السلام عليكم ورحمة الله وبركاته
خواتي الغاليات /عشان مااطول عليكم بدخل في الموضوع على طول،،أنا استخدمت كريم (تقشير)وكان فيه نسبة واحد بالمية من الكورتيزون،،صحيح الكريم رائع وقشر بشرتي لكن سبب لي مشكلة كبيرة وهي :ظهور عدد هائل من الثآليل على البشرة في الوجه وفي الرقبة ،،وخاصة الرقبة /والله كانت نظيفة من الثآليل والآن صرت ما احب اناظرها ،،حتى الأطفال الصغار صاروا يقولون لي وش فيك كذا؟؟؟
وأنا ما اقدر اسوي على حسابي ،،لأني قبل فترة سألت دكتورة في الحبيب وقالت بتكلفك مبلغ و حاليا مااقدر عليه،، والكلام هذا مثل ماقلت لكم قبل سنوات ،،والحين أكيد بيزيد بسبب هذي الثآليل،،،
سؤالي/انا عندي ملف في مستشفى الملك عبد العزيز الجامعي بالرياض اللي في المربع،،كيف اقدر اسوي عندهم،،، وكيف اقدر احجز موعد في الجلدية ؟؟
واللي تعرف مستشفى غيره حكومي في الرياض تقوللي،،
اسأل الله لمن ترد(أن يفتح لها أبواب الجنة الثمانية وأن يعطيها فوق ما تتمنى)
1.عن طريق الطوارئ روحي لطوارئ بالمستشفى ((اي مستشفى حكومي ))وبيعطونك علاج على طول ويعطونك موعد عند دكور الجلديه ..افضل هالطريقه لانه بسرعه
او روحي وقوليلهم ابي موعد عند دكور الجلديه وبيعطونك كوعد بس المستشفيات الكبار المواعيد تطول بعد شهر ..
كان عندي اثاليل في اقدامي وفي كفي وتطلع لي كل فتره بس اخذلهم من الصيدليه مرهم وتروح لكن الوجه حساس يبغاله طبيب ..
أخواتي(يمامة القدس+زهرة الاركيد)
أسأل الله أن يثبتكم عند السؤال وأن يدخلكم من أبواب الجنة الثمانية،،، وأن يعطيكم حتى يرضيكم ،،
لن أنساكم من الدعاء،،، يكفيني رفعكم للمشكلة
|
المشاركة الأصلية كتبت بواسطة مشكلتي
 مرحبا اختي ..
1.عن طريق الطوارئ روحي لطوارئ بالمستشفى ((اي مستشفى حكومي ))وبيعطونك علاج على طول ويعطونك موعد عند دكور الجلديه ..افضل هالطريقه لانه بسرعه او روحي وقوليلهم ابي موعد عند دكور الجلديه وبيعطونك كوعد بس المستشفيات الكبار المواعيد تطول بعد شهر .. كان عندي اثاليل في اقدامي وفي كفي وتطلع لي كل فتره بس اخذلهم من الصيدليه مرهم وتروح لكن الوجه حساس يبغاله طبيب .. |
انا صاحبة المشكلة
أختي/أسأل الله لك الثبات واعطاك فوق ماتتمني وأدخلك من أبواب الجنة الثمانية،،
،،لك مني كل الشكر على التوضيح،،ولن أنساك من الدعاء