السلام عليكم
سبحانه دخلت بفضفض لكم لقيت نفس معاناتي بس هي عندها اخوان انا
لااخوان ولاخوات ويتيمة الاب مالي غير امي الله يخليها لي ويطولي بعمرها يارب والله اضيع بدونها الله يخليها لي
والله والله الوحده توجع القلب تبكي دم
انا الحمدلله على كل حال راضيه كل الرضى بس احيانا احتاج لاخت
اشتاق اتكلم اشكي لها
اشتاق تكون لي اخت تسال عني كل دقيقه
مشتاقه اخذ اختي بحضني واقولها الله يخلينا لبعض
مشتاقه اطلع مع البنات واقول اختي واختي واختي سوت واختي فدتيها
مشتاقه اذا اروح السوق اخذ اختي من لحمي ودمي مو اترجى الناس تروح معي ولا الاغلب ما يخلون بناتهم يرحن معي ليش لاني اروح مع سواق قولولي مين يوديني اجل؟ عم ولاخال اللي ماسالو
ااااااااااااه ياقلبي تعبت وتعبتني معك والله ان الدمع بعيوني هموم الدنيا كلها معي اااااااه يارب افرج همي يارب
بنات الله يخليكم ادعولي ربي يرزقني زوج صالح يكون لي اخو واب واخت وان الله يرزقني ببنات واولاد اشبع نفسي امومه واخوه
ماعاد فيه امل يكون عندي اخوه غير زوج واطفال بس ياترى فيه رجل يقبل ياخذ زوجه مالها اخوان ولاخوات ؟
اااااااه والله تعبانه حيل ودي اتزوج عشان انسى الاخوان ولاخوات يكون عندي زوجي
وودي اسمع منكم كلام يريح قلبي التعبان وودي تنصحوني اعرض نفسي لشاب صالح شيخ اوطالب علم
لاني ودي باللي يخااااااااااااااااااف الله فيني
دعواتكم لي تكفون ان الله يرزقني بالزوج والذريه والصحبه الصالحه الي تكون من خوات لي والله تعبانه الوحده تقتلني مالي صديقات كلنا لاهي مع اهلهم
مادري وش اسوي
استغفرو الله
وربي يرزقك بالزوج الصالح يارب
دعواتك لي
لكن انت ارضي بقضاء الله لك
واذا على موضوع انك تعرضين نفسك على شيخ او طالب علم انا والله ما ارضاها لك
لكن ممكن تخلي احد يتدخل رجل يكون كفوا ويعتمد عليه ويحفظ سرك هو اللي يدورلك عريس
وبكذا تكوني جنبتي نفسك الاحراج ولاتقللي من قدر نفسك ولاترخصيها
وانا اعتبريني اختك وانا اختك وترا اخوة الدين اقوى من اخوة الدم
والله نحبك من غير حتى ما نعرفك
اهم شي لاتشيلي هم وترا هذه الدنيا دار اختبار والى زوال
وتقربي من الله بالذكر والدعاء في جوف الليل وربي يفرجها لك
مووووفقة
الحمدلله رب العالمين الف حمد وشكر لله سبحانه
ربي كاتب لي هالشي والحمدلله
وبعدين الزوج ماله دخل عندك اخوات ولا لا ؟؟
ولا تنسين ان امك بعد وفاة ابوك ماتزوجت عشانك ماتبي تدخل رجل غريب على بيتها وبنتها
احمدي ربك لانها نعمه وفيها خير يمكن كانت عندك اخت لعينه ليل ونهار مشاكل
كل شيء فيه حكمه
تعرفي على صديقات حاولي يكون عندك هوايات وانتبهي من النت ومزالقه تراه شيطان
والله يرسلك ابن الحلال يارب
مافيها شيء اذا عرفتي الرجل الكفء وتيقنتي انه ماراح يفهمك غلط
او سجلي ب موقع ابن باز تراه ممتاز وتزوجوا كثير منه كانه زواج اقارب انتي مالك علاقه بالعريس يعني ماتتكلمين معاه ولا شيء هناك فيه مشرفين ومشرفات يدورون لك على الشخص اللي انتي حاطه مواصفاته ويتصلون عليك ويخبرونك اذا تمام يعطونه رقمك بعد مايوافق اذا مااعجبك يدورون لك على رجل ثاني
انصحك تسجلين فيه لكن انا سمعت اغلب اللي فيه متزوجين ويبون زوجات ثانيات لكن فيه عزابيه ومطلقين وو انتي جربي والله يوفقك