السلام عليكم ورحمة الله وبركاته
اتمنى منكم فهم مشكلتي بعمق ولااريد تجريح في الكلام
انا مملكه من شخص صعب اوصفه سيئ بكل ماتحمله الكلمه اي عيب ممكن يكون بالشخص موجود فيه عشت معه حرمان وذل وتجريح وانا لسه في فترة الملكه..
كل فتره يطلع لي سبب عشان يطلق واتفهم موقفه ونترك بعض ويتركني شهر شهرين لايكلم اهلي بموضوع الطلاق ولايتواصل معي وعلى هل حال..
مع اني قوية شخصيه بشكل عام ولي قناعاتي وأرائي الا ماحد يتدخل فيها بس موقادره اتعامل معه بحكمه او صح…
الغريب في الامر اني احن له وهذه الشي الي موقادره استوعبه والله العظيم ان فيه كثير انصدموا لمى وافقت عليه طموحي وشخصيتي ماتطابق مواصفاته نهائيا
واعرف ان الطلاق خير لنا بس موقادره اتحكم بمشاعري ولاقادره افسرها شخص لاحبني ولااحترمني ولاقدرني كيف احن له او ماتمنى فراقه او حتى اكن له لو جزء من المشاعرهل انا طبيعيه ولااحتاج دكتور نفسي بهل امر
الان قاطعني له اسبوعين ولايبي يكمل وانامبسوطه اني برجع حره مثل اول وبيجيني نصيب افضل بـإذن الله
بس والله قلبي بينفطر عليه تجيني لحظات اشتاق لصوته لدرجه اني طلعت شريحه وصرت ادق عليه منها واسمع صوته واقفل حركات مراهقين مع اني جدا ناضجه وعمري 25سنه قدامه ابين اني قويه وانه مايهمني وان فراقه عيد وانا بداخلي امووووت من الرعبه مابيه يبعد عني
الحمدالله انا مواظبه على قيام الليل والدعاء والاستغفار بس هل احتاج اني اتعالج او حالتي طبيعيه…؟؟؟
اذا من اولها وهو كذا وشلون بعدين
انا اشوف انك تصلي صلاة الاستخاره
والحقي على عمرك قبل لايطيح الفاس بالراس
انا اقول استخيري مره واثنين وثلاث هذا زواج مو لعبه (وعسى ان تحبوا شي وهو شرا لكم )
والله يقدم اللي فيه الخير
بس اذا هوه مايبيك ولا يحبك ي قلبي ألزم ماعليك كرامتك حتى لو كنتي حبيتيه مصير الايام تنسيك ..
استخيري والله يكتب لك الخير..
بسس ياحياتي اذا اهو اسلوبك كذا
فاحسن لك اعيدي نضر في زواجكم
فكري بعقلك وليس بقلبك
اقعدي مع نفسك واخذي وقتك ف التفكير..
الله يفرج همك ..
با التوفيق
