ممكن احد يفيدني ؟ للخياطة و الطرز 2024.

ممكن احد يفيدني ؟

ابغى اتعلم الكروشيه نهائي ما اعرف استخدم السنارة كيف اتعلمها انا لاحظت فيه سنانير اشكال مختلفه ؟ او اذا فيه موقع بالنت يعلم الكروشيه بليز احد يقولي.. و شكرا لكم..

السلام عليكم
اختي اختاري صناره رقم 3.5 والافضل لانه انتي مبتدأه صناره رقم4 والخيط اختاريه متوسط الثخن او لما تشتري الخيط راح تلاقين مكتوب عليه رقم الصناره اللي لازم تستخدمينها وياه وبعدين في بالمنتدي اساسيات تعليم الكروشيه انا ودي اعلمج بس عندي النت بطئ جدا فعلي ماانزل درس يبيلي دهر عموما اسرع طريقه لتعلم الكروشيه هو عن طريق الفيديو والغرز الاساسيه اللي لازم تتعلمينهم السلسه ووغرزة العمود وغرزة نصف العمود من هذول الغرز تقدرين تسوين شغلات كثيره واي سؤال انا حاضره ولاتترددين بالسؤال وانشالله نشوفج محترفه بالكروشيه ونشوف الانتاج الرائع اللي راح تسوينه بالمنتدي والله يوفقج

بالمره شكرا الله لا يحرمني منك و يجزاك خير و الله ما تتخيلين قد ايش انا متحمسه اتعلمها ربي يحفظك و ما قصرتي ..

اختي همني رضا والديني نسيت اقولج ان من العرز اللي لازم تعرفينهم بالكروشيه بالاضافه للغرز اللي ذكرتهم
غرزة الحشو وغرزة المنزلقه واسمائهم بالانجليزي

غرزة الحشو——> single crochet stitch واختصارها sc crochet stitch

غرزة النصف عمود——-> half double crochet stitch واختصارها hdc stitch

غرزة العمود———-> double crochet واختصارها dc stitch

غرزة المنزلقه————> slip stitch واختصارها sl stitch
غرزه ————> stitch
سلسله————-> chain واختصارها ch

شكرا يا الغالية احلى تقييم لاحلى بنت في المنتدى ..

الله يوفقك أختي ويا ريت أقدر أساعدك لكني لا أفهم في الكروشيه
لكن هذا الرابط لموضوع تعليم كروشيه في منتدانا الغالي أرجوا أن تستفيدي منه والله يعطيكي العافية
دورة تعليم الكروشيه خطوه خطوه من البدايه مع نونوتي و ذلك لغياب ماما لولي

شكرا يا اخت الهام ما قصرتي ..