أسألكم بالله يا مشرفات تنزلون شكوتي جعلها تكون ذمة في رقبتكم الطبيب يجيب 2024.

السلام عليكم

يابنات اانا جاني ولد خالتي يخطبني هو اكبر مني ب 8 سنوات

تقولي امي انه شالني وانا صغيرة على يده وهو الحين يبي يتزوجني

انا عمري 16 سنة وهو عمرة 24 سنة بنات مهي هذي المشكلة

رفيجاتي شافوه وقالو عنه انه متين هو صج متين بس والله انه طيييييييييييييييييييييييييييييييييييييب وانا اعرفة بعد هو كله يحب اليهال ويحب يلعب معاهم وكلة يقول حق خالتي اللي هي امه انه لين يتزوج بشتري بيتين بيت حق عيالي "من كثرهم-يعني يبي اييب وايد يهال" وبيت لي ولزوجتي هو يمزح طبعا بس يعني يبي يقول انه يبي يهال وايد
المهم انه طيب وحنون وامي وامه وابوة واخوانة وكل العالم يحبونة
بس رفيجاتي يقولون لي انتي وايد حلوة وجسمج حلو والله ما امدح نفسي بس والله هم اللي يقولون لي جيه والكل يشهد لي وهو مب حلو وجسمة متين خالتي تقولي ان وزنة 120 وطولة 180 "ماشا الله هم عندهم خيير ما شا الله الله يزيد ويبارك عشان جيه هو متين " يا بنات هل في السمن تأثير على الرجال ؟؟؟ وهل صج انه يستحق اني افكر من ناحية الجسم ؟؟ هو اخلااااااااااااااق وذووووووووووق وطيييب ويطيع الله ثم ابوة وامة وعلى نياتة وانا اشهد له كذا موقف وقت الفزعة والرجولة رجال ووقت الاهل والغشمرة طيب وحنون ويفرفش لدرجة والله اني ما اقدر اقارن بين لين يكون في موقف رجال او لين يكون معانا يعني يعطي كل شي حقة

امانة بنات اذكرو الله ان دش فخاطركم

بس بذمتكم كل من تقرا ترد علي وتقولي رايها

ويسولفون لي عن ليلة الدخلة وقسم بالله انا جنيت خلاص ماعاد فيني عقل كله يقلبون لي راسي

انا مرتاحة كثير وهو يبي يملك علي عقب اسبوع من ردي عليه وانا قلت لهم عطوني يومين افكر عدل يعني اليوم وبكرة وبس