السلام عليكم ..
أنا عندي مشكلة خوف من حبيبي اللي تعرفت عليه عن طريق احدى المنتديات وكان اسلوبه جدا رائع ومحترم واعطاني ايميله لاعجابه بمواضيعي وياسلوبي بالمنتدى .. وتعرفنا على بعض كأصدقاء
وبعدها حسيت فيه يحبني بس مايبين الا ان تخرج منه بعض الكلمات
وانا ايضا احببت اسلوبه وكلامه هوأستاذ بالجامعه وأحببنا بعض كثيييرا واعترفنا بالحب ..
وطلب مني رقم جوالي ورفضت كذا مره الى ان وثقت فيه وبعدها طلب ان يراني عن طريق الكام وفتحت له الكام ايضا بعد جهد … ماكنت اتوقع بيوم اني بافتح الكام لأحد .. المهم صار اللي صار ..والحمدلله
انا واثقه فيه بس خايفه من الكام مع اني حلفته صورتي او سجلت اي شي .. حلف لي اني ولا عمري فكرت بهالشي ..
هو يبي يتزوجني بس انا عندي مشكلة قلت احلها اول وبعدها يتم الزواج
مااعرف هل ممكن يكون صادق بكلامه ويلا لا ؟
هل من الممكن يكون صادق ويطلب الكام والجوال ويلا هذا انسان يلعب علي ؟؟؟؟
انا اول مره امر بهالموقف ..
الله يعينك ويصبرك ويغفر لك ..
المفروض من البداية بعدتي عن هالشي ..
لأن ما حد يوثق في القريب فما بالك بالبعيد 🙂
وانا وحده أقولك مافي ثقه
ربي يحفظك
الله يهديج و يهدي الجميع
موفقة …
و كل بنت تتمنى تحب و تنحب
و تتعلق بأي واحد يقرب منها و يحسسها بارق المشاعر الي يملكه قلبها الدافي
ما عليش نحب
مو عيب
بس
العيب انج تكسرين الشرع باسم الحب
اي . .صحيح انج ما سويتي شي حراااام >> انج حبيتي !!
الغلط ,, انج تواصلتي معاه على الموبايل و عرضتي نفسج له عن طريق الكام
اي . .صحيح انج ما بينتي الا وجهج
بس
خلي نفسج مكان اخته و اهو يكون اخوج
و بيعرف انج تسوين جذي … بيرضى
لا حبيبتي
بعصب و بيقلب الدنيا عليها و لا يمكن يحرمها من الموبايل و الجلسة على النت
اذا يحبج بجيش لباب بيتكم
انتي قلتي ما تبينه يخطبش الا بعد ما تحلي مشكلتج
اوكي .. مو مشكلة
اقطعي اتصالات .. و لي حليتي مشكلتج . .خليه يخطبش
صعب عليج هالحل .. مو ؟؟
لا تخافين ان الله مع الصابرين .. و اذا يحبج بتقنعيه انه يصبر معاج
لانه اذا يبيج ما بخليج
مو لازم مكالمات .. sms تكفي
ملاحظة .. حطي في بالج اذا ما وثقتي فيه الحين .. شلون بتواصلين حياتج معاه ؟؟
و محد يقدر يجيب عن سؤالجج الا انتي ,, لانج اكثر وحدة تعرفي و تحسي بهالشي
و اذا الحب عاميج
اصحابج الكلوز .. بينصحوج لانهم اكيد يعرفو كل شي اول باول
تحيتي
بعدين قولي له يخطبك بسرعه
واذا تردد تراه مو جاد
والله يوفقك ياارب
ويحقق الي ببالك