السلام عليكم حبيباتي العسولات مبارك عليكم شهر الرحمة والمغفرة
أول يوم رمضان كنت تعبااااااااانة كتير كتير أنا وأمي وما قدرنا نحضر شي للفطار
وبالصدفة كنا جايبين جوانح وغسلتهن بكل صعوبة على قد مو تعبانة
بس خطرلي هالأكلة الطيبة كتير وأتنشطت وحبيت أعملها
وأشارككم فيها
المقادير
15قطعة جوانح
3حبات بندورة
3حبات فليفلة
3حبات جزر
3حبات بصل وسط
كيلو بطاطا
ملعقة دبس بندورة
ملعقة دبس فليفلة
5ملاعق زيت زيتون
ملعقة كزبرة يابسة
ثوم مدقوق حسب الرغبة
بهارات بروستد
شوية ملح
ملعقة صغيرة زنجبيل مطحون
واذا حبتو تخلو اللون أصفر ضيفو شوية كركم
وأهم أهم الشي ملعقة صلصة صويا يلي بتجيب كل الطعم والنكهة الطيبة
ملاحظة :المقادير ممكن تعملوها على ذوقكم حسب ما بتحبوا مو ضروري تتقيدو تماما فيها
خصوصا كمية الخضار
الطريقة
نفرم الخضار حسب رغبتنا بس ما ننعمها
نفرم البطاطا لشرائح وسط
نخلط كل البهارات ودبس الفليفلة والبندورة
ونقسم التتبيلة قسمين
نخلط البطاطا والخضار ونتبلها بأول قسم
بعدين نتبل الجوانح
نحط بالصينية الخضار من تحت والجوانح من فوق و
وبصراحة أنا فرني كهربا وطولوا شي ساعتين
ساعة ونص بالسلوفان ونص ساعة بلاه حتى يتحمرواواذا بدكم تحمروا الخضار كمان
شيلو الجوانح شوي على طرف وحطوا الخضار بصينية لحالها شي نص ساعة
انشاء الله تعجبكم
وألف هنا وشفا
وبعد ماطالعتو من الفرن
سفرتي البسيطة جدا جدا
قلتلكم انو ما قدرت أعمل شي تاني
شايفين أديه معذبة حالي ههههههههه
لا تنسوني من ردودكم الحلوة
ويوفقكم ويتقبل منا ومنكم
بس اختي ام رقة والله راح عن بالي قصة المسابقة
الظاهر راحت علي 
مرة تانية انشاء الله
بحبكم بالله
لا تآخذوني اذا ما قدرت ارد على مواضيعي
لأنو القصف والقتل والضرب عنا شغال
الله يفرج عنا
دعواتكم حبيباتي
تستاهلي احلى نجوم~~
بس ياريت المرة الجاية تكتبي اسمك واسم المنتدى على الصور
الله يفرجها علينا يارب
الله كريم…
الله يحمي سوريا الحبيبة