السلام عليكم ورحمة الله وبركاته
اولا : احب اقولكم اني سعيده بالأنظمام معاكم ف ها ذا المنتدى
ثانياً :احب اقولكم قصتي واتمنى من الله تعالى انكم تفيدوني بالشور الزين وتدعون لي بالفرج لو تذكرتوني
انا ف عمر 22 سنه ابوي رماني ع شايب اكبر مني ب 42 سنه عشت معاه 5 سنوات عذاب بمعنى الكلمة قذفني ف عرضي هوه وبناته ويشهد عليه رب العزة والجلاله انه ظلمني جبت منه ولد كنت انام بجوعي ومشاكل بناته وزوجته ليل نهار ماتنتهي واهلي ندموا انهم زوجوني اياه بس ابوي ماكان يبغى ياخذني منه عشان لايطلب فلوس وفي يوم من الايام جاب الله الفرج وتطلقت منه وعمر ولدي 3 سنوات ونص طوال فترة العده توسط بناس يرجعوني له ورفضت انا واهلي ارجع له وكان ينام عندنا ف الحوش لانه يشك فيه وانا عفيفه وبريئة والفجر يمشي وكان يدق ع جوالي ويرسل يقول اطلعي لي وكنت ابكي من حركاته القذره هاذي وكسرت شريحتي ف الاخير وبعد طلاقي بفتره تزوجت رجال اعزب وكان عمري 29 سنه ونص وهوه عمره 42 سنه وفرحت فيه ان ربي عوضني به وعوض صبري وعشت معاه احلى اشهرطبعا كان عاطل ماعنده عمل شهادته سادس ابتدائي ويصلي ف المسجد وكان اهم شي عندي افتك من الجحيم ف بيت ابوي خصوصاً اني مطلقه وفي نفس الوقت مامعاه زوجه ثانيه والرزق من عند الله تعالى طبعا طليقي جاء بيت زوجي يدور الولد لايكون اخذته يبغى مشاكل وانا وزوجي كنا مو موجودين طبعا ام زوجي م كانت تبغاني ولا طايقه تشوفني وكانت تجرح بالكلام قدام الناس ووصلت بها الجرئة انها تراقب كل من يجيني وتلحقه عندي تقول اخاف لايكون طليقك جاء يدور ولده ومره جات دخلت غرفة نومي تبغى تشوف عندي احد ا و لاء دايم تحسسني انها مو واثقه وكلام كثير الله يسامحها بس
بعد شهر من زواجي ناس جاو عند اهل زوجي وقالوا فيه وظيفة مراسل ومستخدمه لولدكم وزوجته لو حابين خلوهم يقدمون جاء زوجي وخبرني بهذاالوظيفه قلت له انا معك ع الحلوة والمرة بس عندي شرط اذا الفلوس بتسبب مشاكل يوم من الايام بينا انا مبغى اتوظف قال ابدا مستحيل تسبب بينا مشاكل قلت خلاص انا معاك طبعا ماخبرتكم انا عندي الثانويه ومعهد مهني بعد الثانوي وكنت دارسة فصل دراسي من الجامعه بس لما اتزوجت تركت الدراسه الفصل الثاني بس تنازلت عشان احمي مملكتي واوقف بجنب زوجي ف وظيفته وتوظفت انا وزوجي ومامدانا ف الوظيفه شهر قلت له ابغى اكمل الجامعه ووافق وكملت الجامعه من فضل الله تعالى وماعدى سنه ع زواجي الا بدت المشاكل زوجي كل يوم يبغى يفصل من الدوام ونجلس بالبيت وارجع انا بيت اهلي ننفصل ومو قادر يتحمل المسئوليه ولما كملت دراستي كل شوي يقول انك بتتخرجين وتسحبين عليه انتي المستقبل قدامك وانا مامعي شي واني متزوجته كواجهه اجتماعيه واحيانا يقول اني معطيته اكبر من حجمه مايستاهل الحب الي معطيته هوه ووضح لي انه معد يبغاني واني انا شايفه نفسي وماخذته مطب ع قولته يعني اني بتخلى عنه يوماً ماء وصار مهمل لصلاة وعصبي ودايم مريض من بطنه وصداع ع طول وارق مستمر مستحيل ينام زي الناس وكانوا حريم اخوانه يقولون ليه انه قبل الزواج ودوه اخوانه لراقي وقال ضروري يراجع عندي لاكنه رفض الرجوع للراقي بعد مرور سنه من زواجي بديت اراجع عشان الحمل وكنت اخذ منشطات وع حسابي وكان يجيني نزيف وقطع دم وحاله ورحت للممرخات وكانوا يقولون عندك حسد وماتم الحمل ولما وصلت رابع جامعه قال خلاص معد اتحمل لازم تحملين سوينا تلقيح صناعي وبغيت اموت حصل عندي استسقاء ووصلت المويه الحد الرئتين والكبد وتنومت وحملت لاكن للاسف الحمل كان ضعيف وماكمل ونزل وبعد الاجهاض ب 5 شهور حملت وانا مدري وفرحنا انا وياه وبرضوا ماكمل الحمل واجهضت طبعا الاجنه تموت ف بطني ماتكمل نمو والاجهاض يحدث ف الشهر 4واسترحت سنه وتخرجت وحتى كلمة مبروك ماسمعتها من زوجي ومشت الايام وجاء التثبيت ورفعت لي المديره وتثبت ع معلمة وزوجي ع بند المستخدمين وجاء تثبيتي ف مدرسة ثانيه وابتعدت عن زوجي ف مقر العمل وهو نقل ع ادارة رجاليه وبعد التثبيت ب 4 شهور طلع الاخ قرض وقال انا بتزوج تخاصمت انا وياه ورحنا المستشفى وسويت تلقيح صناعي وحملت ب تؤم وفرحنا لاكن ف نص الشهر الرابع طاح واحد من الاجنه والثاني طاح ف بداية الشهر السادس وبعدها اتسعت الفجوه بينا وكثرة المشاكل والتهديدات وبعد 5 شهور حملت وانا مو داريه رحت المستوصف مع اخوي وبالصدفه حللت وطلعت حامل ف شهر طبعا لان زعلانه من زوجي ماعلمته وهوه كل شوي يقول الدوره تاخرت يله حللي وكنت اطنشه قلبي مليان خلاص وصلت حدي منه بعد اسبوع من عرفت خبر حملي ضغط عليه زوجي وعلمته بحملي وفرح وكنت توني جايه من الدوام ونمت صحيت العصر وانا انزف وطاح البيبي واحبطنا والحين جالس يهددني لو جاء اجازة الصيف ماني حامل بيسوي حاجة مدري ايش يقصد ….
المهم ي بنات انا قبل فتره شفت كذا حلم حرمتين متزوجات زوجي وكلمت مفسر احلام وراقي وقال زوجك ممسوس وانتو عليكم بلاء من ليلة الدخله وكلمت راقي ثاني وعلمته بالاعراض الي ع زوجي بدون ذكر الحلم له قال نفس الكلام زوجك ممسوس طبعا زوجي لو يموت م يروح لرقاه …
الحين انا افتش لاب توب زوجي من 6 شهور ي بنات وجاي والاقيه يبحث عن تطبيق قانون الجذب لجذب شخص معين او لجذب فتاه ا و لجذب مايريد وطريقة تعلم السحر لجلب شخص معين او لجب مايريد ناقشته عصب عليه وحلف لو باقي افتح لاب توبه ان يوديني بيت اهلي وقال انه يسمع عن هاذا الشي فحب يستطلع لان مو مقتنع ان السحر حقيقه طلعاته كثير معد جلس ف البيت معايه وعصبي ومعد صار يقضي للبيت والحين حالف معد نروح أي مستشفى مستحيل يجيله عيال مني ويحلف انه مابيجي لنا عيال وانه بيتزوج قلت مشكلتنا روحانيه بالرقيا بحمل وبنملا البيت عيال ورافض احسه كاره العيشه معي ومو قادر يتحكم ف نفسه ..
للعلم قدامه يوميا اقرى القران او الاذكار يعصب عليه اصلي الفروض والرواتب والضحى واخر الليل قدامه عسى ربي يهديه مافيه فايده احثه ع الصدقه ادعيله لما يجيب لاهله شي او للبيت الله يكتب اجرك احسه ف عالم ثاني الرجال مو ف يدي بتقولون طيب ارجعي لبيت اهلك امي وابوي كل واحد ف ديره مبتعدين وولدي مع امي وابوي متزوج حرمه جديده وجايبه له 4 اولاد ولاعدهوا داري عنا اختي تزاعلت مع زوجها وجات عند ابوي اولاده بس يتكلمون ع اختي وتعايرها زوجت ابوي ويطلعون يتمشون ويتسوقون ويقفلون عليها بالبيت وحياة الله يزينها
اتمنى ي حبايب احد يفديني انا تعبانه من الوضع هاذا ومو عارفه اش اسوي وارجوكم تدعون لي انا الحين عمري 37
وزوجي 50 وليه 8 سنوات متزوجه ….
احس حياتي بتناهر وانا مو قادره اسوي شي …
وكلي امرك لله
ي قلبي شغلي سورة البقرة في البيت وحاولي تقنعي زوجك او خلي نفس الشيخ اللي
فسر لك الحلم يكلمه عسى ربي يهديه ويروح لشيخ
كرري حسبي الله ونعم الوكيل وايضا من اللهم من اراد بي سوء اجعل كيده في نحره
موفقه
والله ان ربي ارحم مني ومنك وهو سميع العليم البصير ثقي ان الله ما يضلم احد وثقي بان كل ما اصابك خيره لك..
حاولي تقنعين زوجك باسلوب لطيف او قولي لامه هي تقنعه يروح للشيخ وانتي لما تحملي ليش ماتروحي لدكتورة تعطيك مثبتات؟الطب تطور ياعيوني واكيد في سبب معين بيخل الاجنة تسقط
وانتي حاولي تحسسين زوجك انه هو كلشي فالدنيا حتى لايقول عليك شايفة حالك عليه ومدري شنو
بس اللي محيرني انتي كيف تتركين ابنك عند امك وتتزوجين؟ترة الزواج مو كل شي
والابناء فلذة الاكباد
الله يوفقك ويستر عليك
حاولي تعملي الرقية الشرعية لزوجك في البيت عسى ولعل تجيب نتيجة
موفقة بأذن الله
ولا تهتمي حتى لو تزوج لان المشكله منه مو منك وراح يلاقي نفس المصير مع زوجته الثانيه
بالنسبة للي تقول ليش ماراجع عند دكتوره عشان تصرف مثبتات انا من اول معرف بحملي ع طول يصرف لي الدكتور دافستون واسبرين وتحاميل السايكولجست وابر الهايبرين وابر ثانيه مدري اش اسمها زيتيه وراحه متمدده ع الفراش حتى ماطبخ ولا اشتغل بالبيت واشرب النشاء مع موية لاكن ارادة رب العالمين فوق كل شي ..
وولدي من فضل الله عليه مو ناسيته ع طول اكلمه وانا الي اصرف عليه ابوه طبعا مايصرف عليه ولايسئل حتى عنه عشان لاينفق عليه كل شي نفسه فيه جايبته له بلاك بيري ايباد بلايستيشن اكس بوكس اشرطه ملابس جزم اكرمكم الله فلوس لدرجة ان اهلي وقرايبنا يقولون بيتعبك لما يكبر كل شي موفرته له اطلعه الملاهي لما اروح لاهلي ف الاجازات ومانساه ف شي اتمنى من الله يصلحه ويهديه …
ومثل م ذكرت لكم ف قصتي العيشه مع ابوي تهجج الواحد من البيت قبل لاتزوج كنت بموت من المرض وابكي اطلب ابوي صرافتي عشان ابغى اروح المستشفى ورفض وتدخل اخوي الكبير واخذها منه ورحت المستشفى الله يسامحه يقول انتي مطلقه والمطلقه ماتطلع مع الباب وكل ماجاء عريس شايب رجله والقبر سوى مشاكل ف البيت يقول لازم تتزوجينه وكنت ارفض لحد ماجاء زوجي ووافقت عليه وكان ابوي مو مقتنع فيه حتى الحين لما نزوره صار زوجي يتضايق يقول ابوك يدق بالكلام يقول الواحد يتزوج يشوف يجيله عيال حسيت ان ابوي يكره يشوفني مع رجال لوحدي لازم يكون معه ضره واكون متنكده ….
اشكركم ي اخواتي مره ثانيه الله يكتب لكم الاجر والمثوبه …