صارت من صدك باعــوك الانـــذال
ذوله بلا شرف لاغيره لا نامـوس
يردونــــك حبيبــــي تعيش بحــــزان
مثـل واحـد مكظـي العمـر محبـــوس
تعبان الشعب والنــاس ماتت جـــوع
وجيوب الاجونـه مترســه فلـــــوس
من ماي ونفط من كهربــاء محـروم
شعبك يالعراق مرافــك الفانـــــوس
واذ واحد حجه وكـــال اني مظلـــوم
مابين الضحايا تشوفه مكنـــــــوس
عدنه الموت صاير مثل شربت ماي
تحجي تموت تسكت تبلع المـــوس
وانواع المصايـــب كلها مرت بيــك
حتى الجثث عدنه مكطعه الــروس
الي يحب بشرف هذا الوطن ميعيش
يحسبونه عميل وخاين وجاســوس
تظل لياوكـــت تهمل دمعهــا العيــن
واحنه لياوكت بس عالمنايا اندوس
كلــي شوكت ثارك ينوخذ وتكــــوم
واشوفاً بيهم انه السيف مغــــروس
ولك يابو الحظــاره وتالي ويــــــاك
بيرك بس قهر ودوم متــــــــروس
انته امنـه وابونـه وانته تاج الراس
منــــك وحــــدك نتعلـــــم درووس
لــو ماتو الف والفيـن فــدوة نكـــول
بس المهـم انتـه بربنـه محـــــروس
يعطيكٍ العافيه.
حبي كلمات روووووووووووعه
سلمت دياتك حبي
عاشت ايدج ع قصيدة حبي