بسم الله الرحمن الرحيم
اخواتي عندي مشكلة وودي تساعدوني فيها بالذات الامهات
انا عندي ولد مراهق عمره 17 سنه هو طيب وحبوب ومطيع لكنه عصبي ويعصب
علي كثير ويرفع صوته علي حتى قدام الناس اخواتي وامي كانه مايحترمني وانا عاذرته
لاني انا عصبيه مثله وكنت اعصب على امي واقول يمكن هذا عقابي زاللي سويته في امي
سواه فيه ولدي لكن الموضوع زاد عن حده وصار حتى يرد على اذا قلت بلاش قلة ادب
يقول من اللي الحين اللي قل ادبه يقصدني بالكلام ولا يبغاني استاذنه اذا باخذ شي من عنده
ويتصرف معي كاني اخته الصغيرة مو امه وانا ما ودي اغضب عليه لكن غصب عني
وكمان الصلاة ما يصلي الا في البيت مثل ابوة واحيانا يجمع الصلاوات في وقت واحد
والله تعبت معه ودي يحترمني على الاقل قدام الناس ويعملي قدر وودي انه ينصلح حاله ويهديه ربي ويصلي مع الجماعة
تكفون عطوني تجاربكم مع اولادك او افكاركم عشان اطبقها لعل وعسى تنجح معه
الله يهديه ويصلحه اميييين يارب
رب اجعلني مقيم الصلاة ومن ذريتي ربنا وتقبل دعاء
اميييين
لم تذكري كيف يتعامل ابنج مع ابوه بنفس الطريقة ام لا؟
تربية الابناء صعبة خصوصا في سن المراهقة
المعروف انه في هذي المرحلة المراهق تزيد عصبيته
ويحس بعدم الامان وانه محد يفهم ما يحدث له
فأهم شي تصاحبين ولدج وتحسسينه انه له دور ورأي مهم
ولا مانع ان اردتي أخذ شي يخصه الاستئذان منه
ولا كيف بيتعلم يستأذن منكم اذا اراد شي؟؟
اتمنى فعلا من الاخوات من لديها الخبرة أن تفيدج
موفقة
استغفر الله العظيم الذي لا اله الا هو الحي القيوم واتوب اليه 
وانا تعاملي معاهم كالتالي
خالي لسانه طويييييييييييييييييل بس غصب صار يحترمني لا ويدور رضاي
لاني لما ازعل منه اقطعه وهذا هو الاسلوب الامثل يخليه يفكر وانا والله اكون نفسي اكلمه بس اجبر نفسي واستنا وهو اللي يقعد يدور علي
واذا ابنك من النوع اللي تموني عليه
قاطعيه فتره لو زعلك وشوفي
اما لو من النوع اللي ما يهتم زي اخوي
عليكي انك تغيري تعاملك معاه
وتصري حنووووووووووووووونه ومهتمه بس مو ضعيفه ولو
لسه يقل بادبه خذي موقف وصاااااااااااااااارم كمان
يخليه يعرف قيمتك
لازم ياقلبي
من الان تعليه لانه لو صار
25 والله ماراح تقدري عليه
الله يهديه ويصلحه