مهلا لا تحرموني من حبيبي اغلى من الروح -روايات رائعة 2024.

البعض تقبل كتباتي والبعض انتقد كتباتي

لكن لا اعلم في روايتي الجديده من

يتقبلها ومن سينتقدها

لنبدا معاً فصول قصتي التي تحمل عنوان

مهلا لا تحرموني من حبيبي اغلى من الروح

لمن اراد نقل روايتي في اي منتدى الرجاء وضع اسمي عليها لا استبيح من ينقل روايتي ولا يذكر

اسمي عليها

الفصــــــــل الاول

الجــــــــــــــــــــــزء الاول

في بيت لا يشع منه نورآ او ليت..مقيده بسلاسل كأن حيوان اعزكم الله مقيد.تثير الارض من
صراخها..لا يسمعها احد..غير اطوف الغرفه..مقيده لايعرفها احد..شعرها المتساقط

على ويهها..تكاد ان تنسى لون شعرها البني الفاتح..منكب على ويهها ..لا يعرف ايهما
شعرها من ويهها..لا يدخل نور الشمس الا من ثقب بالغرفه..معزوله عن الدنيا والعالم..

لا يدخل عليها احد..حتى اذا دخلوا وضعوا لها الاكل ومشوا..او يدخلوا ليضربوها..يكاد
ان يسى اسمها من هذا البيت..هل تتحرر من هذا المكان او تبقى حتى ياخذ الله امانته..

…شيلي الاكل من قدامي انا ماابي شي
الخادمه..ماما في انت كذا تموت
…وانا اكب الاكل بريلي..هذا الي انا ابيه
سارا..قوم ياريال افتح لها لباب حاجه صار لها اكثر من شهرين واهي محبوسه بالسرداب..
بوعلي..سودة ويهي جدام الناس الله يسود ويهى
سارا..بنتي ماتعمل هيج
بوعلي..ايل مين الي شفناهى هيج
سارا..ع الاقل تيلس معانا بدال هالحبسه
بوعلي..ماشي بس ماتيلس معي اذا كنت موجود بالبيت ولا بنفس السفره فاهمه شقول..
سارا..كل الي تبيه بيصير

ودخلنا تلكـ الغرفه واهي مربطه بالسلاسل واول ماشافهى رفع ايده بذاكـ السوط على جسمها يرسم
اسوام على بدنها..كدت لا اعرف كيف اصبح لون جسدها..هل بني ام ابيض..لا يرى فيه
سوا الاحمرار والزروقه عليه…

…يبه والله مالي دخل انت تعرفني هذي تربيتكـ الي
بوعلي..وهذا الي حاد نفسي
…يمه اقنعيه قليله اني مالي دخل

سارا واهي يالسه على الارض وترفع شعرها وادموعها تسيل..بس تتكلم من داخلها..يمه
بنتي حوريه انا لو فيني احطج داخل قلبي ولا اسمح لمين من كان ان يمس شعره من راسج..

بوعلي..هذي مو امج هذي مرت ابوج والليله ملجتج
حوريه..لا مستحيل..يمه تحجي لا ظلين ساكته

سارا وادموعه تنزل..لو فيني جان امنع هلي يصيرلج..بس مافي الي ايد لازم

واخذتها وصعدنا فوق ودخلتها غرفتها وخليتها تدخل التواليت..وانا زهبت لها ملابس لتلبسها..

بالميلس عند الريايل

كان يالس واهم يعقدون القران تذكر يوم ياتله اخته واهي تقنعه بالزواج منها..كان ذاكـ اليوم توه
راد من الدوام..وهاليوم ماينسي من حياته..

بوعلي ويحط ايده على ايد سيف..سيف ولدي الشيخ يكلمكـ
سيف وهو يبلع ريجه ويعدل من نبرة صوته..نعم
بوعلي كرر السؤال..سيف شفيكـ..اقولكـ الشيخ يكلمكـ
سيف..معاكـ..(والتفت على الشيخ)..تفضل اسمعكـ
الشيخ..انت موافق على الزواج بكل قواتكـ العقليه..بدون اي ضغط من احد او اكراه
يسف يكلم نفسه..وانا فيني حيل امنع الزواج مااقدر اقول لأختي شي..
الشيخ..هاااااااا سيف موافق او لا
سيف..اي موافق

فوق عند حوريه

كانوا يضعون لي لميكـ اب انا سؤال يدور في ذهني منو هذا الي بيزوجوني له يعرف عني شي او
لا..او ماخبروه شي يمكن يكون شخص محتاج فلوس..وابوي اقراه بالفلوس منو هذا..

كيف شكله حلوا او بشع..مفترس او حبوب..كيف بيعاملني او كيف انا بقدر اعيش معاه تعبت
انا من هشي متى ياربي ينتهي كلشي من حياتي..كيف الليله طويله ومش راضي تخلص..

سارا..كيف شايفه نفسج
حوريه..عادي
سارا..طالعي زين نفسج بالمرآيا
حوريه..يمه منو هذا الي بياخذني

سارا ماعرفت شنوا اجاوب..

حوريه..يمه اكلمج انا ردي علي
سارا..واحد
حوريه..ادري انه واحد..منو..وحده..بس منو
سارا..اللحين تعرفين

كان يصرخ من داخله كيف انا رضيت بهالمهزله تصير..اهي تعتبرتي خال لها..وانا كيف رضخت
..ماحد اجبره..انا محتار على امري..كنت احلم اني ازف اختي بثوب لعرس واهي سعيده

..مو مقصوبه على الزواج..
حوريه..علي شفيكـ واقف فيكـ شي..تعبان
علي..لا..انتي شلونج..مرتاحه
حوريه..شتفرق اذا كنت مرتاحه والا لا
علي..كنت ابي اباركلج..بظروف احسن من هيج..بس ديري بالج على نفسج وعرفي اني
انا موجود بأي وقت انتي تحتاجيني فيه
حوريه..عارفه

براء عند سيف

كان يتأمل السماء يكيف صايره والنجوم كيف متقاربه من بعض..وهو كيف صاير ابعيد عنها تنهد
وغمض اعيونه وفتحها..ومسح دمعته والتفت على الصوت الي نادئه..شافها ماتغيرة عليه مثل
ماشافها آخر مره قبل لا يسافر..

حوريه انبهرت اذا اهو الزوج او مجرد ازياره لاخته..سيف لحد اللحين ماتغير هذا اهو..
تعابير ويهه ماتغيرة..يمكن تغير فيه شي واحد..هذا اهو الشي الي ماعرفته فيه..ليش قرب

سارا..وهذي عروستكـ ياسيف
حوريه الشنطه طاحت من ايدي..شنوا هذي تقول
علي..حوريه انتي بخير
حوريه…
سيف..يلى..تبين شي سارا
سارا..لا..سلامتكـ
سيف..الله يسلمج

ركبنا السياره وكنا ساكتين مغير صوت المسجله شغال على دعاء..وانا اطالع فيه واقول في هذا
اهو الشخص الي كنت اناديه خالي..يقولي انا احبج..ماكنت اقدر جملته على بالي انها حب

سيف..هذا اهو البيت يمكن ماتغير عليج
حوريه..لا ماتغير
سيف..على شنو اطالعين
حوريه..على استايلكـ بالبيت دايمآ تبهرني
سيف..اخذي راحتج
حوريه..انت بتطلع
سيف..اي بقيتي شي
حوريه..لا
سيف..على فكره نامي لا تستنيني
حوريه..ليش مش راد لبيت
سيف..لا تستعملين معاي الاسلوب هذا..فهمتي
حوريه..بس انا ماقلت لكـ شي..ليه حمقة علي..

راح صوب لباب حط ايده على مقبض الباب حس ان لباب مو راضي ينفتح معاه..كأن لباب يقوله
ارجع لوين رايح تتركـ عاروستكـ..مثل هذهي الليله..بس مااهتم دفع لباب بقوه ونفتح معاه..

بس برضوا وقفه صوت ناداه..تركـ لباب ولف لمصدر الصوت..كان واقف بجامته ويفركـ..
عيونه بأيده فيه النوم بس سمع ان احد يئه نزل يشوف منو هذا..

خالد..خالي انت ييت البيت
سيف ونزل لعنده..اي حبيبي بس بطلع..بقية شي
خالد..اي ابيكـ تنام عندي..امي بطول بالمستشفى
سيف رفع راسه ويكلم نفسه..مااقدر ايلس انا وياهى بنفس لبيت اهي حبي..بس النار تشعل
بصدري..واحس ان روحي بتطلع من مكانها..
خالد..خالي ليه لعرق يصب منكـ
قربت لعنده وحطية ايدي على راسه..انا اليوم بنيمكـ بحضني..وخالكـ يروح مشواره زين
خالد..انتي منو شنو تسوين في بيتنا
حوريه..انا..انا..انا..
سيف..هذي زوجتي
حوريه..ماألومه يمكن اربع مرات شافني فيها عندهم بالبيت..لهذا مايعرف انا منو وشو بالنسبه
لخاله..

في بيت بوعلي

علي..يمه قومي اتصلي بحوريه شوفي شلون صايره
سارا..مايجوز ماخذة الا ساعه من اطلعت من عندنا
علي..يمه..طلبتج..اهي ماكسرة خاطرج..بطلعتها من البيت..جذي..كأنها وحده
بيعدمونها..
سارا..اخاف ابوكـ يعصب علينا
علي..ماعليه..بس اكيد ابوي نايم اللحين

في بيت بوسعود

اسيل..يبه رحت ملجة حوريه
بوسعود..لا اخوانج مو هون..وامج ماخذه لدريول معاها
اسيل..انا كان ودي اروح بس خفت من عمي..وماحبيت اني اشوف حوريه هيج
بوسعود..لو متحجيه كان رحنا لعندهم اكيد عمج تلقينه منهار على بنته
اسيل..يبه ماعرفتوا منو هذا الي مسوي معاها هيج
بوسعود..لا كلشي لقيناه بالعلبه..بس ياليت اخوانج طايعيني وماخذين بنت عمهم..
اسيل..يبه لعتب مو عليكـ..لعتب على ولدكـ..الي تركها

في بيت سيف

نام خالد وطالعت الساعه..واييد تاخر طلعت من لغرفه..وبحكم اني مااعرف لغرف وين
صايره نمت بالصاله..قلت عشان اذا جاء احس على ييته..

رد لبيت وشافه اظلم شغل اليت الي بالدرج..وصعد وشاف الابجوره الي بالصاله مشغله..راح
يشوف منو..حصلها نايمه حاول ان يلمس شعرها بس تراجع..ودخل غرفته ولا ياله نوم قام

فتح لباب ويلس على لكرسي يلس يراقبها لان غرفته مقابله لصاله..ويلس يرسم فيها لمن استوى
الصبح..وقام وراح لعندها

سيف..حوريه..حوريه..

حوريه ايلست وارفعت ادينها لتتمقط.

دخلت غرفته كانت ظلمه..ودخلت معاها بنت عمرها حوالي خمس سنوات شعرها طويل..
اصعدت على السرير..تيلس فيه وماعطاهى موباله انقلب على بطنه..بهاالحظه افتحت الي

ادخلت معاها افتحت الستاير ودخل ضوء الشمس ..وتضايق ورفع لمخده الي تحتى وحطها فوق
راسه..وايأست انه ييلس وطلعت من لغرفه..وارجعت سريع وحط بويهه حمرة شفاه على
شفايفه..وعلى اخدوده..وطلعت..وبعدها بساعه يلس وشاف نفسه بالمرايا وصرخ…

في بيت سيف

سيف..هالمره بعديها لج..
حوريه..ليج
سيف..انا مواعيد ريوقي وغداي وعشاي ثابت..
حوريه..والي اهي..
سيف يبي بس يتلف اعصابها والا اهو ماله مواعيد ثابته..ريوقي الساعه6:30بس قبل بنص ساعه
اشرب عصير واقراء جرايد..وغداي الساعه1:45وان تاخرتي دقيقه ياويلج مني..ولعشاء
الساعه8:30..وخفايف
حوريه ابتسمة ابتسامه خفيفه..بس انت تدلل
سيف حس انها تتمضخر عليه..انتي تطنزين علي
حوريه..لا..ابد ماعاش مين يدوس لكـ طرف..
سيف..اوكي انا ساير..ونظفي لبيت عدل
حوريه..ان شاء الله

في فلة بوحمد

طلع من غرفته بعد ماصلى لفير متاخر ونزل بالصاله الي بدار الثاني ونادى عليها…

…نور..نور..
ساندي..بابا سامي الريوق زاهب..
سامي..يبيه لعندي..
ساندي..تفضل
سامي..شنو هذا
ساندي..ريوق
سامي..انا كم مره اقولج غير لجبن والزيتون..لا تيبين لي شي غيره
حلا..من ولد هلي ماتاكل الا كذا..ولا خايف لبنات مايتحادفون عليكـ
سامي..انا ولد الراهي مو واحد ياي من الشارع
حلا..نشوف ياولد الراهي غروركـ لوين بوصلكـ..
سامي..بيوصلني..لفوق..لفوق..لفوق..

كانت تطل براسها من الصاله تشوف تعابير ويهه كيف صايره..اذا اهو حمقان عليها..او لا

سامي..نور..نور..نور
مها..لا تنادي عليها مادري عنها انزلت تسرع اهي مسوي شي
سامي..نور..نور..تعالي انا مو زعلان منج..
نور اوقفت يم يدتها..انت صاج
سامي..اي

ويات لعنده وايلست يمه بالكنب..وهو شالها وحطها على اريوله..وشال اول لقمه بيحطها في
حلجه..ولتفت وحطها بحلج نور..

حلا..ياعيني عليكـ..ماشاءالله صاير ذرب
سامي..انا لو مااشوفها..استخف..اين..هذي نوري الي ماابدله
بوحمد..سامي..سامي
سامي..نعم

بوحمد وهو يمد لمفتاح له..

سامي..هذا مفتاح السياره اليديده..
بوحمد..اي
حلا..وانت ماتدوم عند سياره كله مكسرها..
سامي..ونسيتي مااكليتي..مو ابوي كاتبلج..شقه بااطاليا..هدية زواجج..يالغبيه..
حلا..اي شقه بنستفاد منها مو انت..
بوحمد..ماحد له شغل بولدي..لو يكسر كل يوم سياره تفداه…هذا اصغر واحد بعيلة
الراهي..

مرام..صباح الخير حوريه..والف مبروكـ
حوريه..الله بارجلج..رديتي من دوامج
مرام..اي بس انتي ليه حايسه بالبيت..وليه لبسه هيج
حوريه..اوامر اخوج..طلب مني اني ارتب لبيت
مرام..لا طاوعينه انتي عاروس يديده
حوريه واهي تنظف بالطاوله..اي عاروس..
مرام..اي انتي عاروس..مافي مثيل مثلج..
حوريه..بسج من الحجي..روحي دارج ونامي وانا خليني انظف
مرام..آسف ماشاركتج بهالمناسبه..ومن اول يوم خليتج فيه تسوين ريوق لاخوي وولدي..
حوريه..مافيه داعي تتأسفين
مرام..ايل انا بروح انام
حوريه واخطرة علي فكره شيطانيه..مرام
مرام..نعم
حوريه..سيف كيف يفضل الاكل..
مرام..تبين اقولج

في فلة بوحمد

حمد..نور لحد اللحين يالسه عند عمج ماتيين تسلمين على ابوج..
نور..سلمت عليكـ قبل لا تطلع من البيت
حمد..اللحين منو ابوج انا والا اهو..وليكون تحبينه اكثر مني

نور اطالع في ابوها واطالع في عمها سامي ..وباست سامي في خده..وجاوبت

في بيت بوعلي

دخلت غرفتهم شافته ساجد على السجاده ماحبة انها تقطع عليه..ادخلت التواليت تلم الملابس الي
يبيلها تنظيف..وبعد مااخلصت طلعت..توقعته خلص بس ماشافته هيج..طاحت السله من
ايدها اتعبت عليه وبدت تنادي عليه بس مااستجاب لها ونادت على ابنها….

سارا..علي..علي..(وقامت واوقفة يم الباب وارجعة ونادت عليه)..علي..علي

علي وهو يرمي لموبايل من ايده ويركض لعندها..

سارا..علي ابوكـ ماادري شعلامه..

علي يتحسس من النبض…

في بيت سيف

اسيل..كيفج حوريه انتي بخير
حوريه..بخير بظلين واقفه..
اسيل..بالاول ريلج المصون هون
حوريه..لا..الله يعيني اذا رد
اسيل..والله يمج بتغدى عنج..ومارح يفج حلجه

بالجامعه

طلال..سامي تتغدى معانا اليوم

سامي يسكر الدفتر مسوي روحه كلش انسان يحب شي اسمه دراسه ومذاكره وهويرقم البنت

طلال..سامي انا احاجيكـ
سامي..لا انا عندي موعد غدى مع احلى بنت بالكويت
طلال..ياخين ولا تعزمنا
سامي..تبي تعال مين ماسككـ..ويلتفت على محمد..الا جم الساعه حمود
محمد..الساعه 12:15
سامي..ووووووووووه تاخرة
طلال..وباي مطعم
سامي..بمطعم القيصر لحقوني

بالمستشفى

الدكتور..انا مو قايله لكم لا تخلونه يتعب
علي..انا نسوي كل الي كلته لنا
الدكتور..بس قلبه تعبان واااااااايد..ديرور بالكم عليه

في بيت سيف

حوريه..شفيكـ الاكل مااعجبكـ
سيف..الا تسلم ايدج

حوريه قمت من مكاني واخذة المعلقه واضفت لها اكل بالصحن..وانتبهت ان اسيل ناقعه من
الضحكـ على سيف…

سيف وهو يطالع بحوريه..هذي تبي تينني تعرف اني مااقدر اني مااكل من ايدها رغم ان الرز
مالح حده ولا ينوكل…

بالمطعم

سامي..اوووووووووف شيابها هذي معاهم اكيد سوالف طلول..انا اوريه

طارق وهو يبوس نور ونور اخذت المنديل الي على الطاوله وسحت خدها فيها ماتحب طارق حيل

محمد..ايل وينها لبنت الي عازمها
سامي..والي يالسه يمنكـ
نور..اظاهر انا مو قدر لمقام
صبيحه قاطعة محمد..متى بطلبون لنا الاكل
سامي وهو يحاجي طلال بعد ماقرب لكرسي لعنده..انا مو قايلكـ لا تيبونها معاكم
طارق..شسوي معاها تعلقت فينا
محمد..ماطلبون لنا اكل
سامي..لو سمحتي ممكن تيين

بنفس المطم..عند ناس

حنان..روحي انتي انا بحاسب الطاوله السابعه
…اوفففففف مبين عليهم شباب سخيفه
حنان..انتي شعاليج منهم

على طاولة سامي

راحت لعندهم واوقفت يمهم تبي تشوف شنو يبون بس ماحد عطاها ويهه..واحترقت اعصابها
وانفجرة عليهم..

…اذا خلصتوا مؤتمر الولايات المتحده نادوني

رفع راسه انصقع من جمالها تسبه فيها..اول ماشافها يايه لعندهم فكرها اجنبيه مو بنت ابلده..

سامي..اثر تتكلمن زياتنا
…ماشاءالله اثر عندكـ خفت دم

صبيحه حست باهتمام سامي لها وسريع جاوبتها..

صبيحه..انا بدي روبيان على التوست

سيف..اي علي لا..لا تقولها واللحين شلون صار..اي اوكي بخبرها..لا تخاف

حوريه كنت يالسه يمه وانقبض قلبي اكيد ابوي صار له شي..

سيف سحب ايدها من على قلبها وخبرهاااا ان ابوها تعبان..وبجة حوريه ان ابوها تعبان وحاسه
ان اتعبه منها اهي..وطلبت من سيف ان يوديها لعنده…وقالها عشر دقايق تكونين زاهبه.

بالمطعم

…التافه تدلع علي تقولين اجحت منها
حنان..رموي منو هذي
ريما..هذي التافه الي يالسه مع الشباب ماتستحي على دمها
حنان..وانتي بعد..حاجيها بنفس الطريقه لا تسكتين عنها

ظلت ريما تتكلم مع حنان وخلصوا الشباب من الغدا ونادا لريما انها اتييب الحساب لانها ادخلت
الراس..بس ريما اطلبت من حنان انها تروح اهي…

عند طاولة سامي

سامي..انا طلبت من الي لابسه الفيروزي مو انتي روحي زقري لها
حنان..بس اهي مشغوله انا اخدمكم
سامي..انا ماابيها الا اهي

ريما شافت الشاب يعلي صوته على حنان وراحت لعندها خافت ان يطلع المدير وتكبر السالفه بعد
ماحصلت من المدير تهزيئ بسبب انها رفعت صوتها بويه زبون..

ريما..نعم
سامي..هذي البطاقه دفعي لحساب

ريما خذت لبطاقه من دون نفس وراحت وارجعت سريع..

سامي..ليج رجعتي
ريما..مسوي نفسكـ بو لعريف في النهايه بطاقتكـ مافيها رصيد
طلال..هاج بطاقتي

بتاخذ لبطاقه بس سامي رفض وعطاها بطاقه ثاني بتسحب روحها بس بنت تتل في المريله

ريما..نعم
نور..ممكن تنزلي اشوي

انزلت ريما لمستوى نور وساسرتها بأذنها وضحكت ريما وطلبت منها انها تستدير..لان سحاب
فستانها انفتح وريما سكرته لها…

نور..مشكور

راحت ريما وندفع لحساب واطلعوا الشباب من المطعم وكانت مو بس صبيحه حاسه بهشي في
شخص ثاني لحظ هشي وانقهر اكثير وبداخلها تقول كيف بتخلص من صبيحه عشان تطلع الي هذي

بالمستشفى

حوريه..يبه شلونكـ بخير
بوعلي..انتي شجابج هني انتي مو بني يالحقيره
حوريه وسالت ادموعها على خديها..انا يايه اسأل عن ابوي

بوعلي وهو يشد شعر حوريه ويكزها وطاحت بحضن سيف الي حس ان قلبه بيوقف من قرب
حوريه منه هالكثر…

بوعلي..طلعوها من هون لا ارتكب فيها جريمه

اخذ سيف حوريه الي انهارت بجي لان ماكان الا اهم وارجعوا لبيت وشاف سياره واقفه يم بيتهم
تنهد ودخلوا لبيت..كانوا يالسين يسلفون وبس المحت حوريه راحت ضحكتها…وانقلب
ويهها وتغيرة ملامح ويهها…سيف حب انه ينهي النظره السخيفه…

سيف..خالتي عندنا ياهلا ياهلا نورة لكويت بوجودكم..
ام سالم..لكويت منوره باهلهى