والدي احبك ولكن ..
السلام عليكم ورحمة الله وبركاته
اخواني انا عندي مشكله كبيرة مطيرة النوم من عيوني ارجو من الناس الكبار واصحاب الخبرة ان يجدو لي الحل
انا عمري 22 دوبي متخرجه الحمد لله شهادة وجمال واخلاق ومو ناقصني شي ابدا مشكلتي والدي قاسي جدا في تعامله معايا احسو مايحبني لا احد يقولي تتخيلي لا فعلا هدا الواقع مشكلتة بصراحه لسانو طويل حتى مع والدتي وهو اصلا من النوع العصبي يعني اي غلطة حتى لو صغيرة نسمع كلام جارح جدا واحيانا سب كبير مرا مهو حنون انا والله مرا خجلانة اني اطلع خصوصياتي بس لانو خلاص احس كل شي اتقفل في وجهي مو عارفه اتصرف معاه مو عارفه ارضيه مو بيدي مااحس باي مشاعر اتجاهه لا حب ولاكره علاقتي فيه جدا رسمية اتمنى يوم اروح احضنو ابوسه بس والله مااقدر في شي جواتي يمنعني بالرغم انه طيب ما انكر انه يخاف عليا بس مايعاملني كويس يعنو تخيلو والدي مايعطيني مصروف بالرغم انو غني وحالتنا المادية ممتازة جداا ومايقصر مع احد ابدا احيانا احس بالغيرة لمن اشوفه يحن على بنات الناس وانا لا وبصراحه والدتي هيا اللي تصرف عليا غير كدا دايما يقلي انا اللي سويتك لاتحسبك نفسك انك اتخرجتي انك كبيرة ليش شايفه نفسك انا اللي خليتك وانا اللي سويتك وانا وانا.الخ .. زمان لمن كان يعصب كنت احاول ابرر موقفي اجادله بأدب احاول افهمه وجهة نظري كان يعصب زيادة ودحين لمن اسكت وماارد يقول لماما ماكاني اتكلم مطنشتني ولاهي مسويتلي اعتبار احترت ياناس كييف ارضيه؟ احيانا على شي تافه يقلي الله لا يوفقك او الله يريحني منك ماتتخيلو دا الكلام ايش يسوي فيا كانو يرقع فيا باسلوب غير مباشر على موضوع الزواج ومره قلتله اصلا انتا يابابا احسك ماتحبني تخيلو ايش قال؟ قال بالحرف الواحد ايوا صح انا اكرهك والله العظيم احيانا انام ابكي واصحى ابكي مشهيه اترمي في حضنو خايفة يجي اليوم اللي ماالاقيه فيه انا احبه مهما كان هدا بابتي والله احبه احيانا اقول اكرهه احيانا مااحس بشي اتجاهه بس لسانه صعب وانا عصبيه واتحسس بسرعه ماحب احد يهينني من دون مااغلط يعني ازا غلطت استاهل بس من دون سبب ما اتحمل ياناس والدي قاسي بمعنى الكلمة مايبغاني يكرهني والله مني غضيبة لو اني غضيبة كان نفس الحاله مع مامتي حاولت اكتر من مره اتناقش بهدوء معاه وكل مره ينتهي النقاش بسبه كبيرة تخرجني عن طوري مانعني من الروحة والجيه ومن الوظيفه بحجة الاختلاط اوك ممكن خايف عليا مشيناها بس تخيلو والدي اي احد يكلمو بوظيفه يوظف بنات الناس وانا بنته ماوظفني بالرغم انو يقدر يوظفني في وظيفة مافيها اختلاط لانو واصل ومعارفه كتير والله العظيم انه يعامل زوجة اخويه احسن مني كانها هيا بنته موانا احيانااجلس افكر ايش الاسباب اللي تخليه كدا؟؟ ممكن لاني ماتزوجت الا الان؟؟ بس برضو احسه بسبب دعاه عليا ماتزوجت بالرغم انو مو ناقصني شي والف واحد يتمناني بس ليش حظي قليل مادري غير كدا انا اخاف الله بس دي الفترة مااعرف ايش اللي سارلي والله وزني نزل النص وجهي اصفر الدوخه دابحتني مني قادرة ارجع حياتي طبيعيه سرت انسانه تانية في الشكل في الاسلوب في التعامل الكل ملاحظ ويسألني عن وضعي ؟ احس نفسي مكسورة من جوة احس والدي خلاني انسنه شرانيه وعدوانيه بالرغم اني مو هادي طبيعتي ارجووكم ساعدوني لااحد يقلي اتقربي منه لاانو مانفع دا الاسلوب ومشاكله مع والدتي كوم تاني خايفه خايفة مو عارفه اتصرف ارجوكم شورو عليا.
ارضي والدك مهما كان راح يجي اليوم اللي تحني فيه للعقعدة معاه او بس تشوفيه ربي يحفظه لك
ما شاء الله عليكي لان انت اول ما بدات بعرض المشكلة حكيتي ابي العزيز .. وحبيبي
المهم انت بالرغم قساوتولسا بتحبي وهذا اهم شيء … لان بالرغم من هيك صبرتي علي وان شاء الله يفرجها عليكي
تحملي والله ما رح ينساكي