هذا مصيري بعد زواج النت …هل انفصل او استمر انصحوني الله يعتقكم من النار
السلام عليكم و رحمه الله و بركاته
لجات لكم بعد الله لاني شفت شلون اعضاء المنتدى مهتمين ببعض والمسلمين كالبنيان … مشكلتي يخواتي بزوجي طماع درجه اولى دايم مفتكرني صراف متحرك …طبعا انا الغلطانه من بداية زواجنا اقروا واحكموا و انصحوني
انا تجاوزت 35 و طبعا كنت على علاقه برجل و رفض الزواج بصريح العباره قلت انا الحمد لله بخير و نعمه و جذابه بطريقه ما والي يشوفني يقول عمرها 25 الحمد لله بالاضافه ان امي واخوي ضيقوا علي الخناق بالبيت … المهم خشيت نت و تعرفت على زوجي و بخلال شهر تزوجنا من اولها سلفته المهر الي مارجع و باقي المصاريف لليوم انا الي ادفعها …عرفت ان زوجي عصبي من اول ليله لانه هاوشني بس للاسف انا رضخت له من اولها صار كل شي اسكتي لاصكك كف.. انطرد من شغله و جلست بالبيت اصرف عليه واسدد ديونه …على قولته عجز يحصل عمل قلت له اشتغل مسوق اي شي شغل حر مارضى .. فتحت له محفظه باسمي و صار يوم يشتغل وعشره لا .. يوم يوديني العمل و ارجع بتكسي المهم اني تشحططت …المهم اخرتها توظف ب3500 نعمه من الله طبعا شقتنا ب40الف مااقدر اسددها قلت ننقل شقه صغيره وارخص و بالفعل انتقلنا … قال ابي سياره للاسف غلطت و قلت اوكي … زوجي صار شخص غير الي اعرفه حتى حركات الجنس الي انا احبها وهو مايبيها صار يسويها لي …يمسك اعصابه صار شخص ثاني …مدري ليش قلت لا مو شاريه سياره … رجعت ريمه لعادتها القديمه عصبيه و الكلام من طرف خشمه … نسيت اقول لكم اكتشفت ان زوجي يحشش و سكتت ماسالته عن اي شي …المهم صار سوء فهم و ضربني و طلقني .. جلست بيت اهلي 4 شهور خلالها حضرت دوره عن العلاقات الزوجيه و سالت المعالج عن مشكلتي واني بصراحه كان هدفي من الزواج الريسي هو الاطفال .. قال ارجعي لين تحققين هدفك خلال هالفتره تغير كان بها ماتغير خلاص انفصلي .. رجعت لزوجي بعد ماحطت امي عليه شروط الدنيا .. الي مانفذ منها غير يوديني للكوافيره بالشهر مره … المهم اول مارجعت يعزمني بمطعم و طبعا هاوشني بالمطعم عشاني قلت للجرسون جيب ماء .. اعترف لي بالمطعم انه يحشش وانا ماكنت ابيه يعترف و طبعا سويت نفسي متفاجئه و كاني ماصدقته بس للاسف صار يحشش جنبي انا مااجلس جنبه .. صرت اصرف عليه وعلى البيت وامه و الحشيش و طبعا غير التزاماتي تجاه اهلي …المهم زوجي طلع عنده مشكله و سويت طفل انابيب والحمد لله حملت (للحين مابين الجنين و مافيه نبض) …. جاني قبل كم يوم وقالي الايجار حل … هو ياخذ بدل سكن و يصرفه و انا قلت ليش هو مايحس والله العظيم اول مايستلم راتبه يسدد القرض الي عليه و الباقي على طول يشتري الي يبي لنفسه من ثياب وعطورات واذا الله بيرحمه يرسل لامه كم ريال وانا اصرف طول الشهر واذا ماعطيته الله يعيني على النفس الخايسه … نسيت اقولكم برمضان طلب مني يسدد دينه لزوج اخته قلت له ماعندي اخذ بطاقه الفيزا وراح اشترى اغراض من محل على اساس انه زوجي و سدد .. طبعا مازعلت لاني كنت اخذ الادويه حقت الحمل و قلت حرام اضيع التعب قبل ماارد عليه سكرت محفظتي و قلت له البنك يبيني اسدد الديون الي علي … طبعا بالنسبه للايجار قلت له ماعندي كنت بسدد بالفيزا بس انت سحبت عليها وانا القيتها والحيففن مااقدر اتصرف رحت بيت اهلي للعيد كلمني قبل العيد قلت له ماعندي دبر نفسك .. المهم اتصلت فيه اعيد عليه قالي دبر نص الايجار و اخوي قالي لاتصيرين مره معه انتي ادفعي الباقي خليه يكلمني و انا اعطيكم
هذا سالفتي انا تعبيري مو لهناك لو حابين تستفسرون عن شي اسالوا وانا بجاوب …انا مو عارفه كيف اتصرف معه … والله الفلوس ماتهمني بس لو هو يحسسني ان فلوسنا واحد والله العظيم اوقات يخش علي البيت جاي من برا معه اكل لنفسه … اناني درجه اولى طبعا انا ماقلت لكم اني عمري ماطلعت مع زوجي مكان رومانسي او حتى نلف بالشارع والله العظيم انه تنعد على الاصابع … حتى العياده جنب بيتنا لما اخذ الابر تعالوا شوفوا المحاضره
انا ماادري ايش اسوي انا رومانسيه و مبتسمه و احب الفرفشه و ثرثاره رقم و احد وقلت له هلاكلام لما تعرفنا على بعض و قلت له احب الجنس والحركات وقال موافق على كل هذا ولما اخذته للاسف صرت مااعرف حتى الابتسامه
ارجوكم ساعدوني هل استمر معه او انفصل … والي بيقولي استمري يقولي كيف اتعامل معه
الله يعطيكم العافيه و سامحوني اذا طولت
والف الحمل والله يتمتة علي خير
الواضح ان زوجك ماخذك علي طمع ….؟؟؟ معليش اعذريني لو كانت الكلمة صعبة … لان الموظفة الكل يدور عليها عشان راتبها خصوصا مثل نوعية زوجك من اجل الحشيش وتسديد الديون وما الي ذلك
الغلطة الاولي انك قبلتي الزواج عن طريق النت ؟؟؟ ولا تاكدي من معدن الرجل وش هو ؟؟؟
لكن نصيب وقدر الله ومشاء فعل
واحب اقولك اذا كان هدفك من الزواج الاطفال فا عليك الصبر والتحمل
ولا تعودينة علي العطاء حاولي تغيرين اسلوبك معة
وفي الاخير اسال الله لزوجك الهداية ولك التوفيق واسعادة الزوجية
و اسفة علي الاطاله
انا مو متزوجه ماعندي خبره باهاالمجال
بس ماحبيت ادخل بدون ماادعي لك ان الله يفرج همك ويرزقك بالمولود الصالح اللي يعوضك
لكن ما تزعلي مني انت غلطت من الاول تسرعت عشان الاطفال والاطفال لازم يتربوا في بيت في احترام وحب وحنان والا فاقد الشئ لا يعطيه
انا نصيحة الك تحاولي مع زوجك حتى الولاده لعل الله يهديه ازا ما شوفتي نتيجه خدي ابنك وارجعي بيت اهلك احسن الك ولطفلك انت بتشتغلي وقادره تعيلي ابنك احسن من انو يعيش في بيت فيه مشاكل وحشيش والله بيعوضك وممكن زوجك بس يشوف انو الموضوع جد وانت مو رضيانه ينعدل حاله والا االبعد عنه احسن
ترى بيجي يوم وتنفجرين فيه من العذاب الي انتي عايشه فيه
مأسألتي نفسك الى متى بتستمرين على هالحاله ؟؟ الى متى؟؟؟؟؟؟ يالله ردي
هذا مافي شي يخليك تصبرين عليه يابنت الناس ترى بتعيشين مره وحده لاتضيعينها مع هالانسان
اتركيه واطلبي الله يعوضك باحسن منه باللي يقدرك ويعرف قيمتك ويحط تاج على راسه
يكفيك انه محشش وش ترجين منه فكري بعقل الله يرحم والديك بكرى عيالك بيحتاجون ابو ابو يرفعون روسهم فيه مو يتمنون البراءه منه
والله اشفقت على حالك اتركيه ولاتصيرين هبلااااا وتضيعين عمرك معه ليش ماتتركين عيشة العذاب هذي
تبي تدفنين عمرك وانتي حيه ؟
والله مافي شي يخليك تصبرين لاتتردين هذا انسان سيء انسان ماعنده هدف بالحياة
اتركيه وربي ان شاء الله يرزقكك باحسن منه
انسان تعيشي معه حياة انحرمتي منها مع زوجك هذا
نصيحه من قلب وحده تتمنى لك الخير استخيري
واطلبي الطلاق مافي شي ترجينه من واحد انتي تصرفين عليه وعلى اهله
اساسا حق من حقوقك يصرف عليك لوكنتي موظفه
اخيرا اتمنى لك الزوج الطيب الحنون الذي يقدرك ويضعك تاج على راسه عاجلاااااااااا
اللهم آمــين …
زوج محشش …لايعمل ….لاينجب …هذا بالاضافه الى الانانيه والطمع ولاتكاليه …زوج راخي
طريقك متعب …وصعب ..وانت عديتي ال35ولم ترزقي بأولاد
خيارين
الاول ان تعيشي مع زوج وتحاولين جاهده أصلاحه وتتحملين رزالته على أمل التغيير وتغسلين أيدك منه وتكونين انت المدبره الاولى في البيت
لو الخيار الثاني تركه …اذا كنت انت قادره على العيش وحدك وبكرامه وأكتفاء مادي ..ووجود من يساندك من الاهل
موفقه بأذن الله
|
المشاركة الأصلية كتبت بواسطة روابينا
 الدعامه الاساسيه لزواجكم صفر
زوج محشش …لايعمل ….لاينجب …هذا بالاضافه الى الانانيه والطمع ولاتكاليه …زوج راخي طريقك متعب …وصعب ..وانت عديتي ال35ولم ترزقي بأولاد خيارين الاول ان تعيشي مع زوج وتحاولين جاهده أصلاحه وتتحملين رزالته على أمل التغيير وتغسلين أيدك منه وتكونين انت المدبره الاولى في البيت لو الخيار الثاني تركه …اذا كنت انت قادره على العيش وحدك وبكرامه وأكتفاء مادي ..ووجود من يساندك من الاهل موفقه بأذن الله |
هذا هو الخيار الصحيح برأيي
العزيزه روابينا وضعت كافة الاختيارات وانت عليك عزيزتي عيون زوجه تقررين ايهم اسلم وانجح لحياتك
تحياتيييييييييييييييييي