السلام عليكم ورحمة الله وبركاتة
علاج السلوليت يلزمة شيئين
اول حاجة الاهتمام الداخلى وثانى حاجة الاهتمام بالجلد والجسم من برة يعنى لازم الاتنين مع بعض
اول حاجة الاغذية الى هنحتاجها خلال فترة العلاج هى
وقبل ما بدا الاغذية هكتب مشروب نعملة نشرب كوب الصبح وكوب بليل طول فترة العلاج ( هنجيب زجاجة لبن صويا + لوز مبشور
+ فراولة + عنب احمر + ممكن نضيف جوز مبشور ) ونضربهم فى الخلاط ونشرب كل يوم كوب الصبح وبليل دة اساسى
هناكل كل يوم الصبح بيضة ونشرب كوبمن الكوكتيل _ وفى الغدا هناكل سبانخ ومعاها قطعة لحمة مسلوقة مع خس ونرش علية زيت زيتون حجات بسيطة _ وفى العشاء هناكل علبة ذبادى وكوب عصير كوكتيل وقبل ما نام هنشرب كوب شاى اخضر
ثانى يوم
هنفطر قطعة جبنة قريش بعيش اسمر + كوب عصير كوكتيل _ وفى الغداء هنتغدى اليوم دة قرنبيط مع قطعة فراخ فلية + سلطة وعليها زيت زيتون + العشاء هناكل طبق صغير من البطاطا الحلوة مسلوقة فى مياة فقط + العصير برضة ضرورى كل يوم
ثالث يوم
الفطار
هنفطر طبق بليلة باللبن + كوب العصير _ الغداء اليوم دة هنتغدى سمك سردين او رنجة او جمبرى للى تحب + خس مرشوش علية زيت زيتون _ العشاء علبة ذبادى او كوب لبن وكوب عصير
ولو عايزين نبدل عصير الكوكتيل فى العشاء بشاى اخضر ناخد نصف كوب كوكتيل وبعدها نشرب نصف كوب شاى اخضر
وبقيت الاسبوع ناكل براحتنا الاكل العادى ولو نمشى على النظام دة يكون احسن
ودة يا جماعة مش نظام غذائى للرجيم يعنى مش هنمشى علية عشان نخس دة عشان المكونات الى فية كلها بتطرد السموم من الجسم وتجدد الخلايا وبتساعد على القضاء على السلوليت وخطوط تمدد الجلد
كدة خلصنا العناية الصحيحة للجسم من الداخل الغذاء
نيجى على العناية الصحيحة للجسم من الخارج
اول حاجة هندلك الاماكن المصابة تدليك جامد عشان الجلد يسخن بزيت الليمون لمدة 10 دقائق
وبعدها نمسح بقطنة وندلك المناطق بملح طعام عادى على الناشف لتنشيط الدورة الدموية لمدة 10 دقائق
وبعد ذلك نشطف بماء دافى
بعد كدة
هنجيب كريم مضاد للسولوليت من الصيدلية يحتوى على مادة المينتول ونضيف علية زيت عطرى زى زيت النعناع بعد تخفيفة
ونخففة هنضيف 60 جرام من زيت اللوز الحلو + 60 قطرة من زيت النعناع العطرى
وندلك بية
ووبعد كدة نلف الجسم المناطق بالورق الفويل ليحتفظ بالحرارة ويطرد السموم
كدة خلاص خلصنا والصابونة دى بقى اختيارى
معلقة زنجبيل معلقة قرنفل _ ملعقة زيت قرنفل _ + 3 معالق قهوة + صابونة جلسرين + ماء ساخن
هنحط كل المكونات السائلة وعليها المكونات البودرة ولما تسخن نحط الصابون المبشور لحد ما تسيح
ونحطها فى والب لما تدفى ونحطها فى الثلاجة ونستخدمها تانى يوم
وهنستخدمها فى دهن الاماكن قبل استخدام الخطوات السابقة
منقول