتكلمها وان ماكلمت اختي تكلمها
انا خايفه يصير لاختي شي البنت صايره مو طبيعيه وكل وهالأيام بزياده
دايم حزينه وتبكي على اقل شي وتنقهر من اي احد واكلها قل صايره بالنادر ما تاكل وصايره عصبيه وكسوله بكل شئ ومالي خلق ماشيه على لسانها
اذكرها كانت فرفوشيه وتسولف اما الحين فرق كبير ان احد تكلم معها تسرح ويجيها خمول ودايم ساكته ويدها على خدها وتناظر بالأرض
انا مدري اذا كنت انا غلطانه معها بشي مع اني مهتمه فيها اكثر من عيالي
مره قلت بخليها عند اختي كم يوم يمكن نفسيتها تستقر قامت تبكي تقول انا ماقدر اروح مكان بعيد عنك هي ريحتني بكلمتها هذي بس تصرفاتها غريبه ومره من المرات دخلت عليها تضرب نفسها ومره لقيتها اعطت نفسها كف يا الله ماقدرت اسكت خانقتها ليه تسوي بروحها كذا انا خايفه تسوي بنفسها اشياء اعظم من كذا خلاص راسي بينفجر
وش رايكم كيف اتعامل معها ابي اسلوب يفهمها ويقنعها ان تتغير وبإذن الله مابنساكم من دعائي
واشكركم من كل قلبي لهذا القسم الي يساعدنا لحلول مشاكلنا
الله يجزاكم خير ويجعل عملكم هذا في ميزان حسناتكم

قلبي تقطع عليها يااختي لا تحسسيها فاقدة حنان مو مشكلة فضليها علي بنتك حرام عليكي هذي يتيمه ام واب
خافي الله فيها ولا تنسي وصيت امك الله يرحمها والله قطعتي قلبي عليها اعطيها الا تبغي ولا تحرميها من شئ امانه الله يسئلك عنها يوم القيامة ولا تضيعي الامانة اسفة لو زعلتك بشئ دعواتك لي

…

الله يرحم امك ويدخلها آلفردوس ألآعلى

المشاركة الأصلية كتبت بواسطة مشكلتي يشرفني اول وحدة ارد عليكي قلبي تقطع عليها يااختي لا تحسسيها فاقدة حنان مو مشكلة فضليها علي بنتك حرام عليكي هذي يتيمه ام واب خافي الله فيها ولا تنسي وصيت امك الله يرحمها والله قطعتي قلبي عليها اعطيها الا تبغي ولا تحرميها من شئ امانه الله يسئلك عنها يوم القيامة ولا تضيعي الامانة اسفة لو زعلتك بشئ دعواتك لي

وانا اتشرف بك وبقدومك كثر
ياقلبي انتي مازعلتيني ولاشي
بس انا الحمد لله مهتمه فيها اكثر من اولادي وبناتي صدقيني هي أغلى مابقلبي ولا انام الا بعد ما اتأكد انها نائمه بعد قلبي لأني مره قمت من النوم الساعه 12 وقت الكل نايم لأني كنت عطشانه تخيلي سمعت صوت شهقاتها بالغرفه وهي تبكي انا متحملت رحت لها من دون حواسي سميت عليها وحظنتها اسألها وشفيك لكن من دون رد بس تبكي يا الله للحين الموقف على بالي وبنتي الله يهديها على انها تنام معها نفس الغرفه مدري شلون ماحست واختي قالت لي يوم ثاني لما سألتها قالت انها كذا ترتاح لما تبكي قبل النوم ومن يومها لازم ما اخليها تنام الا بعد ما اقرى عليها وانفخ عليها وعلى بنتي واتأكد انها نامت
شرفتي ياقلبي انتي الله يوفقك ويخلي لك بناتك امين