حبيباتي و اجمل العضوات
رغم ان المشاركه و التفاعل كان ضعيفه في موضوع الغيره الا اني نويت اكمل في سلسله هموم الامهات
النهارده هانتكلم لو شاركتم او هاتكلم عن مشكله الاكل
انا شخصيا بعاني جدا في اكل اولادي نور من صغرها مش بتحب الاكل و هيه عنده سنه و سنتين كانت مش بتاكل و لا حتي الشوكلاته و بعد الفطام اكلتها ضعيفه جدا اديتا فواتح للشهيه و مفيش فايده
ملقتش غير اني اشغلها عشان اعرف اخليها تاكل تكون بتتفرج علي التلفزيون مثلا و أاكلها و لو مش كلت اطفي التلفزيون وجابت الطريقه دي نتيجه كويسه بس معرفتش سلبيتها الا لما نور كبرت و راحت المدرسه لاني مش معاها او مش فوق راسها بمعني اصح هههههههههههه بتخلص السندوتش بتاعها بالعافيه و احيانا كتير بترجعلي بنصه و انا اتعصب من عدم اكلها و هيه ولا هيه هنا مش فارق
ولو كنا خارجين معزومين بره او كنا بناكل في مطعم مش بتاكل الا حاجه بسيطه جدا حاولت اخليها تاكل بكل الطرق التشجيع , التوبيخ , الحواديت , المكافات , و حتي الضرب و مفيش فايده لو سبتها و مش جريت وراها مش بتاكل خالص لما خايفه يجيلها انيميا من عدم الاكل دلوني اعمل معاها ايه انا خايفه عليها و في نفس الوقت عايزاها تعتمد علي نفسها
اما بقي الاستاذ مهاب فا هوه حكايه مهاب كان معتمد علي الرضاعه و جسمه دايما كان صغير عن اللي في سنه و مازال و فجاه فطم نفسه بنفسه بطل يرضع من صدري لوحده و كل ما احاول ارضعه يقولي يع كخ و ده و هوه سنه و اربعه شهور حمدت ربنا و بدات اخليه ياكل و اتعلمت من درس نور اني اخليه من الاول يعتمد علي نفسه كنت بقطع خبز و اسيبه في طبق قدامه كل مايجوع ياكا زي الفراخ و البط كده هههههههههههههههه كان بياكل شويه و بيلعب شويه و بدا يزهق من كل الاكل و مش بيرضي ياكل الا لو كان جعااااان جدا و رجعت تاني لموضوع اني اقعد بالطبق فوق راسه هوه و اخته و أاكل الاتنين طبعا بيشجعوا بعض و اخليها مسابقه و اشجع بس تفضل برضه مشكله اني لو مش باأكلهم مش بياكلوا
لو واحده عندها نفس المشكله تقولي عملت فيها ايه و عالجتها ازاي لاني تعبت من المحاولات
ياريت الاقي حلول و مشاركات يا حلوات و اسيبكم دلوقتي في امان الله
و ماتنسوني من دعائكم
يارب احفظ لي زريتي و عني علي حسن تربيتهم
ام نور و مهاب
حبيبتى كلهم هيك اولادى باول كانو مثل اولادك وهما سنه ونص لكن تعبت معهم الدكتور قالى اتركهم لحد ما يجوعو وهما لى يجو يقول لى ماما بدنا ناكل
وفعلا اولها ما هان عليا بس بعد هيك قالت ليزم اعمل هيك وسبتهم وفى الاخر صارو كل شوى ماما بدنا ناكل
وهقليت مش ملحقه عليهم مشائله اكل
بس تعبينى باكل الاخضار ومش عارفه كيف اخاليهم يحبوها
فعلا كل الاطفال مشاكلهم فى الاكل
انا غير متزوجة لكن اعرف بعض
الاشياء عن الاطفال
بالنسبة لأكل الخضار
قطعى انواع متعددة من الخضار قطع
صغيرة واسليقها مع المكرونة
بمعنى تخلط مع المكرونة ولاتبين عندما تؤكل
وبكدا تضمنى ليهم اكلها من غير ما يشعروا
اتمنى ان اكون افدتكم
دمتم
|
المشاركة الأصلية كتبت بواسطة حبايب ماما
 الله يخاليهم لك حبيبتى
حبيبتى كلهم هيك اولادى باول كانو مثل اولادك وهما سنه ونص لكن تعبت معهم الدكتور قالى اتركهم لحد ما يجوعو وهما لى يجو يقول لى ماما بدنا ناكل وفعلا اولها ما هان عليا بس بعد هيك قالت ليزم اعمل هيك وسبتهم وفى الاخر صارو كل شوى ماما بدنا ناكل بس تعبينى باكل الاخضار ومش عارفه كيف اخاليهم يحبوها |
شكرا حبايب ماما علي مشاركتك الغاليه و ربنا يخليلك اولادك و يفتح نفسهم اكتر علي الاكل هاكتبلك كام طريقه للخضار ان شاء الله تعجبك و تخلي اولادك يحبوا الخضار
دي بعض الاكلات اللي بيحبوها اولادي و كلها خضار يارب تجربيها و تحوز اعجاب الاولادك
خضار مع الرز او المكرونه
هاتي كل الخضار اللي بتحبيه زي بسله مجمده – فاصوليا بيضاء او حمراء مسلوقه – جزر مقطع قطع صغيره – بطاطس مقطعه مكعبات صغيره- كوسه مقطعه مكعبات صغيره – حمص مسلوق
حطيهم في طاسه مع شويه ميه يادوب الميه تغطيهم و حطي معاهم طماطم صغيره كامله (شيري طماطم او الطماطم الكرزيه) او طماطم كبيره شرائح و معاهم مكعب مرقه فاين فودز و شويه فلفل اوعي تحطي ملح المكعب فيه ملح كفايه و سيبيهم علي النار لما الخضار يستوي و يشرب الميه حطي معلقه زبده و قلبيهم لماتغطي الزبده الخضار قدميها علي وش الارز او المكرونه
شوربه العدس
مش عارفه تعرفي طريقتها ولا لا بس هيه مليانه خضار و مغذيه جدا
تحطي عدس برتقالي مع ميه و بطاطس متقطعه مكعبات و جزر مكعبات و كوسه و بصل و ثوم وطماطم متقطعين جوانح بس الكوسه ماتكتريها كفايه واحده بس صغيره و لما تنضج المكونات تضربيهم في الخلاط و خلي بالك تسيبيهم يبردوا شويه في الاول
بعدها تحمري بصله في سمنه او زبده مع شويه زيت و تحطي عليه الخضار المضروب في الخلاط و معاهم مكعب مرقه فاين فودذ او اي توابل بتحبيها علي الشوربه زي الهيل او ورق الغار و قلبيهم علي نار هاديه ولو لقيتيها سميكه القوام خفيفيها بشويه ميه و لما تغلي اطفي النار و حطي معلقه زبده علي الوش و قدميها الولاد بيحبوا
خضار سوتيه مع لحمه
كل الخضار الموسميه قطعيها مكعبات كبيره و لو بتحبي القرع حطي منه من غير ما تقشري القشره بتاعته و تبلي لحمه متقطعه صغير بالملح و الفلف و البصل و التوابل اللي بتفضليها و حطي اللحمه علي الخضار و سبيهم ليله في صنيه في التلاجه مع مراعاه انك تغطيهم عشان ريحه البصل ماتملاش التلاجه و تخلي باقي الحاجات اللي في التلاجه ريحتها بصل
بعد ما تبات ليله غطيها بفويل و دخليها الفرن علي نار هاديه لغايه ماتستوي اللحمه و قدميها مع رز
مكرونه بالصوص الابيض مع خضار
في حله اسلقي مكرونه و علي البخار لو عندك حله مناسبه اسلقي الخضار اللي بتحبيه علي البخار لو لا اسلقيه عادي باي طريقه تحبيها
في حله تانيه حمري 4 معالق كبيره دقيق مع 4 معالق كبيره زبده و معلقه زيت و لما يكون لون الدقيق بني فاتح زودي الحليب مع الخفق بمضرب يديوي حتي لاتتكون اي كتل و رشي شويه جوزه الطيب و ملح و فلفل و معلقتين كبار اي جبنه كاسات بوك او المراعي و افضلي قلبي لغايه ما تغلي
للتقديم حطي المكرونه المسلوقه و يفضل انها تكون نوع كبير الحجم و بعدين حطي عليها الصوص و علي الوش الخضار و ان شاء الله اولادك هايكلوها اكل و هاتدعيلي
شوربه الخضار
حمري اربع بصلات صغيره في زيت من غير تقطيع و لما تحمر من كل جانب حطي شويه مكرونه صغيره اسمها في مصر لسان عصفور و هيه صغيره قد الرز كده و لما تتحمر شويه المكرونه حطي الخضار المتقشر و المقطع مكعبات اللي تفضليها بسله بطاطس جزر كوسه او اي حاجه بتفضليها و غطي عليهم علي نار هاديه بعد 3 دقايق زودي ميه و مكعب فاين فودز او شوربه فراخ او لحمه و سيبيهم علي النار لما تستوي كل المكونات و قدميها مع عصره ليمون طعمها حلو قوي هاتحبوها كلكم ان شاء الله
دي بعض الطرق اللي بستخدمها لتحبيب اولادي في الخضار يارب تستفيدي منها انا بعتلك نسخه منها علي الخاص لو مش دخلتي موضوعي تاني تقدري تقريهم
و تقبلي تحياتي
انا كنت بعاني مع اولادي
بس الحمد لله استعملت طريقة حلوة خلتهم ياكلو كل الاكل
صرت اعمللهم اشكال بالاكل وفعلا نجحت معهم هالطريقة
شكرا الك يا ام نور ومهاب والله يخليهم الك ويحميهم
|
المشاركة الأصلية كتبت بواسطة ام نور و مهاب
حبيبتي حبايب ماما
دي بعض الاكلات اللي بيحبوها اولادي و كلها خضار يارب تجربيها و تحوز اعجاب الاولادك خضار مع الرز او المكرونه شوربه العدس خضار سوتيه مع لحمه مكرونه بالصوص الابيض مع خضار شوربه الخضار حمري اربع بصلات صغيره في زيت من غير تقطيع و لما تحمر من كل جانب حطي شويه مكرونه صغيره اسمها في مصر لسان عصفور و هيه صغيره قد الرز كده و لما تتحمر شويه المكرونه حطي الخضار المتقشر و المقطع مكعبات اللي تفضليها بسله بطاطس جزر كوسه او اي حاجه بتفضليها و غطي عليهم علي نار هاديه بعد 3 دقايق زودي ميه و مكعب فاين فودز او شوربه فراخ او لحمه و سيبيهم علي النار لما تستوي كل المكونات و قدميها مع عصره ليمون طعمها حلو قوي هاتحبوها كلكم ان شاء الله دي بعض الطرق اللي بستخدمها لتحبيب اولادي في الخضار يارب تستفيدي منها انا بعتلك نسخه منها علي الخاص لو مش دخلتي موضوعي تاني تقدري تقريهم و تقبلي تحياتي |
شكرا حبيبتى استفديت منه شكرا لك حبيبتى
الله يعطيكى الف عافيه