طبعا انا عارفة ان كتير منكم دلوقتى مستغرب من العنوان لكن انا مصممة اقولكم ….
و احكيلكم……
عن مميزات الزوجة التانية
رقم 1
ان غالبا الزوج و الزوجة في بداية شبابهم ممكن يختاروا على أساس غلط أو انه عايز يتجوز للغريزة و هي عايزة تتجوز عشان تتجوز و بعد الجواز يحصل اللي احنا عارفينه كل حاجة تتكشف و تبان
يكون هو بقى حصله نضج و عرف يختار …. فاختار التانية صح !
رقم 2
غالبا الزوجة التانية عارفة بالظبط الزوج عايز ايه و ناقصه ايه في البيت الأول خصوصا لو الزوجة الولى عنيدة و مش عايزة تتغير … و ساعتها الزوجة التانية تكسب !
رقم 3
غالبا بتكون الزوجة التانية أكثر دلعا و نعومة
رقم 4 بقى و دي الأهم
الزوجة التانية عارفة انها زوجة تانية فبتعمل ايه بقى؟؟؟؟
بتشغل وقت فراغها بشغلها و بتطور من نفسها فبتكون متجددة دايما عشان زوجها بخلاف الزوجة الأولى اللي قاعدة تشغل بالها باللى حواليها و تنكد على نفسها و عليه و على ولادها …
رقم 5 :
بتكون غالبا الزوجة التانية مرت بتجربة أثقلت شخصيتها فدا بيخاليها متفتحة و دماغها كبيرة و عارفة بالظبط أسلحتها الأنثوية الفتاكة
رقم 6 انتوا بقى ضيفوا من عندكم
–
–
–
–
ايه رأيك تكوني انتي الزوجة التانية لزوجة زوجك الأولى اللي هي انت !!
يعني صارحي نفسك بعيوبك …
وتخيلى دايما ان جوزك متجوز زوجة تانية و سعيد جدا جدا مع زوجته
اللي فيها كل
حاجة نفسه فيها هتلاقي نفسك اتشجعتي …وتصبح …
اللي مش عارفة تخس أكيد هتخس !!
الكسولة هتبقى نشيطة
العنيدة هتفك شوية !!
اللي عايشة دور الضحية تفوق من اللي هي فيه
حبيبتي مفيش راجل يروح يفتح بيت تاني بمسئوليات تانية غير لما يكون فعلا تعبان في بيته
ما تضحكيش على نفسك و تقولي انك مكفياه
أكيد في حاجات قالك نفسك انها تتغير و قولتيله انا كدا و ان كان عاجبك
انتي الزوجة التانية بجميع مميزاتها من هنا و رايح
اعملي تغيير جذري لنفسك خصوصا لو جوزك حد كويس و انتي مقصرة معاه
تجولوا بالمنتدى و شوفوا كمية الجواز التاني عشان كل واحدة راكنة جوزها ع الرف و فرحانه بنفسها بتخنها و منظرها و بتقول مش عايزة اتغير تفوق و تتغير !! اللي مش مهتمة بنفسها و لا ثقافتها و لا حتى بصلاتها و قربها من ربنا يمكن تفوق و تتغير
انتي من النهاردة النجمة … الزوجة التانية
سلاااااااااااااااااااااااااام
يسلمو
شو هاد الموضوع المرعب ههههههههههههههههه
موضوع جد رائع.و من اليوم فصاعدا راح اعمل على ان اكون الزوجة الثانية
لاني صح ساعات احس نفسي هملاه خصوصا مسالة الجنس دي
احنا النسوة تتعبنا كثير و نمل سريعا
شكراااااااااااااااااااااااااااا يا عسل
ملاحظة
ساعات الزوجة الثانية تكون خرابة بيوت.و نزوعة عابرة فقط سرعان ما يمل منها الزوج
يارب كل الزوجات يكونوا الاولى والاخيره بدون ارقااام
هههههه يعطيك العافيه في انتظار جديدك بكل الشوق