مشكلتي مع زوجي انقذوني ماني عارفه اتصرف الطبيب يجيب 2024.

السلام عليكم حبيباتي
انا مشكلتي مع زوجي غريبه وصراحه صرت افكر بالانفصال
انا مملكة من حوالي ثلاث شهور تقريبا..بالبدايه كان يكلمني يوميا وجاء مرتين خلال اسبوعين وكان مرره مبسوط معاي… بعدين تغير علي مكالمات ابد مايكلمني ولا حتى يرسل لي ولما اقوله كلمني يقولي ما احب المكالمات واذني تعورني ومن هالاعذار.. صرت ارسل مسجات مايرد عليها قلت له انا ارسل انتظر رد فرد كم مره ورجع لحاله… اخذنا شهر ونص ما شفته قلت له تعال قال مو فاضي تضايقت وضغطت عليه وجاء حسيت الرجال عادي عنده ولا كانه مسوي شي… ماحبيت اتكلم وقتها ومن بعد ما راح لليوم لا مكالماات ولا مسجات ولا شي وفتحت معه موضوع المكالمات وقال لا تزعجيني بهالموضوع… زعلت وربي على نفسي حسيت بالاهانه انا اللي اسال واتقرب منه وهو ماهمه وقررت ابتعد قلت لامي وامه تدري بالحال اللي بينا وتقولي الصبر زين اليوم اقرا بالمنتدى قصه البنت اللي زوجها مايبي يزورها فتذكرت حالي
تعبت وربي وصرت افكر بالانفصال.. وش رايكم وش اسوي وربي انا تعبانه وماصرت اتحمل سيرته
ساعدوني

المشاركة الأصلية كتبت بواسطة عذيب الارواح حبيبتي اكبر غلط اللي سويتيه ليش تقطين وجهك عليه شوفي حبيبتي راح اكلمك بصراحة ….حنا نعيش في مجتمع له عادات وتقاليد وعقليات الناس خلاص تبرمجت عليها يعني اللي يعاندها او يخالفها هذا هو الخسران حتى لو ماكان شايف نفسه مخطئ بمعنى زوجك هذا ماكان بينك وبينه اي نوع من المعرفة او العلاقة قبل الملكة وماتدرين يمكن كان يكلم بنات او عنده علاقات من قبل فهو لما يجي يتزوج اكيد يكون حاط براسه انه ماياخذ وحدة من هالنوعية اقصد اللي تسوي علاقات مع الشباب وتلقينه لاسمح الله يشوفك جريئة شوي في طلب اللقاءات والمكالمات والمسجات فيمكن يقول في نفسه هذي شكلها راعية سوابق وماجابت هالجرأة هذي الامن خبرة سابقة لها في هالموضوع شفتي اشلون الشباب يفكرون فانتي خليك ثقيلة وخليك على سجيتك حتى يشوف هو فيك براءتك ونقائك بدل ماتعطين الشيطان فرصة يلعب بعقل خطيبك ويزين له الظنون الله يوفقك حبيبتي وخذي بنصيحتي والله ان ماكسبتك شيء على الاقل ما راح تخسرك

مشكوره حبيبتي ع النصيحة بس هو مو غريب عني هو ولد عمي ومعروف عنه الخجل والهدوء وامه كلمتني تقولي حاولي انتي تتقربين منه عشان كذا ارسلت ودقيت والا انا بالبدايه كنت اطنشه وازعل
والله هو مبين عليه انه مو راعي خرابيط بس انا ماتحمل بروده هذا
الحين تاركته لا ارسل ولا اتصل فارسل لي مره وحده بس والحين مصره على موقفي وصرت اعاند امي بموضوع الانفصال هي مو راضيه
محتاره وخايفه وماني عارفه ايش اسوي