السلام عليكم ورحمة الله وبركاته
بنات انا عرفت من وحده قريبتي عن هالمنتدى وانكم تتفاعلون مع المشارك وبصراحه مشكلتي مو مشكله ولكن ودي اقولها لاحد لاني استحي احد يعرف عني هالقصه الصبيانيه 
قصتي بدت يوم نقلت للرياض مع اهلي وصرت اتمشى مع قرايبي في الاسواق
قبل ثلاث سنوات رحنا لمول قريب لم بيتهم وشفت واحد بالاول ماكنت معطيته بال لكن صرنا كثير نتردد عالمول هذا بحكم انه قريب من بيتهم وبعد فترة ومره بعد مره تعلقت بشوفته وماخليت احد يحس بمشاعري تجاهه ولا بينت للولد شي لكن قبل سنه وفي شهر رمضان الماضي كانت اول مره يكلمني ومن خوفي وكنت مره مستحيه ماعرفت وش اقول او ارد ولاحظ هالشي فيني لما دمعت عيوني وبكيت وبعدها صار يقولي كلام وحاول يرقمني ورغبتي في اخذ الرقم كانت قويه لكن خوفي من ربي كان اكبر 
بنات كل ماجلست بروحي اتخيله معي واذا جلست مع خواتي او قرايبيني اتخيله يدق علي واجلس اناظر جوالي مع انه ما يعرف رقمي بس صرتاهوجس به
عرفت اني احبه وقطعت امكان لكن شعوري تجاهه يزيد صرت اصحى من نومي اشوفه جنبي واتخيله يقولي كل شي تحلم فيه البنت
وبعدين افوق مالاقيه ادري انها احلام يقظه وكل هذا الحكي لكن تخيلوا اغلط قدام امي وخواتي مره او يزل لساني بدون قصد بأحد احلامي ويشكون فيني
والله ماكلمته ولا اعرف غير اسمه
قطعت المول كله ووخرت عنه عشان لايصير له طاري في راسي وبعدين رحت قبل العيد وبالصدفه عرفت انه فصل او نقل مدري اهم شي راح من المول
ومن يومها مصدومه
وضايقه وحزينه وابكي
وكل مادعيت اقول ربي عفته عشانك لكن مشاعري متحطمه
وش اسوي
كل ليلي استغفار وكل ماذكرته تعوذت من ابليس
لكن صرت اشوفه بكل مكان احس اني بنجن
بديت اكلم نفسي
واخاف اقول لاحد من خواتي تقول هالحاله ماتجي الا اذا بينكم شي اعرفهم بدو مومصدقين ان كل علاقتي به خيال
ملاحظه كل اللي في السنتر يدرون انه يلاحقني من ادخل الين اطلع وكذا مره حاول يسحب اخواني اصغار والسواق واخر مره رحت مع اخواني سال السعودي اللي مستلم المكان اخوي الصغير يقوله ليش ماصرتوا تجون مثل اول وقاله الفضيحه اختي ماتجي هنا تروح لفرعكم الثاني قال اذا عشان فلان ترى راح 
ابي انساه وبنفس الوقت ادعي ربي يجمعني به
وش الحل
هذا شيطان وتصورلك في صورة انسان 00ولا تستغربين في من الانس من هم اشر من الشيطان نفسه
واحمدي ربك ليل مع نهار انه نجاك من هذا الشيطان
صدقيني لو طاوعتي شهوات نفسك لكنتي الآن في مصيبه لا يعلم نهايتها الا الله سبحانه
هذولا الشباب عزيزتي لا يتواجدون الا في هذي الاماكن ليس حبا في العمل ولكنه المكان الوحيد الذي تتكاثر فيه طرائدهم 00نعم طرائدهم 00لانهم وللأسف اصبحوا يتعاملون مع بناتنا على انهم طرائد ويتمنون افتراسها والنيل منها ولكن نسأل الله العلي العظيم ان يرد كيد كل ظالم وعابث بفساد بلادنا في نحره
فإن فساد بناتنا خسارة عظيمه لبلادنا
كلما احسستي بشعور الشوق لهذا الشيطان تعوذي بالله وقومي توضأي وصلي 00وادعي ربك انه يثبتك على دينك هذا قبل كل شيئ 00يعني لا تقولين يارب اجمعني به ولكن قولي يارب باعد بيني وبين خطاياي كما باعدت بين المشرق والمغرب فانما هذا شر قد انجاك رب العالمين منه سبحانه ما الطفه وما ارحمه بعباده الضعفاء
الله ييسر امرك حبيبتي ويصلح شأنك كله 00وربي يعني وانتي على حُسن عبادة الرحمن وطاعته وشكره وحمده
الله يعوضك خيريارب
وربنا يرزقك باللي أحسن منه ويصونك
واكيد انت كنت تروحين المول عشان تشوفينه .. صح
وبنفس الوقت خايفه من ربي وبنفس الوقت ماتبغين تخصرين هذا الشعور المتبادل
لكن … بعد فتره بترتاحين لانه راح لانه هالشي اكيد غلط
وكل ماجاء طاريه في بالك حاولي انك تفكري في شئ ثاني
والله يرزقك الزوج الصالح
وقاعد يقول الحمدالله ماعندي أخوات شفتي شلون ياقلبو يضحكو عالبنات
وبسألك بجديه هل بتثقي فيه مستحيل
مثل ماعرفك راح يعرف غيرك وهذا بس الشيطان يزينه
لك ويوهمك بأنه يحبك بصراحه أشجعك ع قوتك لأنك ماكلمتيه
حبيبتي حاولي تنسي
وخلي ببالك إنه كذاب
صلي كثير وإدعي ربي لاتجعل في قلبي أحد غيرك
أسأل الله أن يشرح صدرك ويغفرذنبك
تقبل نصحي ولك أحترامي