السلام عليكم شلونكن كلكن يابنات اخباركن
بدخل على طول في موضوع امي من الحريم الاوليات متعرف لاتقرا ولا تكتب مو دارسه جاهله في امور كثيره خصوصا الدين عاجوز كبيره في عمر عاشت حياتها كله في الصحراء بدويه حنا ساكنين في هجره في الارياف مافي لا مدارس ولا شي في قريتنا مافي الا ابتدائي انا معاي شهاده سادس ابتدائي وكل خواتي التسعه مثلي المشكله ابوي تقول سحر عادي مابه شي وتدق دايم على سحارين نقوله حرااام تقول لا عادي اذا ابي اضر احد حرام اما اذا شي عادي حلال مثل سحر محبه بين زوجين حلال نحاول نفهمه بما انه جاهله تقو ل عادي غير كذا مهي حافظه الا سوره الكوثر والناس والحمدو لله هذلن بس متعرف تتوضى زين امي من القديمات على نياتها متعرف شي هل يجوز صلاته وتصرفته ولا الله يسحبه بعدين لانها جاهله ولا تعرف شي على النيه
مدري شسوي ممعه عجزت عنه عندي مشكله ثانيه ياخيواتي حنا تسع بنات ولا وحده بنا اعرست كلنا ماعرسنا للحين اكبر خواتي عمره 38 انا عمري 27 كل ماننخطب ابوي يعيي يقول مازوجكن الا عيال شيوخ انتن مو حي الله انتن بنات فلان وقف نصيبنا مع انه دايم يخطبوننا قبايل معروفه بس معيي يقول ماني اخواني العيال13 واحد كلهم متزوجين اصغر واحد عمره 18 زوجوه وحنا اكبرنا قربت تصك الاربعين وللحين ماخذت ابي مشورتكين وش نسوي عندي مشكله ثالثه خواتي وعماتي كل فجر يروحن يسرحن بالغنم ويردن قبل الظهر نكون انا وخواتي مخلصات الغدى مشكله حريم خواني مغير متستتات ياكلن ويشربن وينامن معادى صلفه ونشميه هن اللي يساعدننا والباقيات ميقعدن الا الظهر وينامن تالي الليل ولا قلنالهن ساعدننا اطبخن ولا احلبن الغنم يعين يقول ماني نخاف من الحيوانات عشتوو يسون انفسهن مثقفات غصب انا مقلت لخواني على تصرفاتهن والله لو اقولهم لا يقطعون العقل على ظهورهن مع العلم تريهن كلهن من قرايبنا وعيشتهن مثلنا بالظبط بس من خذن واعرسن سون انفسهن مثقفات ومايشتغلن انا عاد اليوم انفجرت عجزت امسك روحي قلت لهن انا ماني من عبدات ابوكن اطبخ وانفخ واقلط وانتن على بارد مبرد تاكلن عساكن ماتحدرنوه قلت بروح اعلم اخواني بس جت امي وعماتي حبن راسي قالن لي سامحيهن مانبي مشاكل شرايكن اعلم ولا لا شرايكن اخوي هكا اليوم جاب لي جوال ايفون هذا اللي انا اكتب الحين بوه طقن حريم خواني وماتن ممن القهر مدري ليش يحسدني على كال شي عاد والله يونس الجوال هذا مابه دقم لمس وهن خوالاتهن دقم منقهرات مني ان حقي لمس وهن لا وحده منهن قالت لي تبيعينوه بس عييت قالت لي اعطيس غويشه من غويشاتي ذهب بس قلت له والله لو تقوم جدتي مطيره من قبره ماعطيسك عندي مشكله ثاانيه ودي اكمل متوسط بس في هجرتنا مافي الا بتدائي والمتوسط اقرب مدرسه لنا تبعد ميه كيلو او اكثر وش السوات ابوي عيا يقول الحرمه مستقلبه مع رجله مع انوه دايم احب الثقافه ودايم اقرا كتب ومعلومات بس مهو راضي معيي وش اعمل بوه عيا بي انغبنت ونغثيت حيل والله اسمعني يخيواتي ابي مشورتكن تري انا اول مره اجي هنيا عندكن بس والله حلو هالموقع يالاقي مشاكل لخلق الله ويحله اليكن كلكن تحلن مشكلتي عطني مشورتكن تريني منغثه من البارح وماطب حلقي الاكل يوم من القهر انغبنت يخيواتي مو بيدي شسوي
انا خلصت كتابه مشكبتي حلوه لي زين ان شاء الله تنزلون موضوعي وانا بالليل راح اقرا ردودكن مع السلامه
المفروض ينقلون موضوعج لقسم المواضيع الفكاهية
بالنسبه لامك فهميها ان السحر بكل انواعه حرام وانه استعانه بالجن والشيطاين بغير الله وقولي لها احاديث عن الرسول ينهى فيها عن هالشي وانتي حفظيها قصار السور تكسبين فيها اجر
وشسمه اي حريم اخوانك مو بكيفهم يشتغلون غصب دام انهم عايشين معكم حالهم حالكم انتي كلميهم وقولي لهم اذا ما اشتغلو معاكم بتعلمين اخوانك وكذا
اي واقرأي يوميا سورة البقره واستغفري كثيير بتشوفين ان شاء الله الرزق والبركـه
اسأل الله ان يسعد قلبك ويرزقك وخواتك بالازواج الصالحين يارب
الله يسعد قلبك ويحقق احلامك
الوالده فهموها قولوا لها حرام وخلي العيال يقولونه لها حرام اما بالنسبه للوضوء والسور اللي تحفظها اغلب هالحريم الكبار زيها ويارب يعفو عنهم
بالنسبه لحريم اخوانك لازم يشتغلون وانتي قولي لهم والله لاعلم رجالكم
بالنسبه للزواج فخلي العيال يقولون للوالد لان الشيبان يسمعون لعيالهم واذا به احد يحبه خليه يكلمه
غيره الحريم واجد وماهو بالجوال وبس بيغارون من اشياء كثير والحمد لله ان رزق الناس ماهو على الناس
الله يرزقك انتي وخواتك باللي تتمنون ويزوجكم ويعوضكم
ادعيلي فديت قلبك
|
المشاركة الأصلية كتبت بواسطة كلمات دافئه
 الله يرزقني واياك وخواتك بالزوج الصالح يارب , وحرام عليه ابوك اللي يسويه فيكم من جد الله يعينكم يارب
|