السلام عليكم
اولا اشكر الاداره ومديره المنتدى ع فتح قسم مشكلتي ..!
ابدء افضفض لكم مشكلتي خواتي
انا صراحه كنت انسانه طبيعه وكنت احب اسولف واضحك وكذا
بس هالحين لا ليش؟ السبب شكل اسناني وكل ماكلمت حد اسنانك واسنانك ويبدو يعيبون علي
والله من كلامهم كرهت الجلسه معاهم وصرت انفرد كثير وكلاامي صار قليل
ويستغربون من هدوءي وسكوتي ترا هالشي منكم جتني عقده نفسيه
من سبت الناس الله يسامحهم ويهديهم
عارفه انكم راح تقولوا ركبي تقويم لك بس انا ظروفي صعبه جدااا ولااملك مال كافي
لاعمل هذا التقويم
لذلك وبالنهايه ابي دعواتكم ان الله يفرج همي وييسر امري
الله يرزقكم ويدخلكم جنته لاتنسوني من دعائكم
والله اني همي صآر اسناني
ولاني قادره افعل شي
دعوووواتكم
جزاكم الله خير ..
ولااريد تتحسبون اوتدعون على هالناس !!
بس يكفيني دعواتكم الله يعطيكم العافيه …
احييك من قلبي
حبيبتي حالي تعملي حصالةة كل يوم تحطي فيها مبلغ
مافي شي مستحيل حتى ولو طولت الشغلة المهم تجمعي عادي
وبعدين انت اوثقي بحالك اذا كلموك قوليلهم ربي خلقني هيك
او قوليلهم رضيانة بحالي هيك مالكم دخل
او صارحيهم قوليلهم انهم يجرحوك
بعدين تقربي من الله وادعيه وهو رح يفرج همك
ولك دعواتي غاليتي
الله يفرج همك ويسرلك امرك ويرزقك اللي بتتمنيه
كلام الناس لايودي ولا يجيب عيشئ حياتك وفليها لا تخلينهم ياثرون عليك
ويقللون من شأنك ويحبطوك بكلامهم اسمعي وطنشي
وادعي الله دايما ان يرزقك المال اللي تقدري تسوي فيه اسنانك
موفقه اختي
اتمنى اكون افدتك بتجربتي جربي ورح تخف مشكلتك باذن الله
|
المشاركة الأصلية كتبت بواسطة سديم السما
 حبيبتي شي تقويم اتوقع في المستشفيات الحكوميه جربي قدمي طلب ويكون التقويم مجانا على ما سمعت
|
زي ماقالت بس المستشفيات الحكومية يمكن يطلبون منك تجيبين اغراض التقويم من برا بس تكون رخيصة عليك 