محاولاتي في زياده الوزن والفشل الدائم مجابة 2024.

أولاً .. عمري 23 سنه طولي 162 وزني 43

محاولاتي في الزياده

المحاوله الأولى:
حبوب موسيغور صحيح تخليني اكل بشهيه بس تجيب النوم, ما ذاكرت اختبار بسببها.

المحاوله الثانية:
رحت لاخصائيه تغذيه وكنت اروح مع بابا مع ان عندنا سواق بس كان يبي يحمسني ويشجعني على الروحه
وسوت لي فحوصات وكانت سليمه الحمد لله مشيت ع الجدول وكل اسبوعين اروح لها ازيد كيلو او نص يعني ع حسب وفي النهايه زاد 3 كيلو
اخر مره رحت لها هي كانت بتسافر الخارج وبتطول وكان وقتها اختبارات المهم انها يوم جت تقيس وزني الا ناقص 3 كيلو يعني اللي زدته نقصته تحطيييييييييم بسبب ايش الاختبارات والضغط اللي علي.

المحاوله الثالثة:
شريت من GNC بودره اسمها weight gainer 2200 gold بالشكولاته يعتبر مكمل غذائي طعمه مو شين ينشرب بس مشكلته ثقيل ما يخليني اكل وجباتي كامله وقفته طبعا

المحاوله الرابعه:
حبوب سوبرافيت وبابا يشتريها لي لما نروح البحرين, هي موجوده بالسعوديه ولا لا؟ لاني سمعت انها مو موجوده فما دورت, وجباتي عادي اكلها كامله بس ما تخلي شهيتي مفتوحه ع طول وللحين استعملها.

وترا في محاولات بعد بس ذولا اللي طولت عليهم
المهم ولا شي نفع معي بلييييييييييييييييز شوفوا لي صرفه ترا انتحر هههه
ما ابي شي طعمه مو حلو لاني على طول ….. ما استحمل
وياليت يكون مده استعماله قصيره لان مافيني صبر
لا تقولون لي كثري اكل لان معدتي صغيره
لو في اكلات معينه تزيد الوزن فواكه خضار طبخه معينه قولوها
لو في حبوب تزيد الوزن بدون ما تفتح الشهيه يعني تنفخني يكون احسن ههههه

بابا نفسه يشوفني مو سمينه على الأقل جسم كويس حتى انا نفسي من جد