.. المقادير ..
1
ربع كيلو لحمة مفرومة + 2 بصلة صغيرة مفرومة ناعم + قليل من الزيت
2_ 1 فلفل رومي + 1 فلفل اخضر حار + 1 جزرة + طماطم مقطعة مكعبات صغيرة .
3_ 3 ملعقة صلصة طماطم + مكعب ماجي + بهارات مشكلة للمفرومة ( فلفل اسود ، كمون ، هيل ، قرفة ، بربيكا )
4_كيس مكرونة اسباجتي اواشكال زي ما بتحبي .بس تكون من نوع جيد مثل بيتوني او قودي.
اما مقادير البشاميل فهي :
6 ملاعق طعام دقيق مليانة + 6 اكواب حليب + 6 ملاعق زبدة اوزيت او سمن حسب رغبتك
+ ملعقة صغيرة بهار ابيض + شوية هيل ناعم + ملح + 3 ملاعق جبنة سايحة مثل كرافت او بوك.
.. الطريقة ..
اولا : لعمل اللحمة المفرومة :
نضع شوية زيت واللحمة المفرومة والبصلة على النار ونتركها على نار هادية لحد ما يتغير لونها وتنزل ماءها حوالي 10 دقائق نحركها ونضيفلها مكعب ماجي + الخضار المقطعة + الصلصة + البهارات + ملح + شوية ماء مغلي ونحركها لحد ما تنضج وتتسبك كويس .
ثانيا : لسلق المكرونة :
تسلق المكرونة بماء مغلي بعد ان تضيفيله 2 مكعب ماجي + ملح + شوية زيت وحركيها لحد ما تنضج حسب زمن السلق ، وتصفى و تغسل بعد ذلك بماء بارد .
ثالثا: لعمل الباشميل :
نسخن الحليب في قدر، ثم نسخن الزيت في قدر تاني .. وعندما يحمى .. نضيف الدقيق مع التقليب مباشرة وعلى نار هادئة لمدة دقيقتتين لحد ما يتغير لونه الى ذهبي ونضيف الحليب الساخن بالتدريج مع التقليب بسرعة بالمضرب اليدوي لحد ما يتجانس الخليط كويس ، ويبدا قوامه يشتد نضيف الجبنة السايحة والملح والفلفل الابيض والهيل الناعم . وتحركي لحد ما تحسي انه قوامها متجانس ومناسب .
على فكره البشاميل هنا متوسط لا تقيل ولا خفيف وانا هنا ضفت على البشاميل شوية جبنة شيدر مبشورة وطلع الطعم جنان وممكن تضيفوا موزاريلا بس انا حبيت اغير .
رابعا : لتحضير الصينية :
نقسم المكرونة قسمين نضع نصفها في الصينية ونضع فوقه طبقة من البشاميل ونخلطه مع المكرونة كما في الصورة ثم نوزع اللحمة المفرومة كلها فوق البشاميل وبعد كدة النصف التاني من المكرونة ونضيف باقي الباشميل ونسوي سطح الصينية جيدا وندخلها الفرن الساخن مسبقا على نارمتوسطة حتى يتحمر الوجه وتترك حوالي ساعة قبل التقديم وقبل ان تقطع حتى تتماسك جيدا
