السلام عليكم كيفكم صبايا
انا بتمنى تنزوةا الموضوع ضروري
انا بنت عمري 17 كنت احب شخص واكلمه ومعي موبايل ما حد يدري فيه .. وبعد ما عرفت الصح وقرأت عن العلاقات المحرمة الله تاب علي وارجعت لربي ….. رجاء ما حد يجرحني
وهسى خطبت شخص ملتزم وانا مبسوطه معه الحمد لله
المهم لي اخت عمرها15 والثانية عمرها 14 هسى بيعملوا يللي انا عملته بس يفكروني ما بعرف
وبيحاولوا يخفوا عني بس انا كاشفيتهم وقبل فترة لقيت بشنتت اختي موبايل بالسر تركته.. ورجعت اطوله لقيته مو موجود ..كنت ناوية اتصرف بس خواتي قويات (ما بينطلع معهم براس) لانهم لحد هون ما عرفوا اني انا شفت الموبايل وانا ما بينتلهم ..ومع هيك صارت مشكله بيني وبين اختي وصارت تقول لي اسكتي انتي بيكفي انك كنتي تحكي مع شب يا…… انا ما قدرت اتحمل قلتلها على العموم ازا انا كنت احكي .فبيكفي اني شفت بشنتتك موبايل هي انصدمت وقالت اصلا جبته يوم ورجعته لصحبيتي … ومن يومها الموبايل مو مبين وانا متأكده انه لهم ..والمشكله انهم صغار وصاروا يحسبوا حساب انه يستعملوه لما انا اكون طالعه او يتحججوا انهن بدهم يدرسوا برا البيت قدام امي عشان الهدوء ويطلعوا عند دار عمي او جدي لياخدوا راحتهم … والمشكله امي مسكينه ما بتقدرلهن .لو بقول لها او لابوي بجوز ينجلطوا … وازا انا بتصرف ما بيسمعولي ..حاولت احكيلهم بمعنى الصداقه او أفهم بجاوبوني انتي لا تدخلي روحي شوفي شو كنتي وهم من النوع ازا بحكي معهم بردوا بوجهي وبكذبوا يا ويلي شو انهم كذابات…وانا لما قبل فترة مسكت معهم موبايل قالوا لي والله ما رح نعيدها وانا صدقتهم ..بعد كم يوم امي سمعت اشي غلط بينحكي بينهم فشكت وجابتهم حكتلهم احلفوا عالمصحف بحياته ما جبتوا موبايل انا قلت بيني وبين نفسي اكيد ما رح يحلفوا لانهم كانوا مترددات بس المصيبه حلفوا قدام امي انهم بحياتهم ما جابوا موبايل وقبل كم يوم انا كنت ماسكه معهم موبايل…انا جد تعبت والمشكله زواجي قرب وهيك هم رح ياخدوا راحتهم لانهم بيستنوا فيي اتزوج.والله بابا مو مقصر معهم حاطينهم بأحسن مدارس واحسن لبس ومال ودلال….. واللي انا خايفه منه انه هم بيحاولوا يقنعوا اهلي يطلعوا من مدارسهم الخاصه ويدخلوا حكومه لحتى يصيروا يعطلوا ويطلعوا مع اللي بيحكوا معهم بفكروني مو فاهملهن عاد انا فاهمه كل حركاتهم ….مشان الله لقولي حل…. وهاي مو أول مرة أمسكهم..قبل هيك مسكوهم بمدرستهم القديمه وانفضحوا ونقلناهم وتاني مرة مسكتهم انا …وهاي يمكن رابع مرة …والله احنا ناس ولاد اصل وسمعت اهلي متل المسك انا خايفه يشوهوا سمعتنا هدول ومراهقات بكرا ازا حكوا مع واحد اكبر منهم ابن حرام والله بدمرهم…ساعدووووني
وانتى شغلى باللبيت خطب ومواعظ عن الموضوع ده وخليهم يسمعوها
انك بتعلمي امك وابوك واللي يكلمونه بتعلمي عليه الشرطه
وطبعا لما تسجلي عليهم راح يكون مجرد كلام فقط بس عشان يخافوا
الخوف انهم يعلموا زوجك انك كنتي تكلمي ويخربوا عليك
بس انتي ردي عليهم وقولي هذا اخو صديقتي وكان عندهم مشكله
وساعدتهم في حلها وكل واحد راح لحاله
وانا ما بقدر أسجل مكالمات لانه الموبايل يللي بيحكوا فيه انا ما بعرفه