بسم الله الرحمــــن الرحيم
السلام عليكم ورحمة الله وبركآته
مسآء؟صباح: الرضــآ على الجميع ..
أشوفها مهمومه وشآرد فكرها عرفت إنها تفكر وبآلها مشغول ..
سألتها وش فيك ..؟! وشإللي مشغلكّ وكأنك شاليه كل هموم الدنيا على رأسك ..
هي : هآ أبد ولآشي .. قلت : أكيد (الزوآج) , لكن ليه كل هالهمّ .. قالت (خالد) أنا ماأعرف أطبخ وبعدين أخاف إن أكلي مايعجبه , أحس مارآح أكون زوجة مثآلية , أخاف يخاصمني ويزعل عليّ ..
يا عزيزتي .. (الرجل) اللي ينتظر طبخ مثل طباخ والدته وفي بدآية زوآجكم مايفهم ..! ووالدته يوم إنها تزوجت ماوصلت لِ هالمرحلة والطبآخ الزين إلا بعد سنوآت من زوآجها ,, فكيف يبيّ زوجتة تكون مثل وآلدته بين (يوم وليلة).؟!
وبعدين ياقلبي .. الطبخ مآهو الشي إللي يخليش تنآلين حبّه ..؟ ولآ طعمه هو إلليّ يقربه منك ..
الرجآل ياعزيزتي يبيّ المرأة (الحنونه) عليه .. وإذا دخل مع باب البيت وتستقبله وتأخذ عنه شمآغه , وتأخذ المقآضي إللي يبن يديه وتسمعه كلمتين حلوين (قوآكم الله يآبو فلآن, وربي يخليك لي) وتجيب له كوب مآء بارد ولآ كوب عصير يبرد على روحه ..
وبعدين تأكلينه من يدينك كم من لقمه , وتشرين من كوبه وإن شربي من كوبك له مذآق وطعم غير ..
تهقين بعد هالكلآم الحلو والتعامل والملآطفه الزينه .. رآح يكره طبآخش ..؟
وبعدين وهو بدوآمه أو خآرج البيت أرسلي له رسآلة على جوآله تعبرينْ فيهآ عن بعد (شوقه له) وإنك تنتظرين جيته بفآرغ الصبر ويآحبذآ لو نبتعد عن الرسآئل المكتوبه وتكون بصياغتك وأسلوبك الرآئع ..
وإن نزلتي للسوق تتقضين لآ تنسينه وقت ماتوصلين للبيت طلعيّ له (هديته) والهدية موب قيمتها بمعناهآ وإنك على بآلي وحتى وأنا بالسوق ومآبه شي يشغلني عنك ..
ومثل مايقول المثل (ولد على ماربيتيه وزوجك على ماعوديته ) يعني الزوج كـ (الطفل) يريد منك النصيب الأكبر من الإهتمام , وحاولي قد المستطاع بأسلوبك تقولين له إنك أجمل شي بحياتي ..
وبعدين يآما زوجآت لآ يملكن من الجمآل إلآ الشيّ القليل وملكنّ أفئدة أزوآجهم بتعاملهم اللين والرآقي ..
وهذآ كله أخذنآه وأستنبطنآ ماهو من مسلسل تركي ولآ فليم أجنبي ,, أخذنآه من خير البشر حبيبنآ محمد عليه أفضل الصلاة وأتم التسليم _ حين كان يأخذ رسول الله صلى الله عليه وسلم _ كأس عائشة رضي الله عنهآ وهي في حيضهآ فيتفقد ويبحث عن مكان فمهآ ليضع (فمه) ويشرب منه صلوآت ربي وسلآمه عليه ..
عزيزتي تملكين كل المفاتيح لرضآه ولآتفكيرين لآ بطبخ ولآ شغل البيت ولآ غيره ..
تتوقعين بعد كل هذآ ينتظر طبآخك يمكن يقولك خليّ أكلنا كله بالمطآعم ولآتحرميني من دلآلك وحبك .. أحتويه بكل ماتملكين ..
واتمنى للجميع حياة مليئه بالفرح والسعاده وراحه البال
…………
فعلا الاهتمام والحب اهمم بكتيييير من الطبخ ومن شغل البيت ومع الوقت بتصير الزوجة تتقن كل اشي بس لازم شوية صبر من الطرفين
