هل ارجع لطليقي او ارضى بالخاطب -لصحتك 2024.

هل ارجع لطليقي او ارضى بالخاطب

السلام عليكم ورحمه الله وبركاته

بدخل بالموضوع مباشره فأنا مطلقه وعندي طفل صغير وسبب طلاقي طلبي لسكن مستقل عن أهل طليقي بسبب المشاكل مع عيلته والي كانت 99٪ هي موضوع الخلافات بيننا وهو رفض واهله رفضوا وانا بعد رفضت الرجوع الا بشروطي فطلق على طول ، الشاهد فيه رجل بيتقدم لي وهو كفوء شاريني وشاري ابني وأنا محتاره جدا هل ارسل لطليقي رساله ابين له اني ببري ذمتي امام الله وبأعطي ابني فرصه يحس بمشاعر الاسره وان هناك اب وام لأن ابني ماله اي علاقه بأبوه ويكره زيارته بشكل كبير ف راح اوافق ارجعلك بشروطي السابقه واهم شي بعيد عن اهلك ، ولا اوافق على الخاطب لكن كيف سيكون وضع ابني وقتها هو الآن صغير واحتمال كبير يبقيه معي لكن بعد سنين لما يفهم ويوعى كيف اصبر على فراقه اذا طلب يستقر عند ابوه او حتى ابوه طالب به !! فعلا محتاره ولو جيت اقارن بين طليقي والخاطب جميعهم في نفس العمر ومتقاربين بالشكل ومدخنين لكن الخاطب بوظيفه افضل واكثر استقرار ماديا والخاطب متزوج وعنده اطفال وسبب زواجه زوجته مريضه وعندها مشاكل بالخصوبه وطليقي عنده زوجه هذا الي اعرفه لكن هل عنده ابناء من زوجته ماعندي معلومه اكيده ادري الوضع حوسه ومدري كيف جاي لكن فعلا احترت وابي رأي سديد وحكيم

تزوجي وانسي طليقك وجربي نصيبك يمكن ترتاحين معاه والله يوفقك ومبروك مقدما

أنا من رأيي لا ترجعين لطليقك لان خلاص عنده زوجه ومبين من كلامك إن ماحاول يرجعك وتزوج وبناء حياة جديده
والخاطب هم متزوج وعنده عيال يعني برايي صعب تدخلين بين اثنين وتكونين سبب يمكن لطلاقهم او مشاكلهم
وإذا كانت زوجته راضيه بزواجه منك وبتدخلين بيته بدون مشاكل وبدون ماتضرين أحد يكون أفضل

اولا‏ ‏استخيري‏ ‏وسلمي‏ ‏امرك‏ ‏لله‏ ‏بالنسبة‏ ‏رأيي‏ ‏انج‏ ‏ترجعين‏ ‏لطليقج‏ ‏افضل‏ ‏لان‏ ‏هو‏ ‏ابو‏ ‏ابنج‏ ‏ومثل‏ ‏مكلتي‏ ‏بكرة‏ ‏ابنج‏ ‏من‏ ‏يكبر‏ ‏شلون‏ ‏تتركيه‏ ‏وشلون‏ ‏يعيش‏ ‏مع‏ ‏زوج‏ ‏الام‏ ‏بعدين‏ ‏حبيبتي‏ ‏ماكو‏ ‏بيت‏ ‏مابيه‏ ‏مشاكل‏ ‏استحملي‏ ‏مادام‏ ‏انه‏ ‏المشاكل‏ ‏مو‏ ‏بدينج‏ ‏الحمدلله‏ ‏الباقي‏ ‏تهون‏ ‏وشنو‏ ‏مدريج‏ ‏الخاطب‏ ‏‏ ‏هذا‏ ‏ترتاحين‏ ‏معاه‏ ‏وانت‏ ‏ام‏ ‏وراحتج‏ ‏براحة‏ ‏ابنج‏ ‏بكرة‏ ‏يسمعج‏ ‏كلمة‏ ‏تزعلين‏ ‏…اذا‏ ‏ترهم‏ ‏ترجعين‏ ‏لزوجج‏ ‏ارجعي‏ ‏الله‏ ‏سبحانه‏ ‏يقول‏‏ ‏بسم‏ ‏الله‏ ‏الرحمن‏ ‏الرحيم‏ ‏ ‏..وبعولتهن‏ ‏احق‏ ‏بردهن‏ ‏في‏ ‏ذلك‏ ‏ان‏ ‏ارادوا‏ ‏اصلاحا..

لا ترجعين لطليقك ولا تكلمينه هو ماسأل عنك ولا حاول يراضيك وش تبين فيه الحين تزوج واستقر ونساك ولا فكر فيك ولا في ولده

تزوجي اللي تقدم لك واشترطي بيت لحالك وابنك يكون معك

عيشي حياتك

مبروك مقدما

اتمنى لك السعادة والتوفيق

فعلا المرأة وفيه .. طليقك لما فكر يتزوج على طول تزوج ولا فكر يرجعك ولا يرسل وانتي لما فكرتي تتزوجين فكرتي فيه .. استخيري ياحبيبتي ووكلي امرك لله واذا تم امر زواجك اشترطي بيت مستقل .. الله يوفقك ويسهل امرك ويكتبلك الخير

مممم اول شي وقبل لاتقبلين على اي امر استخيري
وثاني شي انتي شوفي ايت واحد ممكن تتقبلينه وتعيشين
معاه افضل ؟؟؟
وثالث شي والاهم قبل لاتقررين شوفي مصير ابنك ؟؟