صباح الخير كيفكن ياغاليات ان شاء الله بتضلوا بخير
كنت عم شوف برنامج طبي وكان موضوعه اخطر امراض قاتلة وصامتة
يعني لما بيصيب اي حدا ما بيعرف حاله الشخص انه مريض الا بعد فترة او ليكتشف فجأة او مصادفة ومن هي الامراض يلي يصيب النساء هو مرض
((سرطان المبيض))
الله يبعده عنا جميعا ويشفي كل مصاب فيه
هذا المرض من اصعب الامراض لان اكتشافه او معرفة المرأة انها مصابة فيها نادرا ما يكشف في اول مراحله
لان اعراضه تشبه اعراض تكييس المبيض
ويلي منها
1) ازدياد حجم البطن (بتحس المرأة انو بطنها عم يكبر بس ما بتعرف ليش)
2) الشعور بالانتفاخ الدائم (غازات) اعزكم الله
3) ألم في المعدة واسفل البطن واسفل الظهر الم في الحوض كله
4) الشعور بالجوع وعند الاكل الشبع فورا (يعني تحس المرأة بالجوع ولما تجي تاكل تشبع فورا مع انها اكلت كمية صغيرة جدا ولا تشبعها بالعادة
وهذا المرض في العادة يصيب النساء اللواتي فوق 35 او 40 سنة ولكن في حالات نادرة يصيب من هن اصغر سنا
المفروض ان لا نتهاون باي شي يخص صحتنا لان هذه الامراض منتشرة الله يعافينا ويبعدها عنا
هذه الاعراض المفورض من اي سيدة شعرت انه في شي غلط بجسمها تراجع الطبيب وتشرحله حالتها
بس الاعراض اخواتي لازم تكون مستمرة ولفترة اسبوع تقريبا حتى تبدأ تقلق السيدة وتروح للطبيب المختص
وانتبهو اخواتي مو اي طبيب بيكشف هالمرض اذا ما كان (مختص بامراض النساء)
يعني اذا راحت السيدة الى دكتور اختصاصه حمل وولادة والله مارح تستفاد اي شي ورح يقلها انه تكييس مبيض
عندي صديقة متزوجة وعندها 4 اولاد وعمرها ما تجاوز 30 كانت تشعر بمثل هذه الاعراض وكل ماتروح للطبيب يقولها تكييس مبيض
ويعطيها ادوية وطبعا هي ما تستفاد اي شي بالعكس تسوء حالتها تروح لدكتور تاني ويقلها نفس الشي او التهابات نسائية ومرة دكتور عمل لها عملية وازال لها تكييس مبيض مع المبيض (لاحول ولا قوة الا بالله)
وقتها تفاقمت حالتها وراحت لدكتور مختص بامراض النساء مش حمل وولادة بتفرق كتير الاختصاصات
وفورا اكتشف الدكتور انه سرطان مبيض وبدأ بعلاجها والحمدلله بدأت تتحسن حالتها ولكن خسرت مبيض بسبب قلة خبرة الدكتور يلي ما عرف يشخص مرضها وظنه تكييس عادي
واليوم صرلها سنتين ونصف بتتعالج والحمدلله في تحسن مستمر
((ملاحظة: في لقاح جديد لسرطان عنق الرحم واسمه h p v هذا اللقاح لازم كل امرأة تاخده وحتى الفتيات قبل الزواج للوقاية من مرض سرطان الرحم)) الله يبعد عنا وعنكم كل اذى
انا ما بدي اخوفكن اخواتي بس حبيت انبهكن لمرض ممكن ان يصيب اي امرأة وبدون انذار مسبق انتبهوا لصحتكم فاجسامنا امانة عندنا ولازم نحافظ عليها وما نهملها لان الصحة تساوي كنوز العالم الانسان يلي بصحة جيدة بيكون اغنى انسان في الوجود
ان شاء الله اكون افتدكم ونبهتكم لمرض خطير لازم ننتبه منه
والف شكر على الموضوع الرائع
|
المشاركة الأصلية كتبت بواسطة متجر جوري
 الله يبعد عنا وعنكم الشر يارب
والف شكر على الموضوع الرائع |
آآآآآآآمــــــــــــــــيـن يارب
مشكورة حبيبتي عللى مرورك وردك الحلو
جزاك الله خير
|
المشاركة الأصلية كتبت بواسطة نورالقرآن60
|
الله يخليكي حبيبتي مشكورة ياغالية
نورتي