السلام عليكم ورخمة الله
ابدخل بالموضوع ..
انا مطلقه
دق علي واحد على تلفون البيت ..يقول انه له صديق يدور على زوجه
زوجته متوفيه
المهم انا ماعطيته رد قلت اشوف افكر
عطاني رقم جواله ..انا ماعرفه ولا يعرفني
بعد كم يوم فكرت بالموضوع ..تسرعت ودقيت على جواله بحيث آخذ معلومات اكثر عن الشخص..وعطاني المعلومات اللي ابي
بس حسيت الرجال تمادى معي وسألني اسأله خارجهعن الموضووووع ..بس بسذاجه مني كنت اجاوبه ..وطلب مني اسوي اشياء بغرض انه يساعدني فيها مثل الوظيفه وغيرها
انا شكيت بالامر وحسيت الامر مريب وكنت اجاريه واقول ان شالله بس علشان ينهي المكالمه
قال ان الرجال اليوم بيروح يشوف له وحده واذا ماتم الموضوع رجعت اكلمك
انا حسيت ان المكالمه نفسها فيها شي غلط..واللي شككني انه عاد الاتصال مره ثانيه بعد نصف ساعه
وهو كان يقول راح ارد لك المساء
علما ان المكالمه الاولى اللي تمت خبرت بها اهلي
بس اتصالي به واللي صار بالمكالمه مايدري عنها احد
انا الحين متضايقه مرررررررره وخايفه وضايقه الدنيا بعيني من اللي سويته ..حسيت اني احتقرت نفسي مرررره
انامو من طبعي هالخرابيط والمكالمات ولله الحمد
احس اني مسويه جرم عظيم ونادمه جدا وخايفه
واذا دق ماراح ارد عليه ابد بس اخاف يصير له الشي عواقب
ياااااااااااااااااااربي افرج لي همي..واستر علي
والله احس الخطب جلل..
هل اعلم اخوي بالمكالمه ولا اختي ولا اسكت ولا ايش اسوي؟؟؟؟
هل الشخص هذا يقدر يسوي لي شي او يبتزني او يبلاني بشي
تكفوووووووووون انا محتاااااااااره مووووووت
اب الحل
ريحوني الله يريحكم ويحقق لكم اللي ببالكم
الله يستر علي وعليكم
ودام انتي ما قابلتيه
وكل تواصلك معاه كان بالتلفون
فما اظن راح يقدر ياذيك بشي
بس اهم شي اقطعين علاقتك فيه
ولا تكلمينه ولا تردين عليه
الزواج عمره مايكون بهاي الطريقة
وهدا الي راح يتزوجك
اكيد ماراح يقبل بوحده كلمت غيره بالتلفون
وخصوصا الرجل الشرقي معروف بتشدده وغيرته
ونصيحتي لو رجع يتصل فيه او يهددك
اعلم حدا من اهلك يحكيه ويوقفه عند حده
وربي يرزقك بولد الحلال ويصلح الحال
المفروض من اول مااتصل من الهاتف
ماعطيته وجه يعني مثلا كان قلتي له كلم الوالد او اخوي وبس
وماله داعي تااخذين معه في الكلام اصلا هو لو كان يبي الزواج
وشالف عطيته وجه من البدايه راح يغير رائيه فيك
بيقول اي واحد يتصل راح تكلمه عادي
طبعا انتي كانت نيتك سليمه لكن الرجال بشكل عام مايفكروا
بنيه سليمه مثل المراءه
اول شئ لاعاد تردين عليه او تتصلين عليه اقطعي علاقتك فيه
وثاني شئ لاتستعجلين بالموضوع وتقولينه لـــ.. اخوك او ابوك
حاولي تتكلمين مع شخص تقدرين تثقين فيه مثل امك او اخت اكبر منك
علشان لو حاول انه يسوي شئ يكون فيه احد واقف معك
واذا صار يتصل كثير او يرسل رسائل الخ
الافضل انك تغيرين رقم جوالك او تقفلينه فتره
ونصيحه يالغلا ترى مو كل شخص يتصل يقول بتزوجك
موشرط يكون صادق فيه ذائاب بشريه تحاول تسوي المستحيل
علشان توصل لغايتها
وبالتوفيق
عزيزتي ,,
اقطعي اي صلة بينك وبين اي شخص يتهاتف معك بالهاتف
ولا تتحدثي مع اي شخص كان
اذا احد يريد خطبتك تكون بالطريقة السليمة وليست هكذا ,,
| تكفوووووووووون انا محتاااااااااره مووووووت |
لما الخوف والرعب ؟؟ من اي شيء انتِ تخافين ؟؟
انا لم ارى شيء يستحق منكِ كل هذا
| بس اخاف يصير له الشي عواقب |
طالما انتِ موجودة في بيت اهلك معززة مكرمة لا تخافي من احد
الخوف من الله فقط ,, انتِ لم تفعلي جرم او ذنب هذا شيء بسيط
وقعتي فيه,, وكلنا نخطيء ولا يوجد احد معصوم من الخطأ
اهم شيئاً عدم تكررة
| هل اعلم اخوي بالمكالمه ولا اختي ولا اسكت ولا ايش اسوي؟؟؟؟ |
لا تعلمي احداً ,, وانسي الموضوع
| هل الشخص هذا يقدر يسوي لي شي او يبتزني او يبلاني بشي |
يا قلبي بماذا يبتزك هي مجرد مكالمة لا راحت ولا اجت
ملخص كلامك لا تردي على الهاتف مرة ثانـيــــــــــــــــه ,,
والله يسعدك ويوفقك في حياتك ,,
تحيتــــــــــــــــــي ,,