السلام عليكم ورحمة الله وبركاته
انا متزوجة من سنتين تقريبا عمري 24 وعمر زوجي 28
زوجي سبق له الزواج وهو عمره 17 سنه تقريبا قبل عشره سنين وعنده بنت عمرها 9 سنوات
المهم هذا الزواج كان وحدة متعرف عليها بالنت كبيره عنه تقريبا عمرها 32 سنه وهو 17 سنه
زوجي من جده وهي من الشرقيه تزوجها بس شهر ورجع لاامه
لان مثل مايقول مو عارف كيف صار هذا كله ويمكن سحر ويمكن لا
ضاااايع مره ومو فاهم حتى راح من غير اهله تزوج ومايدري مين كتبلهم عقد الزواج حلف لي على المصحف انه شكلها الي تزوجها مايعرفه فمابالك بالتفاصيل الثانيه
وامه بغت تنجن على ولدها لانها تعرف البنت وتعرف علاقته فيها بس كانت تحسب طيش شباب مادرت انه بيتزوجها واصلا هو لاعب على البنت انه غني وعنده ورث وامه وابوه ميتين <<< هالكلام كله فيلم ع البنت الي بالشرقيه الي اصلا حالتها المادية يقولون زفت وكمان ملكت على ثلاث قبله واذا جا الزواج تفسخ الخطوبة
على حسب كلام امه سمعة البنت وسخه وانها طمعانه فيهم لانها اتصلت على ام زوجي تقولها اعطيني ورثه .. ام زوجي قالت ماعندنا ورث والاب عايش
المهم زوجي بعد شهر يقول حسيت اني كنت نايم و صحيت مو عارف انا وين ومين الي حولي
فتح باب البنت الي تزوجها وطلع وراح عند اقاربه بالشرقيه واتصل على امه وطبعا الام كانت منهاره مو مصدقه ولدها بيرجع وراحو اخذوه من الشرقيه
طبعا امه تقول كان ولدي مره وسخ ومبهدل ولدي نظيف واول مره اشوفه بهالحاله الرديئة
لما رجع اتصلت عليهم الحرمه الي بالشرقيه قالت انا حامل وطنشوها قالو كذابه
وبعد ماولدت اتصلت عليهم وكان عمر طفلتها ثلاث شهور وراحت لها ام زوجي عشان تاخذ عقد النكاح الي عندها ويطلقوها
طبعا زوجي كان مع امه بس مافكر حتى يشوف البنت الي ممكن تكون بنته
طبعا تزوجها بس شهر بعد زواجهم بتسعه شهور ولدت احتمال تكون حملت على طول واحتمال تكون هي حامل من غيره <<<< هذا كلام ام زوجي
بس رفعت هالبنت قضيه بعد سنة من الزواج تطالب بمهر خمسين الف ومصروف للبنت وزوجي رفع عليها تحاليل للبنت عشان يثبت نسبها هالفتره كلها زوجي عن امه وعقد النكاح بالشرقيه ومطنشين
المهم الحين البنت معانا في كرت العايله لان قالو اذا كبرت وصار عمرها 18 سنه نجيبها ونفهمها الي حصل ونعمل التحاليل اذا بنتنا خليناها عندنا واذا لا بنرفع قضية على الام
انا والله هالموضوع تعببببني جدا لان زوجي وحبيبي اخذته عن حب 4 سنوات ماجاب لي طاري لما جات امه تخطب قالت عنده بنت بغيت اطيح من طولي
وبعدين ماقالي اشش صار معاه بالضبط الا بعد سنة جا وحكالي وحلف ع المصحف ان هالموضوع مفشله ومسود وجهه ومو عارف اش صار عشان كذا محد يدري وماعلمت احد بس اهلي والي حولي يعرفون
ومو قادر اعلمك خليت امي تقولك وانا شايل فكرة الزواج من راسي بس انتي غير وغيرتي نظرتي للزواج
انا قهرني كذبه عليا بس هوا اعترف بغلطه وقال عشان مابي اخسرك ياقلبي
المهم هل ياترى ممكن حرمة تسحر واحد صغير عشان تاخذ فلوسه وحملت منو وهوا مو عارف اش حوله ولا يمكن اخذته عشان تستر الي في بطنها وقالت هذا من جده ومحد يعرفه من الي عندي بالشرقيه
الله يخليكم ريحوني كيف ممكن ينام معاها وهو مسحور وكمان تحمل منو <<< كيف تجيه رغبه لها انا والله مااعرف شي عن السحر ويمكن مايكون مسحور بس نسي التفاصيل
فهموووووووووووووني اذا فهمتو انا ضايعه وربي سنتين متزوجه الي حبيته وماارتحت بهالزواج
كل يوم افكر كيف ممكن نام معاها وحملت وهو اصلا يقول ماادري اش صار حتى كاتب في صك المحكمه اطالب بتحاليل للبنت
هل يصير هالشي حتى لو الرجال مو حايط وش يصير
الله يحفظلكم كل غالي ويحميه من مصايب الدنيا ردوووووو عليا لاتطنشون
فهموني والله ضعت
انا سنتين تايهه
حبيبتي من رأيي حتى لو كان ممسحور انسي هالموضوع
الفات مات انتي عليج بالحاضر والمستقبل
انتي اصلا حاولي لا تذكرين هالموضوع لزوجج واصلا انتي هم لا تفكرين بي مادامه موضوع
قديم وهو حاليا ماعنده اي صله بالقديمة
اما عن بنته فأنتظري وراقبي من بعيد لبعيد
ولكل حادث حديث يا عمري
واتمنى ايضأ ان يفيدوج الاخوات اللي في المنتدى
الله يهدي سركم ويخليكم لبعض ويبعد الشيطان و وساوسه عنكم امين يارب
|
المشاركة الأصلية كتبت بواسطة رغد العبيدية
 استغفر الله العلي العظيم من كل ذنبً عظيم
حبيبتي من رأيي حتى لو كان ممسحور انسي هالموضوع الفات مات انتي عليج بالحاضر والمستقبل انتي اصلا حاولي لا تذكرين هالموضوع لزوجج واصلا انتي هم لا تفكرين بي مادامه موضوع قديم وهو حاليا ماعنده اي صله بالقديمة اما عن بنته فأنتظري وراقبي من بعيد لبعيد ولكل حادث حديث يا عمري واتمنى ايضأ ان يفيدوج الاخوات اللي في المنتدى الله يهدي سركم ويخليكم لبعض ويبعد الشيطان و وساوسه عنكم امين يارب |
عين العقل حبيبتي طالما هو يحبك و متفاهمين لا تظلي تنبشي الماضي واللي صار انتهى اطوي هالصفحة و اهتمي ببيتك و لا تخلي مجال لوسوسة الشيطان كلما تذكرتي الموضو ع استغفري .الله يهنيكم ببعض
ماشاء الله عليكم تتكلمون وتتناقشون وتساعدون بعض كأنكم خوات
الله يسعدها الي ردت عليا وريحتني سعاده ماتنتهي
والله ابكي وانا اكتب فرحانه اني فضفضت ولقيت احد يكلمني
انتظر من الباقين ردوووود