موضوع منقول اتمنى يكون فيه الفائده للجميع وماقصرت صاحبة الموضوع اقول لها جزاك الله خير نبدا بالطرق ..
1- طريقة الكلوركس:بصى ياستى كتير منكم عارفينها وعملوها وبيقولوا انها مش بتبين حاجة طب اصبروا بس عليا هى الطريقة انك تحطى شوية بول فى كوب وتحطى حبه كلوركس قدهم او اقل منهم عليهم لو حامل هيفور ولو مش حامل؟؟؟؟؟؟؟؟؟؟؟؟ برضه هيفور بس الفرق بقى ان الحامل فورانها بيبقى قوى جدا ولون البول بيبقى عامل زى اللبن ورغوته تقيله اوى اللى مش حامل فورانها بيبقى عامل زى فوران السفن اب وبيروح بسرعة والحامل لون البول بعد الفوران مايهدى بيغمق لكن اللى مش حامل لون البول بعد الفوران بيبقى شفاف زى المية
2-طريقة الابرة:هتجيبى شوية بول وتحطيهم فى كوباية بس يكونوا اول ماتصحى من النوم وتحطى فيها ابرة خياطة وتسيبيها 8 ساعات لو لقيتى الابرة اسودت تبقى حامل والعكس صحيح
3-طريقة النمل احم احم: برضه هتجيبى بول فى كوباية وتحطى الكوباية فى مكان فى نمل واحنا دلوقتى فى الصيف ومفيش اكتر من النمل لو المنل اتلم عليه تبقى حامل والعكس صحيح لان بول الحامل بيبقى فيه مادة سكرية
4-<طريقة القطن:البول وراكى وراكى مش هيسيبك هتحطيه فى الكوبايه الموعودة بالبول كل تجربة ومش هتعملى حاجة اكتر من انك هتسيبيه 6 ساعات لو لقيتيه عامل زى سحابة كدة او كتله عاملة زى القطن كدة على وشه تبقى حامل ولو لاء تبقى مش حامل
5-طريقة النارهتجيبى كوبايو بايركس شفافة او سلطلنية بايركس شفافة وتحطي فيها بول وعالنار لو لقيتى فيه زى كتله دخان جوة البول تبقى حامل
6-طريقة السرة:هتنامى على بطنك على ارض صلبه وتكتمى نفسك لو حسيتى بنبض فى سرتك تبقى مش حامل والعكس صحيح
7- هتجيبى اختبار حمل من الصيدليه وتشكى نفسك بدبوس وتنزلى 3 نقط دم عالاختبار وعليهم 3 نقط بول لى طلع خطين حامل ولو طلع خط مش حامل واللى يطلعلها خطين ويروحوا تانى تبقى برضه مش حامل
8-الطريقة دى بقى دكتور كان قالها فى التليفزيون تحسسى على بطنك مكان الرحم كدة من عالجنبين اليمين والشامل ولو لقيتى جمب فيهم وارم شوية او اعلى من التانى تبقى حامل ولو زى بعض تبقى مش حامل لان البويضة الملقحة بتتزرع فى اح الجنبين فى الرؤحم مش فى النص على حسب المبيض اللى كانت طالعة منه لو اليمين هتتزرع فى اليمين ولو شمال هتتزرع فى الشمال
منقول للفائدة يارب اوعدنا ولا تحرمنا يااااااااااااااااااااااااااااارب
بس احد جرب وطلع صح
ضحكتيني على طريقة كلامج …
