بين زوجي و حماتي .و أنا تعبت . الطبيب يجيب 2024.

سيداتي …
مشكلتي لها جانبين و سأبدأ بدون إطالة

لي 3 سنوات متزوجة .. و مشكلتي تتعلق بالجانب المادي .. حيث بالنسبة لمصروف الشخصي أنا ما بطلب شي من زوجي أبدا .. لأني بحس كأنني بذل و بعتبرها إهانة لي .. عشان هيك زوجي تعود ما يعطيني فلوس .. الا للضرورة .. بس لو طلبت منو بيعطيني.. و ما يرفض .. بس المشكلة لو ما طلبت ما يعطيني و لا يتذكر اني محتاجة فلوس .. و هاذي مشكلتي انا.. و أنا من طبعي ما بطلب … و هاذا الشي مسببلي حساسية كثير لأني بحس زوجي ما بيحبني مثل ما بدي أنا.. يعني بيعمل واجبو و بس يعني مو مدلعني أو بيشتريلي إشيا هيك أو يعطيني فلوس من غير سبب .. و صارحته مرة عن هالشي .. بس برر إنو أنا ما بطلب منو و هو كيف بدو يعرف بالهاشي … بس حتى هالأيام لو طلبت منو إشيا للبيت .. ( على فكرة أنا ساكنة فبيت مع حماتي و البيت ما بيفضى من الناس) بيقول إنو بدو يجمع الفلوس لنبني بيت لحالنا و هالشي أنا متأكدة منو .. بس أن بكون محتاجة لإشيا ضرورية خصوصا لما يكون في ضيوف و بيقول زوجي إنو تعب من المصاريف الزيادة بسبب الضيوف .. و الصراحة عندو حق حماتي عطول بتدعي الناس و بتصر عليهم يضلو بالأسابيع لأنها ما بتحب البيت يكون فاضي وبس كلشي على زوجي رغم إنو حماتي ما شاء الله مليانة فلوس بس دايما بتقول إنو ما عندها شي .. و ساعات بتجيب إشيا للبيت و بتضل شهر بتقول للناس إنو هي الي بتصرف عالبيت .. و إنو زوجي ما بيجيب شي … هاذا غير التعب الجسدي و النفسي الي أنا فيه لأنو كلو على راسي و ما في يساعدني بالبيت ..

و الصراحة تعبت بين الإثنين .. حماتي الي بدها البيت مليانة و المصاريف كثير الصراحة على زوجي ..
و زوجي الي بدو يبني البيت هالشهر و أنا كمان بدي هيك وبدي إرحل من بيت حماتي الي شفت فيه أيام سودة..

بس المشكلة إني ما ني عارفة كيف أتصرف .. من وين بدي جيب فلوس لبيت ..
زوجي بيجيب بس الضروري ..
و حماتي ما بدها تجيب شي .. ساعات بتجيب لحالها وبس .. و أنا حرت بين الإثنين … و لو كان في شي ناقص بالبيت أوغير هيك .. الناس بيقولو عني إني ما بعرف نظم البيت و ما ني ست بيت رغم إنو لو كان بيدي لخليت البيت غير
بليز بنات عطونو حلول و لا نصايح..
أرجو من الإدارة إنزال موضوعي لأنو في كثير من مشكلة طرحتها و ما نزلتوها