وقفت بأخر الشارع أعد الوقت و أنتظره
وانا شايل معي ورده وحلم وكلمتين عتاب
احرك عقرب الساعه وكدت اتسبب بكسره
وأنا احر منه مايحسب للثواني حساب
بغيته ينقلب فارس يسل السيف من خصره
ويقتل مابقى من وقت ويهدي قلبي المرتاب
ورجعت اشوف هندامي وارز الثوب والغتره
أبي اسمعه يمدحني وابيه يزيدني الأعجاب
احط شوي من عطري واحط شوي من عطره
لعله ينتشي مثلي ويفتح للمعانق باب
سرحت بجنة أحلامي أمنت لوقتي ومكره
وأثر نيته لي سودا وصدقه غادر وكذاب
وصحيت أناظر الساعه إذا هي عدت العشره
وأقول اش اخره عني علامه سيد الأحباب
بلومه لاحضر هالحين ويقوم يقول لي عذره
واطنش حيل واتناسى وأنا أحس أن فؤادي ذاب
جلست ارجع الماضي وإذا هو ماكذب مره
ولقيت أني أدور له اقوى من الاسباب
حبيبي انقضت ساعه وصبري انقضى صبره
وحلم انولد توه اشوفه في عيوني شاب
نشف دمعي وانا واقف ولا اظنه بقى قطره
ولعنته جفن مايقوى يقيد دمعي المنساب
ولجل ذرة امل بقيت نويت اجلس إلى بكره
لعله يذكر حقوق يبيها اقرب الاحباب
وقام الصبح متثاقل يجره في كسل فجره
يقلي اعتقد قلبك من ذنوب الانظار تاب
جمعت اشلاء دمعاتي وحفضته من عنا الحسره
وقمت ابكي على هم حفر في داخلي سرداب
صرخت أزهم على نفسي وش اللي باقي انتظره
مشيت وداخلي هم وحلم وكلمتين عتاب
.. وحيدة في زمن قاسي ..
كلمات رائعه عبرت بقلم انامل مبدعه
تقبلي مروري
كلمـــــــات جميـــــــلة جـــدا و بــــــــــوح مميــــــــــــــــز
سلمـــت على الأبـــداع عزيــــــــــــزتي
تحيــــــــــاتي لك