السلام عليكم
اخواتي انا ادرس ف ثاني جامعه وتزوجت شهرين والله ماكتب وطلبت الطلاق 
ولكن احس ان الدنيا ملومتني مع اني والله العظيم السبب مو مني ابدددد
واي عاقل مايحتمله
لكن ملاحظتي ان الخطاب قلوا
وكل ماعرفوا اني مطلقة شردوا
انا الحمدلله جميلة جدا واسرتي الحمدلله طيبة
وسمعتي حلوة وملتزمة اسأل الله اني اكون كذلكـ
قبل شهر صديق ابوي قاله ان ولده عمره 27 سنة كل مايخطب ماايحصله نصيب وتعقد من الزواج
فسأله اذا عنده بنات ممكن يزوج وحده لولده لان ولده مايبي الاقارب متعقد منهم .. فقاله الوالد بنتي الصغيرة ربي ماكتب لها شهرين وتطلقت
ماتناسب ولدكـ اكيد يبي له بكر ..
انا هنا انقهرت من ردة فعل الوالد وبكييت فقالي انا اقول كذا عشان اجس النبض اذا عادي اولا مااحرج نفسي واحرجك وهم يجي من عندهم الرفض ويخلونا ع امل .. تتصورن صدق قصد ابوي كذ؟
فرد عليه صاحبه وقاله لااا حرام لاتقول كذا هذي ماكأنها تزوجت لكن اوعدك اذا ولدي غير رأيه ف الزواج انه مايكون الا لها اعطينا بس مهله 5 شهور ع بال مااالولد يرجع من الامارات عشان عنده دورة واذا ماانخطبت فهالمدة فربي يكتبها له
مااشااااء الله تبااارك الله
انا حسيت ان صديق ابوي توورط وحط 5 اشهر حق الدورة عذرر
تهقون من جد يتكلم ؟؟؟؟؟؟
والله ياناس تعبت من كثر مااتحطم من كل واحد يخطبني
وتعبت من الألم اللي لقيته من صغري
احس اني انصدمت بحياتي كثثثثير الحمدلله ع كل حال
الحمدلله
ع فكرة هو قد كلم خطيبته الاولى واكتشف اشياء فيها خلته يفسخ الخطوبة
والثانية قريبته نفس الشي بس كانت منفتحه جدا
وهو شارد من الانفتاح ويفكر كل البنات منفتحات وعشان كذا متعقدد
اتركي عنك الوسواس .. والله يخلي لك ابوك
وعني مثل فرنسي يقولً:marches tout droit tu trouveras un roi qui te dirai je serais toujour pour toi
يعني:امشي معتدلة في سلوكك ستجدين امير يقول انه سيكون لكي الى الأبد
واذا ربي كااتبه من نصيبك بيجي
واذا ماجااء ماافي سبب الا انه مو من نصييبك
لا تقولي عشاان انا مطلقه
صديقتي مثلك بالضبط والحين مخطووبه لشاب اعززب
وماايبي غيرهااا