مبارك عليكم الشهر مقدماً 
الله يبلغنا اياه ونحن بصحة وعافية.
قليل جدًا اللي ينحفون برمضان و89٪ يسمنون دبل اوزانهم فيه!
لكن هالمرة لا.. 
خلونا نتحدّ ونسوي رجيم وتخفيف بالأكل
منها ننحف للعيد ومنها صحة لأجسامنا
السنة اللي فاتت سويت دايت مع بنات هنا بهالموقع والحمدلله نجحنا
لذلك حبيت اعيد التجربة لحد ما أوصل للوزن المطلوب 
و اكتشفت ان رمضان هو افضل شهر للرجيم، لأننا نصف اليوم صوّام.
عالعموم هالموضوع راح يكون ليومياتنا من 1رمضان إلى ليلة العيد 
نقول ايش افطرنا وتسحرنا ووش اكلنا بعد التراويح واخر الليل و…الخ
وكل وحدة تقول الرياضة اللي تسويها ولو حبيتوا ارفقوا صور.
اللي تبي تشترك تكتب بالكومنت عشان نتشجع سوا ونتحدى بعض
والله يوفقنا جميعاً ويوصلنا للوزن اللي نبي
انا الحمد لله مابدي ريجيم
انا بعد ابي انحف 5 كيلو او 7 بالكثير بس
وان شاءالله بقدر، سجلت بنادي من بداية رمضان
وبكرة ان شاءالله راح ابدأ دايت وبكتب يومياتي
سواء فيه احد بيشارك او لا 😌