يا خواتي بنتي تبي . >< -تم الرد 2024.

السلام عليكم ورحمة الله وبركاته ..

شحالكم خواتي ..؟! ان شاء الله بصحة وعافية ..؟!

الصراحه اناا عندي مشكله وياا بنتي الوحيدة , الحين هي عمرها 12 سنه وان شاء الله العمر كله .. والحين صارلي 3 شهور وياها تعباااانه تباني اشترلها تلفون في يوم ميلادها وانا الصراحه وايد وايد اخاف عليها راس مالي هالبنت .. بتقولون يمكن ليش ماتوثقين فيها وجي بس الواحد يخاف على حسب مايسمعه عن مشاكل هالأياام .. بنتي يوم تسير المدرسة تشوف هناك البنات اللي وياها عندهم تلفونات وهي ماعندهاا فا من داخلها احسهاا تضايج وانا والله مب مقصره معاها في شيء اي شيء تبيه ويكون في مصلحتهاا اوفرلهااا ايااه ..

السموحه اني طولت عليكم بس بغيت اعرف رايكم عادي لو ف هالسن اطلع لها تلفون ..؟ ولا اترياا عليهااا .. !

المشاركة الأصلية كتبت بواسطة سكرزيادة والله ماللومك تخافين من هالقصص اللي نقراها كل يوم بقسم شووفي جيبي لها هدية غالية مفاجئة بدل الجوال وقنعيها الجوال بس بالجامعة بسلوب حلو وخلي ارقام صديقاتها بجوالك اشان ماتحسسيها بالنقص ودايم استودعي بنتك وهي رايحة للمدرسة ولاتنسين الارزاق تتقسم كل صباح قبل الاشراق اجلسي بسجادتس وادعي الله يحفظها ويستر عليها الله يحفظها دعواتك لي

تسلميين اختي ع المروور ..

ان شاء الله بس هي تكسر خاطري وانا احااول احميها من هالأشياء والمشكله انها يتيمه وماعندها خوات ولا اخوان و وايد تحس بالملل
الله يعين بس ..

آميين يآرب ..

انا ياقلبي شدني موضوعك لان سبحان الله انا نفسك بضبط
عندي ولد واحد عمره 12 وماعندي غيره ربي يحفظه لي ويحفظ بنوتك
ومن فتره شهرين تقريبا وهو مقوم الدنيا على راسي يبغي جوال
والله تعبت معه اروح له يمين يجيني يسار
المهم مااطول عليك بسالفه
بعد تفكير اشتريته له بس وعدت نفسي انه اكون مشدد عليه يعني اوقات معينه يستخدمه عشان اطمن عليه اذا ماكنت معه في المكان اللى هو فيه

وثاني شي بلاتوث مافيه عشان عيال الحرام في هازمن يخوفون ماتدرين ياوخيتي يرسلون حق العيال صور ومدري ايش وشغلات مايرضي فيها ربي

حبيبتي انا اقول اذا بتشتري لها اشتري لها جوال بدون بلاتوث
ولازم يكون في رقابه
ودايم دايم حاولي تنصحينها ان ماترد فيه على رقم ماتعرفه او تتصل على ارقام ماتعرفها
وهي دامها بنوته اكيد ان رجلك على رجلها اذا جات بتطلع يعني اكيد راح تكون تحت عيونك

المشاركة الأصلية كتبت بواسطة ……ريــــــــم… مرحبا اختى كيفك وكيف بنوتك عساها بخير وعافيه انا ياقلبي شدني موضوعك لان سبحان الله انا نفسك بضبط عندي ولد واحد عمره 12 وماعندي غيره ربي يحفظه لي ويحفظ بنوتك ومن فتره شهرين تقريبا وهو مقوم الدنيا على راسي يبغي جوال والله تعبت معه اروح له يمين يجيني يسار المهم مااطول عليك بسالفه بعد تفكير اشتريته له بس وعدت نفسي انه اكون مشدد عليه يعني اوقات معينه يستخدمه عشان اطمن عليه اذا ماكنت معه في المكان اللى هو فيه وثاني شي بلاتوث مافيه عشان عيال الحرام في هازمن يخوفون ماتدرين ياوخيتي يرسلون حق العيال صور ومدري ايش وشغلات مايرضي فيها ربي حبيبتي انا اقول اذا بتشتري لها اشتري لها جوال بدون بلاتوث ولازم يكون في رقابه ودايم دايم حاولي تنصحينها ان ماترد فيه على رقم ماتعرفه او تتصل على ارقام ماتعرفها وهي دامها بنوته اكيد ان رجلك على رجلها اذا جات بتطلع يعني اكيد راح تكون تحت عيونك وتحياتي لك

تسلمييين ع المروور .. يعطيج العافيه فديتج ..

ايواا زين تسويين تدرين احين افكر جي بعد بس اسمحيلي اختي يعني ممكن اعرف شو اخذتي لـ ولدج ؟ ربي يحفظه ويخليه ان شاء الله ..