بحلم وبطلب مستحيل شمس الدهب وقت الأصيل وعيون قمر خمري وجميل
بنحاز للون الخمري وللعصب البينبض بي يميل أنا أصلو تايهة ف زحمة الشوق والحنين وحزني النبيل
دهشة حياتي حبيبي فيك وفي العيون الطفلة فيك والمطر في دفا إيديك
فيك اتوهجت كل العيون وفي دلالك كان كل الشجون
أنا غايتو ياخي احترت فيك
احترت في القمر البضوي وفي مراسيل الشموع وعشان عينيكا تفيض دموع
احترت في أجمل حديقة وفي تغاريد الربيع احترت في القلب الوديع
واحترت في الوجه البديع أنا أصلو زيك ما ببيع
خليك معاي خليك قريب ما تسيب إيديني أبوس إيديك
احترت في بسمة صبا احترت في ملامح العيون
احترت في الهوي والجنون احترت في الصوت الحنون
أنا أصلو زيك ما بخون
عيوني في عيونك حياري غلبني احكي أقول عبارة
أنا أحسن اسكت وبس أعاين ملامح الخمري السمارة
رهام خالد
:rose: |
المشاركة الأصلية كتبت بواسطة بالقران احيا
 تسلمى حبيبتى على الكلام الجميل دة
:rose: |
كلك ذوق يا قلبي وميرسي ع المرور