بسم الله الرحمن الرحيم
السلام عليكم ورحمة الله وبركاته
اخواتي …………………. تحيه طيبه
نحمد الله جت على ما نتمنى …..
ومبروووووووووك لشاعر تميم خليــــــل الشبرمي هذا الفوز
قصيـــدته في المسااابقه…
OoOoOoO
لك جزيل التحايا والثنا والسلام
من خليل ابراهيم الناصر الشبرمي
الهويه قطـري والقبيله سنام
ودار جدي سميرا ولتميم انتمي
ربعي اللي على الدجال شذرة حسام
في صحيح البخاري واحمد ومسلمي
وباختصار العباره لا يطول الكلام
الجزيره ثلاث ارباعها محزمي
وما اعتقد من يهيم بحب ربعه يلام
كل حيٍ بناسه يفخر ويحتمي
الرجال مخبوره والبلد به نظام
لو سمعنا هدير ولو سمعنا رمي
لطول الارقاب سيف وللمناخر خزام
وللكبود المغله خنجرٍ حضرمي
زان بدع القوافي والطريق استقام
غردي يالحمام ويالغمام ارزمي
وياذلولي دفعتك بالسعه والزحام
زرفلي فوق صدر الجاهل ودرهمي
ما يميل الشداد ولانفك الخطام
لو يثور الكتام ودربك ملغمي
يا عميلي توقع واحذر الاصطدام
حيتك ذيلها والراس تحت اقدمي
وانتبه لا تجي بين الفضا والظلام
ننقش من الصخر وانت اكتب بمرسمي
وموترك دام دربه بين جرف وعدام
انتبه للرديتر ماه لا يحتمي
وكابتن الطايره لا قلع والاجوا عسام
لا تذكر هبوط الطايره يندمي
كل شيٍ له الله لا يهينك مقام
وحكمة الصمت حكمه والحكيم ابكمي
الآ نام احترمها تحترمك الأنام
وان حقرت الاوادم ما احترمك آدمي
يا ابن الاجواد جنب عن ملام العلام
لا تتيه البصيره والبصر ينعمي
يا ابن الاجواد صحصح لا يطول المنام
وخل الانوار تدخل كهفك المظلمي
العن ابليس وابعد يا بعيد المرام
السلامه غنيمه حظ من يسلمي
وبنكنا لا بغيت الصرف وقت الدوام
نصرف الشيك بالدينار والدرهمي
ولا نطق الكلبشه دام الامر اتهام
لين نلقا الدليل وبصمة المجرمي
من زرع تين شوكي ماجنا تين شام
وبكْرٍ العام جلدت هالسنه ترجمي
لا تعدى الحدود ولا تعض البهام
الله اللي بخلقه والعباد اعلمي
وكانها زله وزلت وراحت سلام
طعني ابعد ولا تنبش ولا تردمي
واعرف اني على العيّال شرس انتقام
وافهم اليعربي واترجم الأعجمي
تكرم ديار لاجل عيون يا ابن الكرام
وناس من شان ناس اتقدّر وتحشمي
ومن تبصر تعلم والليالي علام
والزمن مدرسه ودروس ومعلمي
والمواقف تجارب والعرب ما تضام
كم غشيمٍ فهم لوكان ما يفهمي
قال انا الذيب الامعط والخلايق نعام
وسن نابه وخلوه الرجال اثرمي
احذر العاقبه والعاقبه بالختام
تلعق الدبس والا تجرع العلقمي
وراعي الدين لامنه نوى الالتزام
سدده قصد قصد ودفعه مقدمي
وكان راسه عنيد وبالخطا مستهام
يضربه بالصفات ويشرب القلزمي
ان حكينا ندمنا وان سكّتنا حرام
تايه الراي لازم يردع ويلجمي
ولجميع القبايل بالفواد احترام
واحمد الله تعالى دامني مسلمي
oOoOoOoO
استمتعوا بالقصــــــــــــــــــــيده..تحيتي للجميــــــــع
والمواقف تجارب والعرب ما تضام
كم غشيمٍ فهم لوكان ما يفهمي
قال انا الذيب الامعط والخلايق نعام
وسن نابه .. وخلوه الرجال اثرمي
خطييير 
صَح لسَانه‘ ولااا هنتِ يَاقمَّه
إختيَار رائع
وصح لسانه وقلبه
يسلموووو حبيبتي
غلا الدنيــا…الله يسلمك..نورتي
ميلاف…الرائع ردك..سعدت بتواجدك
إحساس طفلة…الله يسلمك..الشبرمي يستاهل…نورتي
لكن من وجهة نظري التواضعة
أن ناصر الفراعنة كان الأفضل
ومبروك علينا شاعر متميز مثل الفراعنه يستاهل الاشادة بها
تقبلي مروي
خياااالة الشرق…صح بدنك….وجهة نظر احترمها..
**@ فااااقدة ابوهااا@**..ومبروك لبني تميــــــــم…. نورتي