مرحبا صبايا كيفكن؟؟؟؟؟؟
منفوت بالموضوع انا هالايام جاي علي سوسة كل دقيقة وانا على المراية ليش؟؟؟؟؟ حواجبي
وفكرت اعمل تاتو طبعا التاتو المؤقت….. مو المقصود الوشم…..
وطبعا انا لما برسم حواجبي بالقلم بعملها عالية شوي يعني من اخر الحاجب بطلع عن نفس الشعر وبرسم عالجلد
قالولي نصيحة جربي الداج ثابت وافضل نوع هو الطاوووس
استعملت الطاوووس ومامسك منيح وصار يعطي اطراف حواجبي لون اخضر 
بعدين قرات عن نوع تاني يلي هو الياباني وهي صورته
وكمان النتيجة بائت بالفشل وماضبط 
قرأت انه في بنات بالصبغة العادية بتعمله بس الصبغة مابتمسك عالجلد مظبوط المهم قلت مو خسرانة شي بجرب جبت الصبغة وبلشت التجربة
وهي صورته
متل ماتوقعت مامسك على الجلد الاشي بسيط 
قلت مارح حل عن حواجبي لحتى لاقي الحل …سألت وحدة بتشتغل بالنقش الحنة شاطرة وبتعمل حنة غااامقة عطتني كيس من الحنة تبعها تخيلوا ما مسك وصارت حواجبي لونها اورانج 
هههههههههههه
قالتلي جيبي من الحنة الاصابع اللي بالسوق قلنا يلاه منجيب جبتها
وهي صورتها
كمان عطاني لون كريزي كلور هههههههه برتقالي
اكيد مليتو مني ومن تجاربي حتى اهلي بالبيت ملوا مني هههههههه
بس لسه ماخلصت
جبت مصحح الحواجب كمان مامسك 
وصورته موجودة باخر صوره رح حطها بعد شوي
وكمان جبت قلم التاتو المؤقت صناعة المانية وهي صورته
ومن قهري عملت خلطة من كلشي سبق وحطيتها
شو بتتوقعوا النتيجة كانت 
كمان ماظبطت ولا مسك عالجلد منيح وللعلم انا بدي اللون بني مو اسود يعني بتوقع اسهل من الاسود
يابنات في منكن عملت تجربة ونجحت تساعدني تعقدت والله شفت بنات عليهن رسمات حواجب ماشاء الله كتيييييير حلوة
ولاتقولولي روحي على صالون تجميل لاني مابقدر 
بتمنى لاقي الحل بهالمنتدى الظريف مع البنوتات اللطفاء…تحياتي
او تستخدمي قلم الحواجب البني الغامق حتى لو شعرك اسود لانو موحلو الاسود ع الحواجب
او شدو بلاك براون لانو التاتو يكبر البنت ويقسي الملامح
انا بعرف الناس ترسم بالقلم او بريشة مخصصة للشادو
موووفقة
انا جربت تاتو مؤقت استخدمة بالبيت بعد المكياج و تغسلينة يضل اثر لة 3 او 4 ايام تقريبا و انتي الله يهديكي اذا خليتي التاتو لا تغسلي حواجبك بالصابون يعني غسلي وجهك و غسلي حواجبك بس بالخفيف ما اطول عليكي اسمة silver lady متوفر بالاسواق و سعرة مرة حلو 10ريال تقريبا و يجي على شكل معجون و معاة فرشاة يجي لونين اسود او بني غامج
انشاء الله راح يعجبك لاني جربتة
والصلاه والسلام علي أفضل الخلق وأهله وصحبه أجمعين
مشكورة أختي جزاك الله كل خير
ووفقك الي مايحب ويرضي
يمكن اللي جبتيه انتي احسن اذا انتي بجدة دليني على مكان جيب منه بتعرفوا عم فكر استعمل بويه تبع الاحذية في منها لون بني هههههههههههههههههههههه خليني جرب يمكن تظبط