السلام عليكم
بقولكم مشكلتي على طول وحطوا مكانكم بدالي اناجمالي متوسط بس ماني قبيحه والله
المهم خالي قال لولده بنزوجك فلانه (اللي هي انا)قال ايش تبيني انتحر اخذ هالبومه اللي هي انا الكلام وصلني مثل الصاعقه الكهربائيه والله ثم والله ماحلفتوني اني كرهت نفسي وجاني ضيق بس حاولت اشغل نفسي بالدراسه والحمدالله
الحين بتسالوني كيف وصلك الخبرتخيلوا كيف هو عاد خطب وحده تقربلوه وتزوجها وقالها الكلام يقولها تدرين لو اخذت هالبومه تدرين ويش يصير راح انتحر وهي عاد انبسطت بالكلام اخذت الكلام وقالته
في مجلس فيه 30 حرمه وتقوله وتضحك وانا لماقالته انربط لساني
والله ماعرفت ارد تيب اذا انا موعاجبته مايحتاج يشهرفيني ويقول اصلا
اتحدى اذا فيه احد بياخذها ويضحك حسبي الله عليه وربي انه زوجته
مو حلووه بس علشان الحسب والنسب ,انا ماهمني والله بس السالفه
للحين اثارها ماراحت لدرجه
انه واحد من جماعتناامه قالت له ابخطبلك هالبنت قال لا الاولاد في الاستراحه يقولون شينه حتى عند الرجال ماسلمت منه شوه منظري في كل مكان حسبي الله عليه
وهو الحين متزوج وعنده ولد ومبسوط في حياته وانا اتعذب والجرح ينزف في قلبي انسى وارجع اتذكر وابكي
يارب انتقم لي منه يارب ينجرح زي مانجرحت في حياتي
ابي ارائكم شورو علي
وان شاء الله يجيك سيد سيده
والمفروض رديتي على زوجته وقلتي اللي مايطول العنب حامض عنه يقول
ولوبعد رجعت وقالت هالكلام قولي حبيبتي اصلا انا ماراح أخذ زي هالأشكال
وعليك بالدعااااء ان الله يرزقك بالزوج الصالح عاجلا غير آجلا
واعرف وحده رفضها ولد عمها وقال عنها انها سمينه ماابيها وهي حلوه ومعلمه وماشاءالله تزوجت واحد يموت فيها وهو حياته بؤس مع زوجته
اهتمي بنفسك وبشكلك ولبسك وبمكياجك وبنظاره وجهك وماعليك منهم
اسأل الله العظيم رب العرش العظيم أن يرزقك وييسر أمرك ويفرج همك
وش لك بزواج القرابه
والله مامنه الا الهم
يدوسون على كرامتك
شوفيني متزوجه من قريب لي وربي معذبيني تعذيب
وزوجات حمواني من برى العايله وربي شايلينهم على راسهم
المثل يقول خلك بعيد وحبك يزيد
احسلك تزوجي من بعيد
ماعندو ذووووق ياحياتي طنشييييييييييييه انسي الي قاله
خليكي واثقه من نفسو هذا رايو
الناس ااذوااااق
بس والله مايستاهل دمعه من دموع القمر ياقلبي صح ان هوا حيوان
بس انتي خليكي قويه ولو اني مثلك والله ما ابكي علشان ما اخلي نفسي ضعيفه
ولا تخليه يهز ثقتك بنفسك وانت ربي راح يسهلك واحد يسعدك ويحس بقيمتك وانتي باتشوفي
وانشاءالله تكوني اسعد انسانه في الكون
الله يوفقك ياقلبي
وخليك واثقة من نفسك مايهمك بس استغفري بنية اي شي تبينة
وبالتوفيق
وكوني متـأكده انو بيوم بينقـآل كذآ على وحده من بنـآته
وبذآكَ الوقتَ بيجي يعتذرلكَ
واحمدي ربكَ انكَ مـآاخذتيه تعرفي ليش ..؟
لـأنه مافيه خير لـأهله اذا انتي قال عنكَ كذآ كيف تتوقعي إن فيه خير
وربي بيعوضكَ احسنَ منه .. مـآتعرفي يمكن نصيبكَ واحد قمر 14 وقلبه ابيض
بتقولي بوقتها الحمدلله اني مـآاخذت ذاكَ القرد ..