مشكلتي مع زوجي الغير مسؤوول 2024.

السلام عليكم ورحمة الله وبركاته
اول شي احب اشكركم على هالموقع واحب اشكركم ع جهودكم .. في ميزان حسناتكم ان شاء الله
انا بنت عمري 21 سنه تزوجت من 7 شهور .. زوجي بنفس عمري 21 انا وهو علاقتنا زينه وهو ولد عمتي يعني احنا بالأصل اهل وانا عن نفسي احاول قد مأقدر اكون له الزوجه والأم والأخت والصديقه والصديق .. دايم احاول اكون له كل شي .. حتى لما يغلط في حقي اسكت عنه .، الحين صار لي اسبوعين و 3 ايام في بيت اهلي .. الي صار من 7 شهور اهلي هم دايم يوصلوني الجامعه .. هم دايم يتكفلون بموصالاتي ومشاويري .. قبل اسبوعين توهقت .. امي كانت ماخذه السواق لآنها في المستشفى مع اخوي مريض .. وانا كنت في الجامعه تعبانه واحس بألم فضيع .. كلمت امي قالت لي كلمي زوجك خليه يجيبك لآن انا في المستشفى .. كلمت زوجي سألته انت وين .. قالي انا في بيت .. سألته وش تسوي .. قالي قاعد اطالع تلفزيون .. قلت له طيب انا تعبانه مب قادره اوقف على حيلي تعالي .. قالي انا مب جاي خلي اهلك يجيبونك.. قلت له ليش ؟ قالي مأقدر انا دوري احد غيري ( مع العلم ان بين الجامعه والبيت 5 دقايق بالسياره ) زعلت عليه ومادري كيف انفجرت قلت له ليش انا زوجتك اقولك تعبانه مأقدر اوقف تعالي تقول ماتقدر .. يابنات مب مفروض لما اقوله تعبانه يفز قلبه لي دامه يحبني ودامني زوجته ؟ والله يابنات مازدت ولا نقصت 5 دقايق بين الجامعه والبيت .. حسيت بقهر حسيت اني ولا شي عنده .. كفايه متحمله سوء معاملته في بعض الاحيان وسوء معاملة اهله لي .. يقولي انتي تحسديني لآن انا في البيت وانتي في الجامعه عشان كذا انتي تبيني اجيك مب لآنك تعبانه .. في وحده يابنات تحسد زوجها على راحته ؟ انا زوجته ابي راحته وسعادته .. بس بعد احتاج احد يهتم فيني ويسعدني .. يابنات بعدها كلمت امه ( الي هي عمتي ) قلت لها السالفه وقلت لها اني متوهقه وماعندي احد واني متفشله اصلا اقول حق اهلي ان زوجي مايبي يجيبني .. اصلآ هم خلاص مب مسؤلين عني انا مسؤليته هو وزوجته هو المفروض يهتم فيني يابنات من 7 شهور الجامعه ماوصلني لها ولا جابني منها الا 4 مرات .. المهم بعد ماكلمت امه .. قلت لها الي صار .. ردها لي كان .. ماعليك هو تعبان ومادري وشو .. قالت لي بتشوف لي احد يجيبني . . تخيلوا يابنات جلست في الجامعه من الساعه 9 لين 4 العصر ولا احد اتصل لي ولا كلمني لا هو ولا امه .. كلمت امي قلت لها الي صار رسلت لي السواق ركبت ورحت بيت زوجي دخلت صالتي وجيت بدخل غرفتي حصلتها مقفله هو داخلها ونايم طقيت الباب اتصلت له مارد علي خذت شنطتي بدون لا ملابس ولا كتب ولا اي شي رحت بيت اهلي وانا مقهوره .. اقول بنفسي البيت الي يتقفل عني هذا مب بيتي .. انا الحين عقلي يقولي انتي صغيره وماعندك عيال هذا انسان غير مسؤل مانفعك في البدايه بينفعك بعدين .. احس اني ابي اتركه .. دامه مايتحمل مسؤليتي كيف بيصير اب ودامه ماتحمل 5 دقايق عشاني كيف بيتحملني العمر كله .. وقلبي يقولي .، لآ انتي تحبينه سامحيه .. يابنات وش تنصحوني ؟ نفسيتي تعبانه .. ابوي مايبيني ارجع له .. امي رافضه هالشي تماما .. قالت لي ان رجعتي له انا بريه منك .. حاولت ادور الاشياء الزينه الي فيه .. ماحصلت ولا شي كلها سلبيات .. الشي الايجابي الوحيد الي كنت حاطته انه يحبني .. بس بعد الي صار خلاص اكتشفت انه مايحبني .. اذا كان في شي اسمه حب بهالدنيا هو قتله …

المشاركة الأصلية كتبت بواسطة زهراء الصغيرة برأي انت مكبر الحكاية كل الرجال كذا أنا زوجي العن من كذا الف مرة و ما تركته حبيبتي العشرة صعبة لازم توسعي صدرك قد ما تقدري و اعرفي انه الزواج ابدي لا تفكري في الطلاق هذا زوجك قدرك تقبليه و حاولي تتأقلمي معاه و تغيريه شوي شوي صدقيني الرجال مثل اﻷطفال

المشاركة الأصلية كتبت بواسطة سميرة باللطيف [i]مشاكلك يا حببيبتي تافهة وسعي بالك احتمال هو عندو مشاكل بالشغل في ناس بتعاني اكثر منك