السلام عليكم
اولاً لي سنه وشهور متزوجه ومن اول ماتزوجت مايجوني ضيوف الا اذا كانت سلفتي او اهل زوجي واهلي بس لاني مااعرف احد هنا
واذا بتجيني سلفتي اصحى بدري من النوم واشيل همها من الليل وش اقدمها لها وكذا
وحتى نومي يصير مقطع واذا جاتني مااعرف وش اقول ووش ارحب اذا هي ماتكلمت بقعد ساكته ومانسمع غير صوت المكيف واذا عزمت عمتي وبناتها يعتذرون او مايكونون فيه
انا تعودت من يوم كنت صغيره اذا جوا ضيوف ماادخل عندهم ولا اعرف كيف وحتى وانا وصلت عمر 19 ماكنت ادخل على الضيوف اقعد في الغرفه لوحدي او اخواتي يخلون بزارينهم عندي واصير مثل المربيه
المهم انا لي شهرين ونص ولدت ولاده مبكره وماتت بنتي الله يعوضني فيهاا
وخالة زوجي قالت انها بتجيني وماجاني النوم زين بس افكر وشايله هم كيف بستقبلها ومااعرف وش اقول ووش اتكلم اصلاً خالة زوجي مااعرفها ماعمري شفتها الا مره وحده بس ومالي علاقه فيها
انا مع اللي اعرفه مااعرف ادخل مواضيع واتكلم اجل كيف هي وانا اللي ماشفتها غير مره !
ادري بتقولون اعزمي عمتك وبناتها عشان تكسرين الخجل
المشكله ان عمتي متنومه مع بنتها في المستشفى وسلفاتي مالي علاقه فيهم
وش اسوي انصحححوني وش اقدم لها ووش اقول اذا سكتنا
هي اتوقع ان عمرها في الستين مااعرف وش يصلح لهم وكذاا
اهلي شوي بعيدين عني مااعرف وشلون اتصرف
ههههه اكيد وحدة منكم تعرف تتكلم
يلا ابدعو وقولوا كانها محادثة فهمتم
انا : ♡هڵــٱ♡ والله
الضيفة:…….
انا : ڱۑڣگ❣ وكيف اهلك وكيف اولادك ٱڼ ڜٱء ٱڵـڵـه ټمـٱمـ♡
الضيفة : تقريباً بتقول كلهم طيبييين
وانتي كيف وكيف وكيف وكيف ههههه
قولي تفضلي ي خالة وبش
اقول شفتي ذا الحر بعد كيف بيجي رمضان
وكذا وادخلي في رمضان يعني قولي
انا دايماً نطبخ وننفخ لييين المغرب
وننسى الطاعات وذي الاشياء يحبونها العجايز
وكذا بس..!
عاد انا ارتبك اذا جونا ضيوف اخلي اخواتي يصبن الشاي وقهوة لان اذا جيت اصب ارجف
وانا خجولة موت مااعرف ارحب
|
المشاركة الأصلية كتبت بواسطة مشكلتي
 الصراحة انا اذا ما لقيت شي اقوله
اقول شفتي ذا الحر بعد كيف بيجي رمضان وكذا وادخلي في رمضان يعني قولي انا دايماً نطبخ وننفخ لييين المغرب وننسى الطاعات وذي الاشياء يحبونها العجايز وكذا بس..! |
ههههههههههههه عجبني ردك شكلي بسوي كذاا
طبعا امزح
انتي مثلاً جيبي سالفه كذا مثلا طلعه طلعتو خبريها الخ من يومياتك