وربي مابكت عيني على شي فقدته وراح
وربي مانزل دمعي ولو حتى على شاني
وربي ماشعرت بيوم صدري ضاق بي أو صاح
كثر ماضاق هالمره وصاح حرماني
وربي ماعرفت ان الدموع اذا بكيت ارماح
الا بعد منهو غيابه حيل بكـــــــــاني
ما عاد لي حيله على ملك الأشواق
مشاعري و أشواق قلبي ملكوني
الشوق بلوى و الشوق صار سراق
ويمك أحاسيس المحبه دعوني
مشتاق لك مشتاق مشتاق مشتاق
لكن ظروفي عن لقاك ابعدوني
يـا رب طمنـي علـى غالي غـاب
إبطي و أنا اللي مـا أتحمـل غيابـه
في غيبته ما شفت راحة و لا طـاب
لي في حياتـي شـئ كلـش تشابـه
هو مطلبي من دنيتي أغلى الأحبـاب
و هو ضحكتي جعلـي فـداه بشبابـه
و أن كنت ابكتب حزني اليوم بكتـاب
بكتب له العنـوان دمعـة غيابـه
مالوم قلبي لإنتفظ عند طاريك
ومالوم عيني لابكت ياغلاها
ياليتني قاعد قبالك وإحاكيك
ووصل النفس الحزينه مناها
باختصــــار
ياما حسدت ربعك اللي حواليك
بالشوف يوم الله بقربك عطاها
كل اللي يكفيني بعمري لحظتين
لحظة أشوفك و أختنق من عبرتي
ولحظة أبادلك الحنين
وأشتاق لأحلى لحظتين
وأشتاق أنا في هالحياة لكلمتين
كلمةأحبك نفسها بس مرتين
حاكني بأقوى تعابيرالكـلام
للفرح باسلوب تكفى دلـني
وضمني بأدفى مراسيل الغرام
ومن شتات الوقت يمك لمــني
خلني طفل على صدرك ينــام
غير قـــربك يالغلا ماهمني
محبوب روحي منك روحـي عليلـه
ارفق ترى قلبي مـن الشـوق مبلـي
مجنون في روحك وروحـك بخيلـه
انـت الهنـا والشقـا والتعـب لـي
مدري دريت انـك معـي كـل ليلـة
او اني اشوفـك معـي بيـن أهلـي
ان غبت عني فيـك روحـي عليلـه
وان جيت لك خذني على قـد عقلـي
قال الفراق وقلت ماني بقاويه
طـاري فراقـك زاد بالقلـب علـه
ياللي خذيت القلب مني ومافيه
ارفق بقلبـي يابعـد كـل مـن لـه
جيتك وانا شوقي يسابق خطاويه
شوق الخليل اللي فقد شوف خلـه
قاسي حبيبي جعل ربي يجازيه
وعسـى دروبـه كلهـا مسفهلـه
تحياتي لكم
^
^
روووووووعه يابنوته رآيقه ..
تسسلم يمينك ع هالقصيده ..
دعوآتٌ صآدقه بالتوفيق دنيآ وآخره .. > > >
ســــلمت انــــــاملـــــــك
ننتــــــــــظر جـــــــديـــــــدك
أبدعتـــــــــــي ..بصدق
أطيب أمنياااااتي لكـ,
تقبلي مروري
الشووق