انا إمراة متزوجة من سنتين ومعي طفلة زوجي
دائم الشتم والسب
والضرب من اول اسبوع بزواجنا والسبب امه هي
التي تقوده لكل
تصرفاته معي ويسمع كلامها وكأنها كتاب انزل
من السماء لدرجة
انها تتدخل فى كل امورنا الشخصية وعلاقتنا
بحجرة النوم
للأسف .. المشكلة بالمختصر المفيد ان زوجي لا
ينفق علي بما
يرضي الله وانا اعمل من قبل زواجي وقد جهزت مع
زوجي مسكن
الزوجية وتعبت فيه وصرفت كل مليم تعبت بيه فى
حياتي من يوم
ما اتشغلت على هذه الشقة وقد حملت اول مرة بعد
3 شهور من
زواجي ومكانش لية نصيب فيه وبعد كدة حملت
تاني لكن كانت رغبة
زوجي اني ما اخلفش عشان الخلافات اللي كانت
بيننا وحصل الحمل
والحمد لله وفرح بيه شوية لما امه انشغلت
بأبوه ومرضه عننا
وعن مشاكلنا فترة وبعدها ابوه توفي وانا حامل
فى الشهر
الرابع ومن هنا بدأت الضغوط والخلافات على
زوجي انه يرجع
ليعيش مع امه على انه الولد الوحيد لها وانها
بقت ارملة
ولازم يكون جنبها ومن هنا بدأت المشاكل
والضرب وانا حامل
والتلاكيك وكانت عاوزاني ارجع اسكندرية بأي
طريقة عشان تتحكم
فينا من على قرب وبمعني اصح فضيت ومش لاقية
حاجة تعملها غير
خصوصا انها كانت رافضة الجوازة دي بس زوجي
اصر علية بعد
مشاكل كتير وده التعارض اللي شفته منه ومع
ذلك وافقت
بالجوازة لأصراره علية رغما عنها ومن يومها
توعدت لي ومكانتش
عاوزاني ابدا اعيش سعيدة وتدخلت فى كل شيئ
وكانت فترة مريرة
علية اوي لدرجة اني فعلا بقيت اهرب من البيت
بحجة اني تعبانة
وفعلا كنت تعبانة فى حملي خصوصا اني كنت
بشتغل وبصرف معاه
على البيت وعلى نفسي لأنه كان رافض مبدأ ان
الست تشتغل
ومتصرفش على البيت
وفعلا عملت كدة وصرفت معاه وقولت اعدي الأيام
لحد ما اشوف
اخر امل من الجوازة دي طفل يملا علية حياتي
وينسيني المشاكل
دي كلها وفعلا رزقنا بمريم الحمد لله وكانت
فرحته بيها يوم
الولادة لا توصف وفجأة بعد الولادة بكام يوم
تغيرت كل
المعاملة بيني وبينه وبدأ يختفي بحجة انه
مشغول وعنده دروس
خصوصية فى البيت على العلم انه يعمل معيد
وكان عامل بيتي
مركز دروس خصوصية ومشاريع للطلبة ومش عاوزة
اقولك انه كان من
احد اسباب اختلافنا انه كان بيدخل له دخل
كويس من كل ده وكان
بيحوش على حس شغلي ومكنتش عارفة اخد حريتي فى
بيتي منه ومن
الطلبة وطول الوقت كنت عند ماما بحجة المشوار
وبعد المسافة
عني وعن الشغل والحمل والتعب ولحد ما اختلفت
المعاملة بعد
الولادة حسيت زي ما قولت لحضرتك بأنسحابه
مننا حتي لو طلبت
منه حاجة لمريم ومن هنا بدأت المشاكل وبدأ
يقوللي ارجعي
ارجعي بحجة انه عاوز يعيش مع مريم ابوته وانه
رافض قعادي
عندماما وانا كنت والدة قيصرية ورجعت بعد
مشاكل كبيرة وحلف
يمين طلاق ومن بعدها حصل ضرب ومشاكل وخناقات
ومحاضر فى
البوليس واخر مرة مشيت من البيت كان ضاربني
وبنتي على ايدي
مكملتش عشرين يوم والدم سايل علي وجهها اهل
جم اخدوني من
عنده واستنينا انه حد يجي ويسأل ولا يتأسف
ولا اي حاجة ولا
حس ولا خبر لحد ما انا روحت له البيت لقيته
مغير الكوالين
اتصلت وقولت له عاوززة ادخل بيتي وعاوزة هدوم
بنتي لقيته
بيقوللي لما اتنازل على القيمة بتاعتي على
اعتبار اني ممكن
اسجنه بيها ومرضيش يدخلني بيتي غير بتنازل عن
القايمة وفعلا
ده حصل عشان قولت يمكن يحن على النبت وعلية
ويتغير لكن كانت
لعبة وكشفها لي احد اصدقائه المقربين اللي
اتوسط بيني وبينه
اخر مرة رجعت فيها البيت وخلاني تنازلت عن
القايمة وقاللي
على فكرة جوزك بيتفق مع امه عليكي وعلى فكرة
احاولي تغير
الكوالين عشان ناوي يضربك ويطفشك من البيت
تاني وتبقي مالكيش
حاجة عنده بعد تنازل القايمة وفعلا حصلت
مشكلة كبيرة وتلكيكة
كبيرة بيني وبينه واتلكك يومها عشان امشي من
البيت بعد
الشتايم والضرب لكن انا كنت واخدة علية محضر
بعدم التعرض يوم
محضر استلام القايمة بتاعي خاف وجري واخد كل
حاجته لما قولت
له انت هتبات فى القسم لأنه ضربني وكسر
المروحة على ضهري ..
ومن ساعتها خرج وهو مرعوب كان فاكرني جري لي
حاجة وفعلا انا
غيرت الكوالين تاني يوم بعد عمل محاضر فى
القسم بكل اللي حصل
واهلي جم البيت عندي ومنعته من الدخول عشان
القايمة بتاعتي
جوة البيت وكمان عشان يطلقني لكنه رفض وفضل
ورايا بالتشويش
وتشويه السمعة على النت وبين الجيران لدرجة
انه عمل تمثيلية
على الجيران عشان يصدقوا اني انا واهلي
طردناه من البيت
ومنعينه من الدخول وبلطجنا عليه لكن ده محصلش
واللي حصل عكس
ذلك ومن يومها عمل محاضر ضد اهلي بأنهم سرقوا
مبالغ من البيت
عنده وانه سطو على البيت وغيرو الكوالين وان
امي عاوزة تقعد
فى الشقة واكتشفت بالصدفة انه باع الشقة فعلا
لأمه فى الجهاز
بتاع العبور وعرفت كمان ان امه جت وغيرت عداد
النور بأسمها
وعاوزين يطلعوني من البيت بطرد وهو هياخد
تمكين وطبعا اهلي
مشيو من الشقة وانا الآن لوحدي فى الشقة
واخاف انه يجي
ويتمكن ويطردني وانا كل حاجاتي بداخل الشقة
ومش معايا ورق
يثبت انه الموجود حاجاتي خصوصا انه ناوي على
السفر من قبل
كدة لأنه بيعمل ماجيستير وعنده منحه دكتوراه
وهو هيتمكن فى
خلال شهر قولولي ي الله يخليكم اعمل ايه معاه ومع
اهله دول
نصابين كبار وعاوزني اطلع من الجوازة دي من
غير هدومي لا ولا
بنتي ولا عارفة اركز فى شغلي ولا عارفة اعمل
اي حاجة ولا
القواضي جايبة تمنها لأنه بيروح ويدي بتوع
المباحث فلوس
ويغيرو الكلام المكتوب فى التحريات بتاعة
المباحث وده شوفته
بعيني وكمان خلي الجيران اللي فى اول دور
يشهدو ضدي اعلم ايه
الله يخليك قوللي ولو فكرة او اي حيلة اعملها
معاه انا عرفت
ان القانون لا يحمي المغفلين اللي زيي وسلمت
له كل حاجة عشان
اعيش لكن ده مش يبقي جزاءي عشان بنتي تعيش في
بيتها وتتربي
فيه قوللي الله يخليك كل حاجة هتضيع من ايدية
والوقت قذف
__________________________________________________ _________________________
لا أدري بما أفيدك فأنا قد زوجت أبني ورغم أني ربيته أحسن تربيه وأنا من أختارات العروسه بناء على طلبه وقد عجبني فيها حسن الخلق والبساطه .. ولكن لم لم يمر على زواجهم شهر أكتشفت الوجه الأخر للعروسه فكثير على ما يبذوا من النساء تحب أن يكون الزوج ملكها وحدها وهذه حقيقه ألتمستها بعيد عن قصتك ..
مع العلم بأني لست ممن يمشون أ,لادهم ولا أبني ممن يستمع للرأي الأخرلأني ربيته وعلمته الأعتماد على النفس في مواجهة مسيرة حياته وحل مشاكله بنفسه الأ في الحالات الصعبه التي نحس أنه بحاجه لمن يقف جنبه .
والمهم يا عزيزتي أرجوا أن تفكري صح فربما كانت وجهة نظرك تجاه أمه خاطئه والمرأة اللي تحب زوجها تحب كل من يحبهم وبالذات أمه فهذا فيه أجر لك وكسب قلب زوجك فهي أمه ولا أظن تكره ما يسعده .ولكن الغلط عندك تأسس من بذاية حياتك مما دفع بزوجك الى الوصول لهذه الحاله معك جربي تحبيه وتحترميه وترضيه ولا تخليه يسمع منك الا الكلمه الحلوه والنظره الحنونه فأنتي اليوم أيضا أم حاولي تتقربي وتفوضي أمرك الى الله وصدقيني راح تكسبي قلب زوجك وأم زوجك … الحياة مره واحده فعلى أيش خلق المشاكل والمهاترات ..
معرفش والله اقول لك ايه بس على الاقل انقلى عفشك من الشقةمدام مفيش اثبات انه بتاعك وطالما الشقة اصبحت باسم مامته وربنا يهديهم لك يارب
ومهما كان انتي زوجته وام بنته فليش كل هدا الشجار
واقراو عليها الاية لبتقول عاشروهن بالمعروف او فارقوهن بالمعروف
وحياتك مش رايحة توقف عند الشخص دا اكيد
وكان لازم من الاول تتصرفي صح لكن قبل فوات الاوان وقبل البنت لبينكم ما تكبر وتستوعب الحياة لانتم
عايشينها دي لازم تتصرفي صح اتكلمي معه بكل هدوء هو عاوز ايه منك وبلاش تدخلوا البوليس والنيابة
واتفهمي انتي وياه قبل ما تكبر البنت وتدمرا حياتها وتعيش تعيسة طول عمرها او معقدة
لازم تحلو المشكلة دي
واذا شفتيه انسان ما يخافش ربنا ومصر على غلطته
انقضي روحك وبنتك منه دي الوقت احسن من وقت تاني
تكوني انتي نفسك مش قادرة على حل اي مشكلة
وربنا يفك كربك ويوفقك في حياتك
الجئي الى الله و لن يضيعك